மாவீரன் புலித்தேவனுக்கு வீரவணக்கம் செலுத்துவதில் தேசம் பெருமை அடைகின்றது

Image may contain: outdoor

முன்பே பல இடங்களில் பார்த்திருக்கின்றோம், அலாவுதின் கில்ஜியின் படைகள் மதுரையினை தாக்கும் வரை சிக்கல் இல்லை

இங்கே பாண்டிய மன்னரின் வாரிசு சண்டை அவனுக்கு வாய்ப்பாகவும் இருந்தது

இஸ்லாமிய படையெடுப்பினை தடுக்க நாயக்கர்கள் மதுரை வந்தனர், இத்தோடு பாண்டிய வம்சம் மதுரையில் இருந்து அகற்றபட்டது

ஆனால் பாண்டியர்கள் முழுவதும் ஒழியவில்லை, தென்காசி , செவல், வள்ளியூர் போன்ற பகுதிகளில் சிற்றரசர்களாக நீடித்தனர்

அவர்கள் நாயக்க மன்னர்களோடு உறவு கொண்டாலும் தனி அரசர்களாகவே நீடித்தனர்

மதுரையினை ஆண்ட வெள்ளையர்கள் 72 பாளையாமாக தமிழகத்தை பிரித்து ஆண்டனர், அதில் இந்த சிற்றரசுகள் எல்லாம் வராது

இப்படியாக சென்றுகொண்டிருந்த காலத்தில் நாயக்க அரசில் உட்கட்சி தகறாது வந்தது, தஞ்சை நாயக்கருக்கும் மதுரை நாயக்கருக்கும் மோத தஞ்சையருக்கு மராட்டியன் உதவிக்கு வந்து சர்போஜி மன்னன் வம்சம் நீடித்தது

இக்காலத்தில்தான் அவுரங்கசீப் இஸ்லாமிய சாம்ராஜ்யத்தை தென்னகம் வரை நீட்டித்தான், ஆற்காடு நவாவ் உருவானது இக்காலத்தில்தான்

ஆற்காடு நவாபிற்கு மதுரையின் 72 பாளையங்களும் கட்டுபட்டன, சிற்றரசுகளும் கப்பம் கொடுத்தன‌

ஆற்காடு நவாப் குடும்ப வாரிசு சண்டையில்தான் பிரெஞ்ச் மற்றும் பிரிட்டன் வியாபாரிகள் உள்ளே வந்தனர்

கிளைவ் என்பவனின் வீரதீர செயலில் ஆற்காடு அரசின் கட்டுபாடு பிரிட்டானியர் வசம் சென்றது, கிளைவ் பெரும்படை திரட்டி இருந்தான் அவனின் தளபதிதான் மருதநாயகம்

ஆற்காடு நவாபிடம் பெரும் பங்கு போருக்காக வெள்ளையன் கோரியபொழுது தனக்கு அடங்கா அரசுகள் அல்லது அடங்க மறுத்தவர்களை கைகாட்டிவிட்டான் நவாப்

வசூல் வேட்டையில் இருந்த வெள்ளையர் குறிப்பிட்ட கப்பமோ இல்லை அதற்கு மேலோ கேட்டு சிற்றரசர்களை கட்டாயபடுத்தினர்

அப்படி வெள்ளையனால் மிரட்டபட்டவர்தான் புலித்தேவன்

வாசுதேவநல்லூர் அவனின் கோட்டை, நெல்கட்டும் ஜமீன் பாண்டிய அரசின் எச்சம்

ஆற்காடு நவாபிற்கு தலைவலியான பூலிதேவன் வெள்ளையனுக்கும் சவால் விட்டான்

சில போர்களில் அவர்களை விரட்டியும் விட்டான், ஆனால் மருதநாயகத்தின் அபாரமான ஆட்டம் முன்னாலும் வெள்ளையரின் நவீன ஆயுத பலத்தாலும் அவனால் நிற்க முடியவில்ல்லை

கைது செய்யபட்டான்

அவனை தூக்கிலிடும் முடிவில் மருதநாயகம் இழுத்து வர, ஒரு ஆலயத்தின் உள்ளே சென்று வணங்க உத்தரவு கேட்ட பூலித்தேவன் அப்படியே மாயமானான்

உள்ளிருந்த சுரங்கம் வழியே தப்பினான் இல்லை வெறு வழியில் தப்பினான் என ஏக தகவல்கள்

ஆனால் அவன் வெள்ளையர் கையால் கொல்லபடவில்லை என்பது உண்மை

அவன் மீண்டு வந்து கோட்டையினை ஆள கூடாது என்பதற்காக அவன் கோட்டையினை அழித்தான் மருதநாயகம்

ஒரு விஷயம் சொல்ல வேண்டும்

முதன் முதலில் வெள்ளையனை எதிர்த்தவன் அவனே, அவனுக்கு பின் நெடுங்காலம் கழித்தே கட்டபொம்மன் எதிர்த்த்தான்

சுதந்திர போரினை இத்தேசத்தில் தொடங்கிய முதல் வீரன் புலித்தேவன் என்பதில் சந்தேகமில்லை

மிக வீரமான போரினை நடத்தினான் புலித்தேவன், வெள்ளையர் திகைத்தனர், கிளைவ் வங்கபக்கம் இருந்ததால் வரமுடியவில்லை

மருதநாயகமே அவனை வென்றான், அதனால்தான் சாகிப் என்றிருந்த அவன் பெயர் தலைவன் சாகிப் என கான் சாகிப் ஆனது

வாசுதேவநல்லூர் அவனின் கோட்டை, நெல்கட்டும் ஜமீன் பாண்டிய அரசின் எச்சம்

ஆற்காடு நவாபிற்கு தலைவலியான பூலிதேவன் வெள்ளையனுக்கும் சவால் விட்டான்

எளிதாக அடக்கிவிடலாம் என வந்த ஆங்கிலேய படையினை ஓட விரட்டினான் புலித்தேவன், உண்மையில் அவன் புலி என கண்டுகொண்டனர் வெள்ளையர்

புலித்தேவன் அசரவில்லை களக்காடு கோட்டை, திருவில்லிபுத்தூர் கோட்டை என தொடர்ந்து பிடித்து அசத்தினான்,

வெள்ளையர் அவனை தொட முடியவில்லை பின் வாங்கினர்

இனி நெல்லையினை பிடித்து தன் அரசை விரிவுபடுத்தி வலுவானதாக ஆக்க திட்டமிட்டான் புலித்தேவன்

உண்மையில் அவன் பழைய பாண்டிய மன்னரின் சாம்ராயத்தை அமைக்க விரும்பினான், நெல்லையினை தொடர்ந்து மதுரையினை கைபற்றி தமிழ் மன்னனாக நிலைக்கும் திட்டம் அவனிடம் இருந்தது

அதற்கான தகுதியும் இருந்தது

ஆனால் மருதநாயகத்தின் அபார போர்முறை, வெள்ளை தளபதி ஹெரோன் என்பவரின் வஞ்சகம் எல்லாம் அவருக்கு எதிராக மாறிற்று

உண்மையில் நவாபின் சகோதரன் ஒருவனை யுத்த கைதியாக பிடித்தான் புலித்தேவன், அவன் உள்ளிருந்தே கருவருக்கும் வேலையினை செய்தான்

அவனை நம்பியதே புலித்தேவனின் வீழ்ச்சி, பல கோட்டைகளை வைத்திருந்த புலித்தேவன் ஒவ்வொன்றாக இழந்து, மருதநாயகத்தால் கைது செய்யபட்டான்

அவனை தூக்கிலிடும் முடிவில் மருதநாயகம் இழுத்து வர, ஒரு ஆலயத்தின் உள்ளே சென்று வணங்க உத்தரவு கேட்ட பூலித்தேவன் அப்படியே மாயமானான்

உள்ளிருந்த சுரங்கம் வழியே தப்பினான் இல்லை வெறு வழியில் தப்பினான் என ஏக தகவல்கள்

ஆனால் அவன் வெள்ளையர் கையால் கொல்லபடவில்லை என்பது உண்மை

அவன் மீண்டு வந்து கோட்டையினை ஆள கூடாது என்பதற்காக அவன் கோட்டையினை அழித்தான் மருதநாயகம்

ஒரு விஷயம் சொல்ல வேண்டும்

முதன் முதலில் வெள்ளையனை எதிர்த்தவன் அவனே, அவனுக்கு பின் நெடுங்காலம் கழித்தே கட்டபொம்மன் எதிர்த்த்தான்

சுதந்திர போரினை இத்தேசத்தில் தொடங்கிய முதல் வீரன் புலித்தேவன் என்பதில் சந்தேகமில்லை

மிக வீரமான போரினை நடத்தினான் புலித்தேவன், வெள்ளையர் திகைத்தனர், கிளைவ் வங்கபக்கம் இருந்ததால் வரமுடியவில்லை

மருதநாயகமே அவனை வென்றான், அதனால்தான் சாகிப் என்றிருந்த அவன் பெயர் தலைவன் சாகிப் என கான் சாகிப் ஆனது

புலிதேவனின் வீரப்போர் பின்னாளில் பெரும்போர் நிகழ்த்திய திப்பு சுல்தானுக்கு முன்னோடி போர், அவனின் வீரம் அத்தகையது வெற்றிபெற்றதும் அப்படியானது

இந்தியாவின் முதல் சுதந்திர போராட்ட வீரன் என வரலாறு அவனைத்தான் காட்டுகின்றது

பாஞ்சாலங்குறிச்சி கோட்டையினை விட வீரம் மிகுந்தது வாசுதேவநல்லுர் பூமி

அந்த மாவீரனின் பிறந்த நாள் இன்று, வரலாற்றில் வெள்ளையனை முதலில் எதிர்த்து சில வெற்றிகளையும் பெற்ற அந்தமாவீரனுக்கு வீரவணக்க்கம்

அவன் பாண்டிய வம்சத்தில் வந்தவன் அவனுக்கு கீழ் எல்லா சாதிகளும் ஒற்றுமையாக இருந்து வெள்ளையனை எதிர்த்திருக்கின்றன‌

ஒண்டிவீரன், வென்னிகாலடி போன்ற மாபெரும் வீரர்கள் இருந்திருக்கின்றார்கள் அவர்கள் தளபதிகள்

சாதி கொடுமை இருந்தது, ஒடுக்கபட்டோம் மிதிக்கபட்டோம் என்பதெல்லாம் சுத்த பொய் , புலித்தேவனின் ஆட்சியில் இந்த தாழ்த்தபட்டதாக சொல்லபடும் சாதியினர் தளபதிகளாகவே இருந்திருக்கின்றனர்

புரட்சி, வெங்காயம், தலித்தியம் இன்னபிற இம்சைகள் எல்லாம் அன்று இல்லை, இருந்திருந்தால் புலித்தேவனின் வீரகாவியம் இல்லை

அந்த நவாபின் சகோதரன் புலித்தேவனுடம் இருந்த காலங்களில் அவன் தொழுகை நடத்த தனி மசூதியே கட்டி கொடுத்திருக்கின்றான் புலித்தேவன், அவன் மனது அப்படி இருந்திருக்கின்றது, அவனின் இன்னொரு தளபதி கூட இஸ்லாமியரே

சாதிய ஒற்றுமைக்கும், மத ஒற்றுமைக்கும் நாட்டுபற்றுக்கும் புலித்தேவனின் வீர வாழ்வு பெரும் எடுத்துகாட்டு, அது இன்றைய தேவையும் கூட‌

அந்த மாவீரனுக்கு வீரவணக்கம் செலுத்துவதில் தேசம் பெருமை அடைகின்றது

Advertisements

இன்று டயானாவின் நினைவுநாள்

Image may contain: 1 person, smiling, close-upகடந்த நூற்றாண்டில் அரசியல், பொதுசேவை, விஞ்ஞானம், ஊழல்,கொலை,கொள்ளை என பல துறைகளில் முத்திரை பதித்த பெண்கள் உண்டு, அதில் தன் வசீகரத்தாலும், எளிமையாலும், சேவையாலும் உலகை வென்றெடுத்த பெண்களில் முதன்மையாவர் டயானா

ஒரு விசித்திரமான பெண்மணி அவர், அதனை விட மகா விசித்திரமானது அவர் வாழ்வு

எந்த பெருமைக்கும், புகழுக்கும், பதவிக்கும் ஆசைபட்டு தன் சுதந்திரத்தை தொலைக்காமல் , தான் விரும்பிய வாழ்வினை வாழ்ந்தவர் அவர், அவரின் பலமும் அது, பல்வீனமும் அதுவே

சிறுவயதில் பள்ளிக்கு செல்லவில்லை, ஆசிரியர்தான் வீட்டுக்கு வந்தார், பள்ளியினை அவர் பாத்ததே 10 வயதில்தான். மிக சுதந்திரமாக வளர்ந்தார், எங்கோ இல்லத்தரசியாக, உலகின் மிக மகிழ்வான பெண்ணாக வாழ்ந்துகொண்டிருக்க வேண்டிய அவருக்கு விதி யார் உருவில் வந்ததென்றால் உடன் பிறந்த அக்கா உருவில்

ஆம், அந்த ஜெகதலபிரதாபன் சார்ள்ஸ்க்கு கிழவிகள் முதல் குமரிகள் வரை தோழிகள் உண்டு, அதில் ஒருவர் டயானாவின் சகோதரி சாராவும் ஒருவர், சாராவோடு அவர் பழகிய நாட்களில் அவர் கண்ணில் பட்டவர்தான் டயானா

வசந்த மாளிகை சிவாஜிகணேசன் போல இருந்த சார்லஸ், டயானாவினை கண்டதும் மணம் முடிக்க துடித்தார், பிரிட்டனின் இளவரசர் ஆசைபட்டு நடக்காதது உண்டா?, மறுத்தாலும் பிடித்து வைத்து மோதிரம் மாட்டுவார்கள்,

உலகே அதிசயிக்கும் அந்த திருமணம் நடந்தது, தமிழகத்து வளர்ப்புமகன் திருமணம் எல்லாம் அதன் முன் கண் திருஷ்டி கழிக்க கூட வழியில்லாதது என்றால் அதன் பிரமாண்டத்தை நீங்களே முடிவு செய்யுங்கள்

Image may contain: 1 person, smilingஅரச குடும்பம் என்பது சாதாரணம் அல்ல, சில லட்சங்களை கண்ட புது பணக்காரர்களே “நாங்கள் யார் தெரியுமா? என் குடும்ப கவுரவம் என்ன தெரியுமா?” என ஒரு கெத்து காட்டும் உலகில், உலகாண்ட வம்சம் எப்படி இருக்கும்?

பிரிட்டன், கனடா, ஆஸ்திரேலியா, நியூசிலாந்த் ஆகிய நாடுகளுக்கும் இன்றும் அவரே ராணி , இப்படி இருக்கும் குடும்பம் எப்படிபட்ட கவுரவத்தில் இருக்கும்? அதில் ஆச்சரியமென்ன?

அதன் கட்டுபாடுகள் அப்படி பல் துலக்குவது முதல் இரவு தூங்க செல்லும் வரை அவர்கள் கவுரவம் தெரியும், எல்லாவற்றிற்கும் வேலைக்காரர்கள், எல்லாவற்றிலும் ஒரு பெருமை , கெத்து இன்னபிற‌

அரச குடும்பத்தவர் தனித்து தெரியவேண்டும், உத்தரவு மட்டுமே போடவேண்டும் என்ற ஒருவகை பயிற்சி அது, அவர்களின் பெருமை அது

டயானா இதில்தான் மாறுபட்டார், அவரின் சுதந்திரம் அவருக்கு முக்கியம், அந்த அரச குடும்பத்து பெண்கள் குழந்தைகளை கூட கொஞ்சமாட்டார்கள், பள்ளிக்கு அழைத்து செல்வது பாடம் கற்பிப்பது எல்லாம் வேலைக்காரர்கள்

டயானா இதனை உடைத்தார், அவரே வேலைக்காரரோடு சமைத்தார், அவர் குழந்தைகளை அவரே சாதரண பெண் போல பள்ளிக்கு அழைத்து சென்றார்

பிளாட்பார கடையில் கம்மல் பொறுக்கினார், சந்தித்த மக்களையெல்லாம் ராஜிவ் காந்தி ஸ்டைலில் தொட்டு பேசினார், மிக எளிமையான இளவரசியானார்

அரச குடும்பத்தின் கவுரவம் அவரால் குலைவதாக சொன்னார்கள், அவர் கண்டுகொள்ளவே இல்லை, நீ வருங்கால அரசி என சொல்லிபார்த்தார்கள், என் சுதந்திரத்தை கட்டுபடுத்தும் அந்த அரசி பதவியே வேண்டாம் என எகிறினார் டயானா

அவர் அழகி, அதுவும் வசீகரிக்கும் அழகி. ஆனால் மனதால் மிக எளிமையானவர், அந்த எளிமை எல்லா நாட்டு மக்களையும் அவர்பால் இழுத்தது, உலகெல்லாம் பிரபலமானார் டயானா

இரு குழந்தைகள் பிறந்த நிலையில் இளவரசரின் சார்லஸ் மறுபடியும் முருங்கை மரம் ஏறினார், டயானா தன் குடும்ப கவுரவத்தை காப்பாற்றவில்லை என அவரே நொந்தார், பழைய பெண் தோழிகள் நட்பை தேடினார், அவரின் இயல்பும் அது

பெண் தோழிகள் மூலம் தன் குடும்ப கவுரவத்தை காக்கும் வழியில் இறங்கினார் சார்லஸ்

டயானா அரச மரபுகளை உடைத்தார், தன் திருமணம் தோல்வியுற்ற நிலையில் பொதுவாழ்விற்குத்தான் திரும்பினார், எல்லா பொதுசேவைகளுக்கும் அள்ளி கொடுத்தார், உதவினார்

கல்கத்தா மக்களுக்கும் அவர் உதவியது கொஞ்சமல்ல‌

திருமணம் முடியும் பொழுது அவருக்கு 20 வயது, அதன் பின் அரண்மனை வாழ்க்கை, கொஞ்சம் வெளிவந்து தனக்கான வாழ்வினை தேடினார்

அந்த பரிதாபத்திற்குரிய அழகி தேடியது என்ன? அவரே சொன்னது போல, “என்னை மதித்து என்னை முழுமையாக நேசிக்கும் ஒருவர், ஒரு தூய்மையான அன்பு, அது ஒன்றுதான்”

என்னதான் இளவரசி என்றாலும் அவரின் பெண்மனம் சாதாரண பெண்ணின் மனம் போலவே ஏங்கியிருக்கின்றது

குதிரை பயிற்சியாளர், பாகிஸ்தான் டாக்டர் என பலரோடு கிசுகிசுக்கபட்டார், அதில் சில உண்மையும் பல பொய்களும் கலந்திருந்தது, அவர் போலி கவுரவத்தோடு வாழும் அன்பில்லா அரண்மனை வாழ்க்கையினை விட, தூய்மையான அன்போடு வாழும் எளிய வாழ்க்கைக்கே ஆசைபட்டார்

ஒரு கட்டத்தில் விவாகரத்து வரை சென்றது, டயானாவின் பாட்டியும் முன்பு பிரிட்டன் அரண்மனையில் வேலை செய்தவர், ராணி விசுவாசமிக்க கட்டப்பா வகை, அந்த விசுவாச புராணம் எல்லாம் பாடி பார்த்தார்கள்

என் சுதந்திரத்தை விட, என் உணர்வுகளை விட இந்த அரண்மனையில் நான் அடிமைபட்டு கிடக்கவேண்டுமா? முடியாது என சொல்லிவிட்டு விவாகரத்து செய்தார் டயானா

பெரும் கோடீஸ்வரர்கள் முதல் அரைகுறை ஆங்கிலம் பேச தெரிந்த அனைவரும் அவருக்கு விண்ணப்பம் எழுதினர், அவரை மணம் செய்துகொள்ள அத்தனை பேர் துடித்தனர்

டயானா எனும் பெண் அன்று உலகில் கொண்டாடபட்ட விதம் அப்படி

இந்நிலையில் எகிப்து கோடீஸ்வரர் அல்பயது எனும் இஸ்லாமியருடன் அவருக்கு நட்பு ஏற்பட்டது, அவரும் மனைவி இல்லா வகைதான், இருவரும் மணம் செய்ய முடிவெடுத்தார்கள்

இந்நிலையில்தான் பாரீஸ் கார்விபத்தில் டயானா கொல்லபட்டார், நெடுநாள் மர்மத்திற்கு பின் பிரிட்டன் உளவுதுறை அதிகாரி மரண படுக்கையில் நான் தான் கொன்றேன், இது அரச கட்டளை என்றார், அன்னார் இன்னும் சாகவில்லை, விரைவில் அவர் சாகடிக்கபடலாம்

ஆக வேல்ஸ் இளவரசி ஒருவர் அரச குடும்பம் எனும் இரும்பு கோட்டையில் சிக்கி, அதனை மீற முயன்ற பாவத்திற்காக கவுரவ கொலை செய்யபட்டிருப்பது உறுதியாகின்றது

சந்தேகம் இல்லை, அது கவுரவ கொலை.

எப்படியோ 36 வயதுவரையே வாழ்ந்த அந்த டயானா, உலகில் எல்லோர் மனதிலும் இடம்பிடித்தார், அவரின் வசீகர அழகு முகம் அப்படி

இனம்,மொழி,மதம் கடந்து எல்லோரும் அவரை ரசித்தனர், நேசித்தனர், அவர் மின்னும் முகமும், அந்த சிரிப்பும், சிகை அலங்காரமும், அவர் அணிந்த உடைகளும் அவரை அப்படியே தேவதையாக்கின‌

ஒருவேளை சார்லஸை அனுசரித்து சென்றால் இங்கிலாந்து அரசியாகியிருக்கும் வாய்ப்பு உண்டா என்றால் சொல்ல தெரியாது, காரணம் இங்கிலாந்து எலிசபெத் ராணி வலுத்த கட்டை, கிட்டதட்ட நம் கலைஞர் வகையறா

அதனால் டயானா இன்று இருந்திருந்தால் செயல் ராணி எனும் அளவிற்கு வந்திருக்கலாம்

டயானாவின் ஜாதகம் உலகாளும் யோகம் கொண்டதுதான், ராகுவோ, சனியோ அவரின் தன்மானத்தை உயர்த்தி பிடித்ததில் அவர் சில வாய்ப்புகளை தவறவிட்டார்

மற்றபடி சுக்கிரன், சந்திரன்,குரு எல்லாமே உச்சம்.

பிரிட்டன் ராணியின் இடம் அவருக்கானது தவற விட்டார், விவாகரத்து ஆனபின் அமெரிக்க முதன்மை பெண்மணியாகும் வாய்ப்பும் இருந்தது அதனையும் தவறவிட்டார்

எப்படி?

இந்நாளைய அமெரிக்க அதிபர் டிரம்ப் நம்ம ஊர் ஜெமினி கணேசன், சிம்பு, பிரபுதேவா வகை. 1996ல் டயானா விவாகரத்தாகும் பொழுது பெரும் அமெரிக்க செல்வந்தரான டிரம்ப் தன் முழு பயோடேட்டா + சொத்து கணக்கு பட்டியலோடு தன் விண்ணப்பத்தை சமர்பித்தார்

ஆனால் தந்திரமாக அவர் மறைத்த மனைவியர் மற்றும் தோழிகள் கணக்கு டயானாவிற்கு தெரிந்தது, அது உலகிற்கே அன்று தெரிந்த விஷயம் தான்

இவர் விளையாட்டு பிள்ளை என்பதை உணர்ந்த டயானா, “இவர்க்கு சார்லசே பரவாயில்லை, இவருக்கு ஓகே சொன்னால் விவகாரத்தானதற்கு அர்த்தமே இல்லையே ” என சொல்லி நிராகரித்தார்

டயானா இறந்த அன்று டிரம்ப் அழுததாக கூட சொன்னார்கள், இன்றும் டிரம்ப் அதிகாரத்திற்கு வந்தபின்புதான் டயானா மரண மர்ம முடிச்சு அவிழ்க்கபட்டிருப்பதும் குறிப்பிட தக்கது

இரு பெரும் உச்ச பதவிகளை தன் எளிமையான வாழ்விற்காக தவறவிட்ட டயானா உண்மையிலே அதிசய பெண்மணிதான்

கடந்த நூற்றாண்டு கண்ட அற்புதமான அழகான பெண்மணிகளில் நிச்சயம் டயானாவிற்கு இடம் உண்டு, அந்த இடம் என்றும் அழியா இடம்

இன்று டயானாவின் நினைவுநாள், உலகெல்லாம் நேசிக்கபட்ட அந்த பரிதாபத்திற்குரிய அழகு பெண்ணை உலகம் நினைத்துகொள்கின்றது.

துணிவிற்கும், எளிமைக்கும், அழகிற்கும் பெயர் பெற்று விளங்கிய டயானாவினை போல் இன்னொருவர் உண்டென்றால் அது நிச்சயம் குஷ்பூதான்

டயானா பிரிட்டனின் குஷ்பூ, குஷ்பூ இந்தியாவின் டயானா இப்படித்தான் உலக வரலாறு குறித்திருக்கின்றது

கலைவாணரை பற்றி நிறைய எழுதலாம்

Image may contain: 1 person, smilingகலைவாணரை பற்றி நிறைய எழுதியாகிவிட்டது ஆனாலும் அவரின் சுபாவம் மறுபடி மறுபடி நினைவுக்கு வருகின்றது

அவர் கார் விபத்துகுள்ளாகி சரிகின்றது, சாவகாசமாக எழும்புகிறார் கலைவாணர், சுற்றி பார்க்கின்றார். காரிலிருந்து விழுந்த ஆரஞ்சு பழம் சிதறிகிடக்கின்றது, டிரைவரை எழுப்பி அவருக்கு 2 சுளை கொடுத்துவிட்டு சாலையோரமாக அமர்ந்து பழம் சாப்பிடுகின்றார்

பின்னால் வந்த வாகனம் ஒன்று நிற்கின்றது, அலறி அடித்து ஓடி உதவ வந்தவர் என்ன ஆயிற்று என கேட்கின்றனர், பதற்றமே இன்றி சொல்கிறார் கலைவாணர்

“அது ஒண்ணுமில்லீங்க..காரை நடுரோட்டில் நிறுத்தி பழம் சாப்பிட்டால் போக்குவரத்திற்கு சிக்கல் அல்லவா?. அதனால் காரினை சரித்துபோட்டுவிட்டு யாருக்கும் இடையூறின்றி பழம் சாப்பிடுகின்றேன், நீங்களும் சாப்பிடுங்கள்”

இதுதான் கலைவாணர், எல்லா சூழ்நிலையினையும் மிக சாதரணமாக எடுத்துகொண்டு, சிரித்துகொண்டே வாழ்க்கையினை நடத்தியவர்

கோடி கோடியாக சம்பளம் வாங்கும்போது இருந்த அதே சிரிப்புதான் வீடு ஏலத்திற்கு வரும்பொழுதும் இருந்தது, திவால் அறிவிப்பு கொண்டுவந்த நீதிமன்ற ஊழியனிடம், “அட்டாட்ச்மென்ட் கொண்டு வந்திருக்க, நமக்குள்ள நல்ல அட்டாச்மென்ட் இருக்கு..” என சிரித்துகொண்டே கேட்டவர்

பெரும் வள்ளல், கேட்காமல் உதவியவர். அந்நாளில் பெரும் மதிப்பு அவருக்கு இருந்திருக்கின்றது, குழந்தை முதல் ஜி.டி நாயுடு வரை அவரின் ரசிகர்கள்.

எவனோ ஒரு தயாரிபாளன் மிக‌ சிரமபட்டு எடுத்தபடம் தோல்வியாக, பின் தானே சில காட்சிகளை நடித்து பின் அதே படத்தில் இணைத்து அதனை வெற்றியாக்கி தயாரிப்பாளன் கண்ணீரை துடைத்தவன்

இத்தனைக்கும் அந்த தயாரிப்பாளன் யாரென்றே அவருக்கு தெரியாது, அவரின் துயரம் கேள்விபட்டிருக்கின்றார், உதவி விட்டு அவர் போக்கில் சென்றுவிட்டார், ஒரு காசு வாங்கவில்லை

“சினிமா எடுக்க வருகிறவன், நஷ்டத்தோடு போக கூடாது” என்ற ஒற்றை வார்த்தையில் பதிலளித்தவர்,

எல்லாவற்றிற்கும் மேல் மனிதர் மகா கைராசிக்காரர், எப்படி?

சேலம் மார்டன் தியேட்டரில் ஒரு இளைஞனை அவர் முன் நிறுத்துகின்றார்கள், நன்றாக எழுதுவான் அய்யா என்கின்றார்கள், ஆனால் அவன் ஒல்லியாக தேகம், குள்ள உருவம்

எல்லோரும் அவனை ஏளனமாக பார்க்க, கண்டிக்கின்றார் கலைவாணர், உருவத்தை வைத்து எடைபோடாதீர்கள், இவன் இன்னொரு அகத்தியனாக இருக்கலாம் என்கிறார்.

தம்பி உனக்கோர் வாய்ப்பு தருகின்றேன், நீருபிப்பாயா என கேட்டு ,தன் பணம் படத்தின் கதையினை சொல்ல தொடங்கினார்

பணம் என்ற வார்த்தையினை சொன்னவுடன் அந்த இளைஞரிடம் இருந்து வார்த்தைகள் சீறுகின்றன‌

“பணம்..முட்டாள்களிடம் சிக்கும், கல்மனத்தோருடன் கொஞ்சும், நல்லவர்களை கெஞ்ச வைக்கும்..” என சீறி வருகின்றது வசனம்

படம் பெரும் வெற்றி, மகிழ்ந்த கலைவாணர் அவரை வாழ்த்தி ஒரு காரும் பரிசளித்து ஆசீர்வதிக்கின்றார்.

ராம்சந்தர் என்ற பெயருடன் தெருதெருவாய் அலைந்த எம்ஜி ராமசந்திரனின் கஷ்ட காலங்களில், சிவாஜி கணேசன் எனும் மகா நடிகன் மெலிந்த தேகத்தோடு வாய்ப்பு தேடிய காலங்களிலே பெரும் தொகை சம்பளம் வாங்கி காரும் வாங்கினார் அந்த இளைஞர்.

சும்மா சொல்ல கூடாது, இளைஞர் அன்றே சம்பாதித்தியத்தில் உச்சம்.

அந்த இளைஞந்தான் நமது கலைஞர், தமிழக வரலாற்றை புரட்டி அதன் மீது அமர்ந்துவிட்ட இரண்டாம் அகத்தியர்

கலைவாணரின் வாழ்த்தும் கணிப்பும் அப்படி பலித்திருக்கின்றது

அரசியலுக்கு வந்து வீடும் காரும் வாங்கும் காலத்தில் , அன்றே வீடும் காரும் வாங்கிவிட்டுத்தான் அரசியலுக்கு வந்தார் கலைஞர்

கலைஞரை கைதூக்கிவிட்டதில் என்.எஸ் கிருஷ்ணனை மறக்க முடியாது, அந்த நன்றியும் கலைஞருக்கு காலமெல்லாம் இருந்தது

தமிழக சினிமா வரலாற்றில் மறக்கமுடியா மனிதர் கலைவாணர்

நாகர்கோவில் ஓழுகினசேரி தெருக்களிலும், வடசேரி சந்தையிலும் அவர் நினைவு வந்து வந்து செல்லும், அம்மனிதன் உருவாகிய இடங்கள் அவை

அங்குதான் தன் வேடிக்கை பேச்சினை அவர் தொடங்கினார் என்பார்கள்

சென்னை எத்திராஜ் கல்லூரியினை கடக்கும் பொழுதும் அவர் நினைவு வரும், லட்சுமிகாந்தன் கொலை வழக்கில் என்.எஸ்,கே சிக்கியபோது அவருக்கு வாதாட வந்தவர் பிரபல வழக்கறிஞர் எத்திராஜ், வித்தையில் ராம்ஜெத்மலானிக்கும் தாத்தா மாதிரியானவர்

அவரின் வாதத்தில்தான் என்.எஸ்.கே விடுதலையானர், ஆனால் சொத்துக்கள் கரைந்தன,

பின்னாளில் எத்திராஜ் காலேஜ் கட்டினார்

நிச்சயமாக அந்த கல்லூரி கட்டிடத்து கல்லில் என் எஸ் கிருஷணன் பணத்தின் செங்கல் நிச்சயம் ஒளிந்திருக்கும்

வாழ்ந்த காலமெல்லாம் அள்ளிகொடுத்த வள்ளலான கிருஷ்ணன், மறைமுகமாக அள்ளிகொடுத்த காரியங்களில் சில உண்டு, அதில் எத்திராஜ் கல்லூரி சுவரும் இருக்கலாம்,

விதி லட்சுமிகாந்தன் வழியில் விளையாடி இருகின்றது.

அந்த கொடும் வழக்கு தாண்டி தியாகராஜ பாகவதரால் திரையில் வெல்லமுடியாமல் போனது, ஆனால் கிருஷ்ணன் வெற்றி பெற்றார்,

ஆனால் விதி முந்திகொண்டது.

எல்லா சூழ்நிலையினையிலும் சிரித்து கொண்டே வாழ்வினை கழித்த நாகர்கோவில் சுடலை முத்து கிருஷ்ணனை போல இன்னொரு கலைஞன் வரமுடியாது.

நாகர்கோவில் சுடலைமுத்து கிருஷ்ணன்

Image may contain: 1 person, smiling, close-up

கலைகளுக்கும் தமிழுக்கும் பெயர் பெற்ற தென்னகத்தில் அதற்கு அடையாளமாய் பலர் உண்டு

அங்கிருந்து பலர் வந்தாலும் தனித்து அடையாளிமிட்டவர் என்.எஸ். கிருஷ்ணன்.

நாகர்கோவில் சுடலைமுத்து கிருஷ்ணன்.

வடசேரி பக்கம் மளிகை கடைகளில் பணியாற்றிவர், டென்னிஸ் கோர்ட்டில் எடுபிடி, பின் வில்லுபாட்டு கலைஞன் அதன் பின்புதான் நாடக கம்பெனி நடிகன்

தமிழ் திரையுலகம் பேசா படங்களிலிருந்து, பேசும் படங்கள் வந்த காலத்தில் அவர் நாடக கம்பெனியில் இருந்து சினிமாவிற்கு வந்தார். அக்காலத்தில் எம்ஜிஆர், கலைஞர் அறிமுகமான காலமது, அப்பொழுதுதான் அவரும் வந்தார். எம்ஜிஆர் அறிமுகமான சதிலீலாவதிதான் என்.எஸ்.கேவிற்கும் முதல்படம்.

அதுவரை தமிழ்சினிமா சீரியஸ் பாடலாக செல்லும், சிரிப்பு என்று பெரிதாக இருக்காது, அந்த சிரிப்பு காட்சிகளை சிந்திக்கும் விதத்தில் சொல்லும் நுட்பத்தை முதன் முதலில் தொடங்கியவர்தான் என்.எஸ் கிருஷ்ணன்

இன்று காமெடிகள் என்பது குடிப்பது, இரட்டை அர்த்தம் , மகன் தாயினை மிரட்டுவது, புனிதமான ஆசிரியர்களை கேவலபடுத்துவது, கடவுளை கலாய்ப்பது என தலைகீழாக திரும்பிவிட்ட காலம், அப்படி ஆகியிருக்கும் காலத்தில் கலைவாணரின் சிந்தனைகள் சுகமான நினைவுகளை கிளறுகின்றன‌

அவரது காமெடி சிந்திக்க வைத்தது, யார் மனதினையும் புண்படுத்தாமல் அது சிரிக்க வைத்தது. எது மூடபழக்கம், எது சிந்தனைக்குரியது என்பதை மிக அழகாக எதார்த்த காட்சிகளில் கொண்டுவந்தவர் அவர்.

அவரது புன்னகைகான முகமும், துடுக்கான பேச்சும், கலகலப்ப்பான சுபாவமும் அவருக்கு தனி இடத்தை பெற்று கொடுத்தது, குறுகிய காலத்தில் ஏராளமான படங்களில் நடித்தார்.

இரண்டாம் மனைவியாக கட்டிகொண்ட மதுரம் வந்தபின் இன்னும் அவரது படங்களுக்கு தனி மவுசு இருந்தது, அவரது பாடல்களும், அவரின் குரலும் தமிழ்சினிமாவின் தவிர்க்கமுடியா அடையாளமாயிற்று, புகழின் உச்சிக்கு சென்றார்.

அது தகுதியானதும் கூட, பலமுறை பார்த்தாலும் இன்றும் பொருந்தகூடிய அட்டகாசமான நடிப்பு நுட்பம் அது, கலகலப்பான முகத்துடன் அனாசயாமக கடந்தார் அவர்.
சில படங்களை இயக்கவும் செய்தார், ஏராளமான பாடல்களை சொந்தமாகவும் எழுதினார். அக்காலத்திலே சம்பாதித்து குவித்தவர் அவர். ஆனால் அள்ளிகொடுப்பதில் நிறைய அவருக்கு நிகர் அவரே.

அன்றைய காலத்தில் அவரிடம் உதவிபெறாதவர்கள் குறைவு, அள்ளி அள்ளி கொடுத்திருக்கின்றார். அது ஒரு கட்டத்தில் அவரை திவாலாக்கும் நிலைக்கும் சென்றபின்னும் அவர் மாறவில்லை, பின் சம்பாதித்துகொண்டார்.

திருட வந்தவனுக்கு சோறுபோட்டு அவர் வேலை கொடுத்த கதைதான் பின்னாளில் ஆனந்தம் படத்தில் வந்தது, அவர் வாழ்வில் நடந்த சம்பவம் அது.

அவர் தருமம் எனும் பெயரில் வருமான வரியினை மறைக்கின்றார் என சந்தேகபட்ட அதிகாரி, மாறுவேடத்தில் பொய் மகள் திருமணம் என கைஏந்தி நின்றதும், அப்போது அள்ளிகொடுத்த என்.எஸ்.கேவிடம் கண்கலங்கி, நீர் கர்ணன் அய்யா என கண்ணீர்விட்டு, இனியாவது ஒரு கணக்கு வையுங்கள் என சொன்னதும் அவரின் இளகிய மனதிற்கு எடுத்துகாட்டுகள், நடந்த உண்மை இது

இறுதிகாலத்தில் தன்னிடம் மருந்துவமனையில் பணகட்டுடன் சந்தித்த எம்ஜிஆரிடம் சில்லரையாக கொடு ராமச்சந்திரா, நிறைய பேருக்கு கொடுக்கலாம் என சொன்ன மனம் அவருடையது.

இப்படி ஏராளமான விஷயங்கள் அவரிடம் உண்டு, மதுரம் அவரிடம் மயங்கியதே அறிமுகம் இல்லா மதுரத்திற்கு அவர் அவசரத்தில் உதவியதால்தான், அந்த நன்றி காதலாயிற்று.

சீர்திருத்த கருத்துக்களை சொன்னாலும் காந்தி மீது அவருக்கு பெரும் மரியாதை இருந்தது, நாகர்கோவிலில் அன்றே காந்தி நினைவுதூண் நிறுவியது அவரே

ஒரு மனிதனுக்கு வாழ்வு வரும்பொழுது கூடவே சோதனைகளையும் அனுப்புவது இறைவனுக்கு பிடித்தமான ஒன்று, அதுவும் கலைஞர்கள் ஜாதகம் அப்படியானது.
அவருக்கு விதி லட்சுமிகாந்தன் உருவில் வந்தது, ல்ட்சுமி காந்தன் சினிமா பத்திரிகை நடத்தினார், அதாவது இன்றைய கிசுகிசு கசமுசா பத்திரிகை செய்திக்கெல்லாம் அவர்தான் முப்பாட்டன்.

பத்திரிகை செய்தி எனும்பெயரில் பலரை மிரட்டிகொண்டிருந்தார், பணம் வசூலித்துகொண்டிருந்தார் என அவர் மீது ஒரு சலசலப்பு இருந்தது
அக்காலத்தில் உள்ளவர்கள் கிசுகிசுவிற்கு அஞ்சியிருக்கின்றனர், சில சர்ச்சைகள் வெடித்திருக்கின்றன, அவருக்கு பல எதிரிகள் இருந்தார்கள்.

சர்ச்சை நடக்குபொழுது அந்த லட்சுமிகாந்தன் கொல்லபட்டார், பழி தியாகராஜ பாகவதர் மீதும் திட்டத்திற்கு உதவியதாக என்.எஸ் கே மீதும் விழுந்தது, அது பிரிட்டிசார் ஆண்ட காலம், யாரும் தப்பமுடியாது.

இன்று இருப்பது போல நடிகன் கார் ஏற்றி கொன்றுவிட்டு அசால்ட்டாக வெளிவருவது, பணத்தினை கொடுத்து காரியம் முடிப்பது எல்லாம் பிரிட்டிசார் காலத்தில் இல்லை.
வழக்கு நடக்கும்பொழுது சிறைவைக்கபட்டார் கிட்டதட்ட 3 ஆண்டு கால சிறைவாசம்,

திறமையான அக்காலத்து ராம்ஜெத்மலானியான வழக்கறிஞர் எத்திராஜின் வாதத்தில் குற்றமற்றவர் என விடுதலையானார் என்.எஸ் கிருஷ்ணன்
அந்த இடைவெளிக்கு பின் தியாகராஜபாகவதர் சரிந்தார்,

ஆனால் என் எஸ்கே பழைய இடத்தினை பிடித்தார், கலைவாணர் பட்டமும் அதன் பின்புதான் வழங்கபட்டது,நல்ல தம்பி போன்ற படங்களை அதன் பின்புதான் கொடுத்தார்.

திடீரென நோயில் விழுந்தார், அது கன்னத்து புற்றுநோயாக இருக்கலாம் என்கிறார்கள், பல் பிடுங்கிய இடத்தில் நிற்காமல் வந்த ரத்தம் அவர் உயிரை பிடுங்கிற்று
சாகும் பொழுது அவருக்கு வயது 49.

தமிழ் சினிமா உலகம் கோஷ்டி சண்டைக்கு பெயர்பெற்றது, அவ்வுலகத்தில் எல்லோருக்கும் பிடித்தமான, எல்லோரும் பழககூடிய ஒரு நடிகன் இருந்திருக்கின்றான் என்றால் அது நிச்சயம் என்.எஸ்.கே ஒருவர்தான்

சென்னையில் அவருக்கு சிலையும் உண்டு, அவர் பெயரில் அரங்கமும் உண்டு

மதுரத்துடன் அவர் செய்த காமெடிகள் காலத்தை கடந்தவை, அவரின் பாடல்கள் இன்றளவும் நினைவுக்கு வருபவை காரணம் எதார்த்த வாழ்வின் பாடல் அது

“எங்கே தேடுவேன் பணத்தை எங்கே தேடுவேன்”
“ஒண்ணில இருந்து இருபது வரைக்கும் கொண்டாட்டம்” போன்ற பாடல்கள் மாத சம்பளம் வாங்குவோரின் நிரந்தர கானம்.

எத்தனையோ விஷயங்களை ரசிக்கதக்க விஷயத்தில் சொன்னவர், சிரிப்பாக சிரிக்க வைத்து சிந்திக்க வைத்தவர்.
இயல்பாக வரும் பிறவி ஞானம் என ஒன்று உண்டு,

அது அவருக்கு, எம் ஆர் ராதா, பாலையா , நாகேஷ் போன்ற நடிகர்களுக்கு வாய்த்திருந்தது, அதுதான் அவர்களை உயர்த்தி காட்டியது.

தமிழ் சினிமாவில் சிரிப்பு காட்சிகள் இருக்கும் வரை, சிந்தனை கருத்துக்கள் வரும்வரை என்.எஸ் கிருஷ்ணனும் வாழ்ந்துகொண்டே இருப்பார்.

நாகர்கோவில் செல்லும்பொழுதெல்லாம் அந்த தெரு, அந்த டென்னிஸ் கோர்ட், அந்த வடசேரி சந்தை என அந்த இடங்களை பார்க்கும்பொழுதெல்லாம் அவர் நினைவே வரும்.

வடசேரி சந்தையில் அக்கால மாட்டுவண்டி வியாபாரிகளிடம் துண்டு கருப்பெட்டி வாங்க வந்து சிரிக்க வைப்பார் என்பது அக்காலத்தவர்கள் சொல்ல கேட்டது, அப்பொழுதே அவருக்கு ரசிகர்கள் இருந்திருக்கின்றார்கள்.

மறக்கமுடியா நினைவுகள் உண்டு
அண்ணாவிற்கு ஆதரவாக பிரச்சாரம் செய்கிறார் என்.எஸ்.கே, எதிர் வேட்பாளர் ஒரு காங்கிரஸ்காரர் மருத்துவர். பிரச்சாரத்தில் கடுமையாக டாக்டரை புகழ்கின்றார், அவர் படிப்பென்ன, அவர் கைராசி என்ன? அவர் காப்பாற்றிய உயிர்கள் எத்தனை என பெரும் பாராட்டு

சொல்லிவிட்டு கேட்கின்றார், “சொல்லுங்க டாக்டர் எப்படி?” எல்லோரும் சொல்கின்றார்கள், “சொக்க தங்கம், எங்களுக்கு கிடைத்த வரம்”

“புரிகிறதல்லவா, அவரை சட்டசபைக்கு அனுப்பாமல் இங்கேயே வைத்து கொள்ளுங்கள், உங்களை நன்றாக கவனித்து கொள்வார். அண்ணாவிற்கு மருத்துவம் தெரியாது அவரை சட்டசபைக்கு அனுப்பி விடுங்கள்..”
இதுதான் என்.எஸ.கே,

யார் மனதனையும் புண்படுத்தாமல், புன்னகை பூத்த முகமாய் வாழ்வினை கடந்து சென்ற, எல்லோரையும் சிரிக்க வைத்த பெரும் கலைஞன்,

கலைவாணரின் வாழ்வு சொல்வது ஒன்றுதான்

தமிழகம் மகா வித்தியாசமானது, இங்கு மக்கள் அபிமானம் பெற்றோர்கள் சீர்திருத்த கருத்து பேசினால் எப்படியாவது தொலைத்துவிடுவார்கள், வசமாக வழக்கில் சிக்க வைத்து முடித்துவிடுவார்கள்

அதுவும் சூத்திரன் பேசிவிட்டால் தொலைத்தே விடுவார்கள்

அப்படி வஞ்சக வழக்கில் சிக்கவைக்கபட்ட முதல் நடிகன் என்.எஸ் கிருஷ்ணன் அடுத்து எம்.ஆர் ராதா

இருவரையும் இப்படித்தான் சரித்தார்கள்

இறுதிவரை அக்கும்பலால் தொடமுடியாமல் போனவர்கள் பெரியாரும் , கலைஞருமே. இருவரையும் அவர்களால் நெருங்க கூட முடியவில்லை

உண்மையில் தான் பேசிய மூட நம்பிக்கை ஒழிப்பிற்காகவும், புராணங்களை கிழ்த்து கிண்டல் செய்ததற்காகவுமே வழக்கில் சிக்கவைக்கபட்டு ஒழிக்கபட்டார் கலைவாணர்

இன்று அவருக்கு நினைவுநாள்

மறக்கமுடியாத கலைஞன். அந்த தமிழகத்து சார்லி சாப்ளின். அவருக்கு ஆழ்ந்த அஞ்சலிகள்

கால்டுவெல் நினைவு தினம்

Image may contain: 1 person, close-upதமிழுக்கு தொண்டு செய்த வரிசையில் தமிழர்கள் மட்டும் அல்ல, பலநாட்டு அறிஞர்களும் பேருதவி புரிந்துள்ளனர், மறக்க முடியாதவர்கள் அவர்கள்.

அலெக்ஸாண்டர் காலத்திலே அவர்கள் அடைய துடித்த இந்தியா பின்னாளில் பிரிட்டிசார் காலத்திலே முழுக்க சாத்தியமாயிற்று, ஏராளமான ஐரோப்பியர் குவிந்து அவர்களுக்கு தேவையானதை தேடினர்

வியாபாரிகள், பேராசைக்காரர் ஒருபுறம், ஆன்மீகத்தை தேடியோர் இன்னொரு புறம், இங்கு தாழகிடந்தவர்களை உயர்த்த வந்தோர் ஒருபுறம் ஏராளமானோர் வந்தனர்.

இங்கிருக்கும் மொழிகளை கற்று அவற்றில் ஏதும் அறிவுசெல்வம் இருக்குமா என தேடி வந்தோரும் உண்டு, அவர்களில் ஒருவர்தான் கால்டுவெல்.

அவருக்கு அப்பொழுது இருபது வயது, அயர்லாந்துக்காரர் நிச்சயம் சமயபணிக்காகத்தான் வந்தார், கப்பலில் வரும்பொழுதே தெலுங்கு தெரிந்த ஒருவருடன் பழகினார். அப்பொழுதே தென்னக மொழிகளின் மீது அவருக்கு ஈர்ப்பு வந்தது

சென்னைக்கு வர 4 மாதம் ஆகும் நிலையில் கப்பலிலே தெலுங்கும், சமஸ்கிருதமும் ஓரளவு கற்றுகொண்டார், சென்னையில் இறங்கும்பொழுதே அவர் தெலுங்கு பேச படித்திருந்தார்.

சென்னையில் இறங்கியபின்பு தமிழ் மொழி

சென்னையில் இறங்கினார், அங்கே துருவர் என்ப அறிஞரிடம் தமிழ்கற்றார், தமிழை அவர் கசடற கற்றது அங்குதான்

ஓருவருடம் மொழி படித்துவிட்டு, தமிழகத்தை படிக்க கிளம்பினார். தமிழகத்தை நடந்தே சுற்றினார் கால்டுவெல் சென்னையிலிருந்து திருச்சி , தஞ்சை என நடந்தார். சிதம்பரம் தஞ்சை கோயில்களை தரிசித்தார், பின் கோவைக்கு நடந்தார். அதன் பின்பே பாளையங்கோட்டை வந்தார்

தமிழகத்தை நடந்தே சுற்றியதால் அவருக்கு தமிழ்நாடும் புரிந்தது, தமிழும் புரிந்தது.

அக்கால போதகர்கள் எல்லாம் பால் தினகரன் போல கோட் சூட் போட்டு ஏசி அறையில் போதிப்பவர்கள் அல்ல, வேகாத வெயிலில் அலைந்து வறிய கிராமங்களில் குடிசையில் வாழ்ந்தவர்கள்

அப்படி கால்டுவெல்லும் இடையன்குடி எனும் தேரிகாட்டு கிராமத்தில் பனைமரங்கள் புடைசூழ்ந்த பகுதியில் குடியேறினார், அங்கிருந்தே கல்விபணி, சமயபணி எல்லாம் செய்தார். ஒரு ஆலயம் அமைத்தார் மிக அழகான ஆலயம் அது, அதனைவிட மகா முக்கியமானது அவர் ஆரம்பித்தபள்ளி.

அங்கிருந்துதான் தமிழின் அனைத்து பண்டைய நூல்களையும் கற்றார், அன்று அவை அச்சுக்கு கூட வரவில்லை சகலமும் ஓலை சுவடியே

அதனிலிருந்து கவனம் கவனமாக படித்து தன் முடிவுகளை அவர் ஒவ்வொன்றாக சொல்ல ஆரம்பித்தார், அது பின் நூலாகவும் வந்தது

அவர் சொன்னது இதுதான் , தமிழ் உலகின் ஆதிமொழி தனித்துவமான மொழி. முதல் 6 பண்டைய மொழிகளில் ஒன்று

தெலுங்கு, கன்னடம், மலையாளம் , துளு எல்லாம் இந்த தமிழினின்றும் பிற மொழிகளின் கலவையிலும் உருவானவையே

இப்படி அவர் தன் ஆய்வு முடிவுகளை எழுதிய நூல்தான் “திராவிட மொழிகளின் ஒப்பிலக்கணக்கணம்” தமிழின் சிறப்பினை கூறும் மிக சிறந்த புத்தகம் அது, பின்னாளைய தேவநேயபாவணார் அதனைத்தான் தன் மேற்கோளாக கொண்டார்.

கடற்கரையெங்கும் சுற்றியிருக்கின்றார், இடையன்குடியின் அருகிலிருக்கும் உவரியின் பழமையினை பற்றி ஆய்வு செய்திருக்கின்றார், ஈழ தமிழருக்கும் தமிழருக்கும் உள்ள தொடர்புகளை பதிவு செய்திருக்கின்றார்

ஈழதமிழர்கள் தமிழகத்தின் நெல்லைபகுதியில் இருந்து சென்றவர்கள் என்பது அவரின் முடிவு. பல விஷயங்களில் நெல்லையருக்கும் யாழ்பாணத்தாருக்கும் ஒற்றுமை அதிகம்

அங்கு காணபடும் திருநெல்வேலி, தாமிரபரணி போன்ற பெயர்களாகட்டும், சனிகிழமை பழக்கமாகட்டும், சொதி போன்ற உணவுகளாகட்டும் நெல்லைக்கும், யாழ்பாணத்திற்கும் தொடர்புகள் மிக அதிகம்

அதனை முதன் முதலில் ஆய்வில் சொன்னவர் கால்டுவெல்தான்

தமிழ் ஆராய்ச்சிகள் ஒருபக்கம் இருந்தாலும், இன்னொரு பக்கம் அன்றைய நெல்லை மாவட்டத்து அரசியலை அப்படியே டைரி போல எழுதி வைத்திருந்தார் அந்நூல்தான் “திருநெல்வேலியின் அரசியல் பொது வரலாறு”

தமிழுக்காக வாழ்ந்த கால்டுவெல் நாகர்கோவிலை சேர்ந்த தமிழ்பெண்ணைத்தான் திருமணம் செய்தார், அவர் பெயர் எலிசா. இத்தம்பதிகள் இடையன்குடியில் சுமார் 50 ஆண்டுகாலம் சேவையாற்றி இருக்கின்றன.

அந்த பள்ளி மகா முக்கியமானது, இன்று இடையன் குடி மட்டுமல்ல அப்பகுதி மக்களே ஓரளவு நல்ல கல்வி பெற்றிருப்பதற்கு அப்பள்ளியே அடிப்படை.

கால்டுவெல் தமிழுக்கும், தென் பகுதி மக்களுக்கும் செய்திருக்கும் உதவி கொஞ்சமல்ல.

கொஞ்சநாளைக்கு முன்பு நாடார்களை அவர் ஏதோ எழுதிவிட்டார், அதனை பாடமாக்கிவிட்டார்கள் என சசிகலா புஷ்பா வரை குதித்தது நினைவிருக்கலாம்

அக்காலத்தில் புறக்கணிக்கபட்ட தேரிகாட்டிற்கு நாடார்கள் விரட்டபட்டிருந்தனர். நாயக்கர்கள் வளமான பகுதிகளில் ஆட்சி செலுத்த நாடார்கள் ஒதுக்கபட்டிருந்தனர். அவர்கள் விவசாயத்தை விட்டு பனைஏறுதல் போன்ற தொழில்களில் ஈடுபட்ட காலம் அது.

அப்பொழுது கண்ட நாடார்களை பற்றி சில குறிப்புகளை எழுதியிருந்தார், அது சிலரால் கொடூரமாக திரிக்கபட்டு பின் விவகாரமாயிற்று.

நாடார் மக்களோடு வாழ்ந்துகொண்டு அப்படி ஒரு வரியினை அவர் எழுதியிருக்க முடியாது, எழுதியிருந்தால் 50 ஆண்டுகாலம் அவரால் அக்கிராமத்தில் வசித்திருக்க முடியாது.

தமிழின் பெருமையினை ஆங்கிலத்தில் நூலாக எழுதி ஐரோப்பாவிற்கு அனுப்பினார், கிளாஸ்கோ பல்கலை கழகம் அவரை கொண்டாடியது, அந்நாளைய சென்னை கவர்னர் நேப்பியர் நேரில் இடையன் குடி சென்று அவரை வாழ்த்தினார்

கிறிஸ்தவம் சம்பந்தமாக பல நூல்களை எழுதினார், அது அவரின் தொழில்முறை எனினும், தமிழுக்காக அவர் தனித்து எழுதிய புத்தகங்களில் அவரின் தமிழ்பற்று தெரிகின்றது

மாந்தரின் தோற்றம் குமரிகண்டத்தில் தொடங்கி வடக்கு நோக்கி சென்றது, சிந்துவெளி மெசபடோமியா என அது வரவிற்று, தமிழர் என்பதே திராவிடர் என திரிந்தது என்றேல்லாம் முதன் முதலில் பதிந்தது கால்டுவெல்தான்

அந்த பாதையில்தான் தமிழரின் தொன்மை பற்றி புதுவேகம் தமிழகத்தில் பிறந்தது, பல தமிழறிஞர்கள் அவர் கருத்தை ஆதரித்தார்கள், “கல்தோன்றி மண்தோன்றா..” போன்ற வசனங்கள் அதன் பின்புதான் தொடங்கின.

அதாவது நாயக்கர் காலத்தில் தமிழ் தன் அடையாளங்களை இழக்க தொடங்கியிருந்தது, கல்வெட்டு தமிழை படிப்பவர் மிக குறைவு, பேச்சு தமிழ் மட்டும் வழக்கில் இருந்தது. பிராமணார் ஆதிக்கத்தில் அவர்கள் சொற்களும் கலந்திருந்தன.

தமிழகம் தன் அடையாளத்தை அறியாமல் தடுமாறியது, நாயக்கர்களும் நல்லாட்சிதான் நடத்தினர், குறை சொல்லமுடியாது, அவர்களின் சமயபணிகளும் நன்றிகுறியது

ஆனால் தமிழின் தொன்மை, அதன் அடையாளங்கள் எல்லாம் மறைந்துகொண்டிருந்தன, அதனை காக்கத்தான் யாருமில்லை

உதாரணம் சொல்லவேண்டுமென்றால் தஞ்சை கோவிலை கட்டியதுயார் என்றே தெரியாது, பின்னாளில் ஒரு ஜெர்மானியன் தான் கல்வெட்டு படித்து அதனை கட்டியது ராஜராஜ சோழன் என சொன்னான்

அப்படி கால்டுவெல்லும் பின்னால் வந்து உலகிற்கே மூத்தமொழி தமிழ் என சொல்லி அதற்கு புத்தகமும் எழுதினான்

மார்க்ஸின் புத்தகம் ஐரோப்பாவினை புரட்டியது போல, ஹிட்லரின் மெயின் கேம்ப் ஜெர்மனியினை அதிர செய்தது போல கால்டுவெல்லின் புத்தகமும் ஐரோப்பாவினை அதிர செய்தது

குறிப்பாக அந்த ஒரு வரி, எந்த வரி?

பைபிளை கசடற கற்றவன் கால்டுவெல், அதில் ஆதியாகம் அழகாக சொல்கின்றது, கடவுள் மண்ணில் மனிதனை படைத்து “நீ மண்ணில் இருந்து வந்ததால் மனிதன் எனப்படுவாய்” என்கின்றார்

இன்றும் ஆங்கிலத்தின் மனிதனின் பெயர் மண் என்பதுதான், மன் (men) அல்லது மேன் (Man) என சொல்லிகொள்வார்கள், உச்சரிப்புதான் வேறே தவிர. மணிதன் என்றால் அவர்கள் மொழியில் மண் தான்.

இதனை அழுத்தி சொன்னான் கால்டுவெல், ஆங்கிலத்தில் சாண்ட் என்றால் தமிழில் மண். கடவுள் மனிதனுக்கு மண் என பெயரிட்டார் என்றால் ஆதிகால மொழி தமிழாகவே இருந்திருக்க வேண்டும், அதுவேதான்

சமஸ்கிருதத்தில் அது மனு என்றாகின்றது, மண்ணு என்பதன் திரிபு அது.

ஆக கடவுள் ஆதியாகமத்தில் சொன்னது உண்மையென்றால், ஆதிமனிதனின் மொழி தமிழே, கடவுளே மனிதனை மண் என் அழைத்ததைத்தான், ஆங்கிலத்தில் மன் என அழைக்கின்றோம் என குறிப்பிட்டிருந்தான்

ஆடிபோனது ஐரோப்பா, அதனை அங்கீகரிக்க படித்த அறிஞர்களுக்கு வியர்த்து கொட்டிற்று, இந்த வரிகள் உலகில் பல அதிர்வுகளை ஏற்படுத்தும் என்பதால் அவற்றை வெட்டிவிட்டார்கள்

இது கால்டுவெல் சம்பதத்தோடு நடந்ததா, இல்லையா என்பது தெரியவில்லை, இதுவும் பெரும் மூடி மறைக்கபட்ட வரலாற்று மோசடி. வெள்ளையர்கள் அங்கீகரித்த வரலாறு அப்படித்தான்

எப்படி இருந்தாலும் கால்டுவெல் என்பவர் மறக்க கூடியவர் அல்ல, தமிழுக்கு அவர் ஆற்றிய தொண்டு பல தமிழர்கள் ஆற்றிய தொண்டிற்கு சற்றும் குறைந்தது அல்ல.

உவரி கோவிலுக்கு செல்லும் பொழுது அந்த இடையன் குடி ஊரினை கடந்துதான் செல்லவேண்டும், அப்பொழுதெல்லாம் இறங்கி அந்த ஆலயத்தில் அவர் புதைக்கபட்ட அந்த இடத்தில் கொஞ்சநேரம் அமர்ந்துவிட்டு வருவது வழக்கம்

அது கிறிஸ்தவ ஆலயம் என ஒதுக்கிவிட முடியாது, ஒரு மாபெரும் தமிழ்காதலன் உலாவி திரிந்த இடம் அது, அந்த பீடத்தினை கைகளால் தொட்டாலே ஒரு சிலிர்ப்பு ஒட்டிகொள்ளும்

அங்கிருப்பது எல்லாம் 18ம் நூற்றாண்டு பொருட்கள், அழகும் உறுதியும் வாய்ந்த பொக்கிஷங்கள் அவை

அந்த ஆலயத்தை அடுத்துதான் அவன் வாழ்ந்த வீடும் உண்டு, முன்பு குடிசையில்தான் இருந்தாராம் பின் வோட்டு வீடாக மாறிற்றாம்.

அயர்லாந்தின் குளுகுளுவான பகுதியில் வாழ்ந்தவன், இங்கு வந்து இந்த வேகாத வெயிலில் என்னபாடு பட்டிருப்பான்? எப்படி அவனால் முடிந்தது?

அவனின் மனம் அவ்வளவு விசாலமாக இருந்திருக்கின்றது, எந்த சூழலையும் தாங்கும் பக்குவத்தை அது கொடுத்திருக்கின்றது, வெயிலையும் குளிரையும் ஒன்றாகவே கருதியிருக்கின்றான் அந்த உயர்ந்தவன்.

அந்த வீட்டினை அவரின் நினைவு இல்லமாக மாற்றியிருக்கின்றார்கள், அங்கிருந்துதான் அவன் தமிழை ஆராய்ந்திருக்கின்றான், அந்த ஒப்பற்ற நூலை எழுதியிருக்கின்றான் எனும்பொழுது தமிழனாக நன்றி கண்ணீர் கொட்டியது.

இன்று அவருக்கு நினைவு நாள்

கிறிஸ்தவம் என்பது மைக் கட்டிகொண்டு இந்து தெய்வங்களை பழிப்பதோ இல்லை காளகேயர் போல தஸ்தா புஸ்தா என பரலோக பாஷை பேசுவதோ அல்லது டிவியில் கோட் சூட் போட்டு பாட்டுபடிப்பது அல்ல‌

எங்கோ பிறந்து இன்னொரு நாட்டுக்கு வந்து அம்மக்களில் ஒருவனாகமாறி, அம்மக்களின் கலாச்சரத்தில் கலந்து அவர்களோடு வாழ்ந்து மரிப்பது

நல்ல கிறிஸ்தவனான கால்டுவெல் அதனை செய்தார்.

இங்கு அல்லேலூயா என கத்தும் ஒரு கிறிஸ்தவனை ஆப்ரிக்க பின் தங்கிய கிராமத்தில் சென்று, அவர்கள் மொழியினை கற்று, அவர்களுக்கு பள்ளி நடத்தி, அவர்கள் பெண்களில் ஒருவரை மணந்து அவர்களில் ஒருவராக வாழ்கின்றாயா? என கேளுங்கள்

“அப்பாலே போ சாத்தானே, என்னை சோதிக்காதே ..” என்பார்கள்.

இவர்களுக்கு தெரிந்த கிறிஸ்துவம் என்ன? யாரையாவது சதா திட்டவேண்டும், யாருக்காவது சாபம் கொடுத்து கொண்டே இருக்கவேண்டும், அதன் பெயர் ஜெபம்

இப்பொழுது வசமாக சிக்கியிருப்பவர் மோடி.

ஏதோ மோடி அவர்கள் ஆலயத்தில் புகுந்து அவர்களி பைபிளை கிழித்து போட்டு, இவர்களை இழுத்து போட்டு சிலுவையால் அடிப்பது போல பலர் பேசிகொண்டிருக்கின்றான்

அவன் மோடியினை பார்க்கவேண்டாம், இந்த கால்டுவெல்லை பார்த்தால் போதும்

தமிழ் , தமிழ் என கத்தி அரசியல் செய்பவர்களும் கால்டுவெல்லை பார்த்தால் பல விஷயங்கள் தோன்றும்

எங்கிருந்தோ வந்து தமிழுக்கு எவ்வளவு காரியங்களை சத்தமின்றி செய்திருக்கின்றான் அவன், இதில் 10ல் ஒரு பங்கேனும் இங்கு இருக்கும் தமிழுணர்வாளர்கள் செய்திருப்பார்களா என்றால் இல்லை.

இன்று அவரின் நினைவுநாள்

அந்த மாமனிதனுக்கு இடையன்குடியின் வசித்த தமிழ் இடையனுக்கு ஆழ்ந்த தமிழ் அஞ்சலி.

தமிழனாய் வாழ்ந்த அந்த வெள்ளையன் இங்கேதான் உறங்கிகொண்டும் இருக்கின்றான்

இன்று அன்னை தெரசா பிறந்தநாள்

Image may contain: one or more people and close-up

இன்று அன்னை தெரசா பிறந்தநாள், இப்பொழுது பதிவு எழுதியவுடன் சங்கிளுடன் மல்லுகட்ட வேண்டும்

அன்னையின் தொன்டை பற்றி சொன்னால் “ஏ சதிகாரா, நீ கிறிஸ்தவன் அவள் கிறிஸ்தவச்சி, மதமாற்றிய கிறிஸ்தவச்சி” என சங்கிகள் பொங்குவார்கள்

திமுகவினருடன் சண்டை முடிந்த நிலையில் இன்னும் சில மணிதுளிகளில் சங்கிகளுடன் அடுத்த யுத்தம் தொடரும்

இன்று அவர்களோடு மல்லுகட்டு என எம்பெருமான் இட்டமுடன் எழுதியிருக்கின்றான்


கிறிஸ்து இயேசு எப்படி போதித்தார்?,

“ஒடுக்கபட்டோருக்கும், அனாதைகளுக்கும், ஆதரவில்லா அபலைகளுக்கும், நோயுற்றோருக்கும்வாழ வழியற்றவருக்கும் வாழ்வளிக்கும் பொருட்டு நானே வந்தேன்” அப்படித்தான் போதித்தார்.

அப்படி அவர் ஏழையாக வந்தார், சமூகத்தால் விரட்டபட்டோருடன் வாழ்ந்தார், நோயாளிகள், பாவிகள் என ஒதுக்கபட்டோர், புறக்கணிக்கபட்டோர் என யாருடனும் பழக அவருக்கு தயக்கமில்லை.

அவர்களுக்கு எது தேவையோ அதனில் உதவினார். பசி,நோய் என அவர்கள் பிணியினை விரட்டினார்.

ஒரு யூதன் பாவிகள் எனப்படும் ஏழைகளுடன் இப்படி உறவாடுவதா எனும் வன்மத்தில் அவர் அடித்துகொல்லப்ட்டார், ஒரு கவுரவ கொலை அது.

சாகும் பொழுதும் அவர் ஒருவனுக்கு பார்வை அளித்துதான் செத்தார். அவரின் வாழ்வு அதனைத்தான் சொல்கின்றது

அப்படிபட்ட கிறிஸ்துவின் உண்மையான சீடர்கள், அவர் போலத்தான் வாழ்வார்கள். அடுத்தவருக்காக உழைத்து கொண்டே இருப்பார்கள், தன்னலம் என்பது சிறிதும் இருக்காது. எங்கெல்லாம் உதவிபெற மக்கள் கையேந்திகொண்டிருக்கின்றார்களோ அங்கெல்லாம் அவர்கள் இருப்பார்கள்.

பைபிளில் இயேசு சொல்கிறார் “அந்த கைவிடபட்டவரோரில் இருப்பதெல்லாம் நானே, அவர்களுக்கு செய்வதை எல்லாம் எனக்கே செய்கின்றீர்கள்”.

நல்ல ஊழியர்கள் அதனைத்தான் செய்தார்கள், அவரில் ஒருவர்தான் நாம் கண்ணால் கண்ட மானிட தெய்வம்
அன்னை தெரசா

அவர் அல்பேனிய பிறப்பு, துறவற சபையினில் சேர்ந்து ஒரு ஆசிரியையாக இந்தியா வந்தார், ஆனால் பள்ளிக்கு செல்லும் வழியில் சாலையோரம் கிடந்த நோயாளிகள், முதியவர்கள், பசியாளர்களை தாண்டி செல்லும் பொழுது அம்மக்களின் தேவைகளில் இயேசுவினை கண்டார், அவர்களுக்கு உழைப்பதே இயேசுவிற்கு செய்யும் பணி என சுய தர்மத்தை வகுத்துகொண்டார்.

மேலிடம் சீறியது, ஒழுங்காக பாடம் மட்டும் நடத்து என்றது. அவர் அசரவில்லை மாறாக சபையினை விட்டே வெளியேறினார். மாற்று உடை இல்லை, தங்க இடமில்லை, அடுத்தவேளைக்கு உத்திரவாதமில்லை கையில் இருந்ததோ 5 ரூபாய், அதோடு கிளம்பினார்

அந்த நோயாளிகளை அரவணைத்தார், நல்ல செய்தி சொன்னார். அதுதான் நற்செய்தி அதுதான் சமஸ்கிருதத்தில் சுவிஷேசம். நான் இருக்கின்றேன் உன் துயரம் போக்குவேன் என தாழகிடப்பவனிடம் சொல்வதே நற்செய்தி.

மாறாக செத்துகிடப்பவனிடம் ஞானஸ்நானம் வாங்கு, கிறிஸ்தவனாக மாறு என சொல்வது அப்பட்டமான வியாபாரம், அது நற்செய்தி அல்ல மாறாக பேரம்

முதலில் ஓட அடித்தார்கள், அவமான படுத்தினார்கள். கொஞ்சமும் தளராமல் போராடினார் தெரசா. தன் அவமானத்தையும் கண்ணீரையும் எல்லாம் இயேசுவோடு மட்டும் பகிர்ந்துகொண்டார். அவர் சபையோ இதற சபைகளோ அவரை ஏறேடுத்தும் பார்க்கவில்லை.

ஆனால் கடவுள் அவளை கண்காணித்துகொண்டே இருந்தார் கூடவே கல்கத்தா மக்களும்.

யார் இவள்? எங்கிருந்தோ வந்தாள், நமது மக்களுக்கு பாடுபடுகின்றாள் என சிந்திக்க தொடங்கினர், தெரசாவிற்கு ஒரு அங்கிகாரம் கிடைத்தது. முதலில் பழைய பொருள், மீதி உணவு கொடுத்தனர். அதன் பின் கொஞ்ச கொஞ்சமாக உதவி கரங்கள் நீண்டன‌

தொழுநோயாளிகளை, சாக்கடை புழுக்களாக சாலையோரம் சுருண்டு கிடந்த மக்களை மானிட நேயத்தில் அவர் தொட்டு அவரணைத்த பொழுது கல்கத்தா நகரம் கண்ணீர் விட்டு அவரிடம் மண்டியிட்டது.

இப்படி தனி ஆளாகத்தான் வளர்ந்தார் தெரசா, பின்னாளில் உலகெல்லாம் அறியபட்டார். அவருக்கு முதல் சிக்கல் அப்பகுதி சங் பரிவார கும்பலிடம் இருந்து வந்தது, அவர் மதமாற்றம் செய்கிறார், அவரை நாடு கடத்துங்கள் என முழக்கமிட்டு நேரு முன்னால் வெடித்தது சர்ச்சை

நேரு அவர்களின் தலைவர்களுடன் அன்னையின் ஆசிரமம் சென்றார், அங்கே நோயாளிகளுக்கு மருந்து இடுதல், முதியவருக்கு உணவூட்டுதல் போன்ற பணிகள் நடந்துகொண்டிருந்தன. இந்துக்கள் கீதையும் இஸ்லாமியர் குரானும் படித்துகொண்டிருந்தனர்

தெரசா அமைதியாக சொன்னார், மனிதர்களின் தேவையில் நான் என் இயேசுவை காண்கிறேன், அவருக்கு பணி செய்கிறேன். இவர்கள் எம்மதமோ, என்ன இனமோ எனக்கு பிரச்சினையே அல்ல. மனிதர்கள் அது போதும்.

இப்படித்தான் பரமன் இயேசு எங்களுக்கு கற்பித்தார், அதனைத்தான் செய்கின்றோம், இந்த சேவைதான் கிறிஸ்தவ மதம், இப்படி தன்னலமற்ற சிலுவையினை சுமக்கத்தான் எங்களுக்கு கற்பிக்கபட்டிருக்கின்றது. சுமக்கின்றோம், எங்களோடு அச்சிலுவை சுமக்க வருபவர்களை சேர்க்கின்றோமே தவிர வேறு ஒன்றுமல்ல. எங்கள் சபையில் இருக்கும் சகோதரிகளெ எல்லாம் அச்சிலுவை சுமக்க வந்தோரே.

எனக்கு தேவை மத்மாற்றம் அல்ல, மாறாக உங்களை போன்றவர்களின் மனமாற்றம். இம்மானிடருக்கு, சக மனிதருக்கு மனிதனாய் உதவும் மனமாற்றம். மதங்களை தாண்டிய மானிட நேய மனமாற்றம்.

நேரு சொன்னார், “இவள் அந்நிய நாட்டுக்காரி, ஆனால் சேவை செய்வது நம் மக்களுக்காக, உங்கள் வீட்டு பெண்கள் இதற்கு தயார் என்றால் இவளை அனுப்பிவிடலாம்”

தலைகுனிந்த பரிவாரங்கள் அதன் பின் வம்பு வளர்க்கவே இல்லை, அந்த மனமாற்றம் அங்கே நடந்தது, அதன் பின் தெரசாவின் சேவைக்கு எல்லோரும் உதவினார்கள்.

உலகமே கொட்டி கொடுத்தது, அவருக்கு கிடைக்காத பரிசுகள் இல்லை, குவியாத காணிக்கை இல்லை. கிரிக்கெட் வீரர்கள் கூட கல்கத்தாவில் விளையாடினால் வெற்றி பணத்தில் ஒரு பங்கினை எடுத்து வைத்தார்கள்.

எப்படி அவ்வளவு பெரும் சேவை நிறுவணத்தை அவரால் இயக்க முடிந்தது? எளிதான விஷயம், பைபிளில் 5 ஆயிரம் ஏழைகளுக்கு உணவளித்தார் இயேசு, பல இடங்களில் அது காணகிடக்கின்றது, எத்தனையோ பேருக்கு நோய் தீர்த்தார் என்பதும் இருக்கின்றது

அன்னை தெரசா கல்கத்தா நகரில் அந்த பைபிள் காட்சியினைத்தான் நிகழத்தினார். அந்த அக்காலத்து இஸ்ரேலிய காட்சிகள்தான் பின் கல்கத்தாவில் அரங்கேறின, சேவையாய் அறங்கேறின.

அதுதான் கிறிஸ்தவம, இதுதான் ஊழியம்.

இதனை விட்டுவிட்டு பொறியல் கல்லூரி நடத்துவது, மேடைகளில் பெர்மார்மன்ஸ் காட்டுவது, இயேசு எனக்கு அப்படி கட்டளையிட்டார் என பிதறுவது, அடுத்த மதத்தாரை சாடுவது, உலகம் அழியபோகிறது என பயமுறுத்துவது. எழுப்புதல் , மிரட்டுதல் அந்நியபாஷை அலப்பறைகள் எல்லாம் கிறிஸ்தவம் ஆகா

அது அப்பட்டமான பிழைப்புவாதம். தொழில்
தவிப்பவன் வாயில் தண்ணீர் விடுவதுதான் கிறிஸ்துவமே தவிர, அவன் தலையில் தண்ணீர் ஊற்றி ஞானஸ்நானம் பெறு என்பதா கிறிஸ்தவம்?

இன்று அவர்கள் அதனைத்தான் செய்கின்றார்கள். முழுக்க சுயநலம் எல்லாம் தன்னலம், அதற்கு மேல் தன் மதத்தாருக்கு மட்டுமான அப்பட்டமான சுயநலம். இதில் எங்கிருந்து வாழும் கிறிஸ்தவம்?

தெரசாவின் தன்னலமற்ற சேவையில் மகிழ்ந்தர் கிறிஸ்து, உயிர்த்து நின்றார் இயேசு. அவர் உயிரோடுதான் இருப்பார். தெரசா போன்றோரின் சேவையில் அவர்தான் தெரிந்தார், அவருக்கு அங்கு மரணமில்லை

ஆனால் இந்த அழிச்சாட்டிய பிழைப்புவாத கிறிஸ்தவர்களின் அட்டகாசத்தில் தினகரன் & சன், சார்ள்ஸ் ஆபிரகாம் , ஏஞ்சல் டிவி அழிச்சாட்டியத்தில் அவரை தினசரி கொல்கின்றார்கள்.

அன்னை தேரசா எங்காவது தன்னை விளம்பரம் செய்தாரா? இயேசு அழைக்கின்றார், விசிலடிக்கின்றார், அலாரம் அடிக்கின்றார் என இம்சை செய்தாரா? இஞ்சினியரிங் காலேஜ் கட்டினாரா? எந்த அரசியல்வாதியினை தேடி சென்று போஸ் கொடுத்தாரா?

இல்லை தெருவோரம் கண்ட அனாதைகளிடம் சேவை செய்தார், அவர்களிடம்தான் கிறிஸ்துவத்தின் தேவை இருந்தது, கண்டார் அடைந்தார்.

அதனால் புனிதரும் ஆனார்

நாம் வணங்கிகொண்டிருக்கும் அந்தோணியார் பெரும் புனிதர். அவர் வாழ்ந்த காலத்தில் பிறருக்காகவே வாழ்ந்தார், அனைத்து அற்புதங்களையும் பிற மக்களுக்காகவே செய்தார், தனக்காக துளியும் செய்தவரில்லை அவர்.

கிட்டதட்ட தமிழக சித்தர்களின் வாழ்க்கை சாயல்

இன்றும் அவர் ஆலயங்களில் எல்லா மத பக்தர்களும் வழிபடுகின்றார்கள், பலன்பெறுகின்றார்கள், அவர்கள் எம்மதம்? ஞானஸ்நானம் பெற்றவர்களா? இயேசு தெரியுமா? என்பதல்லாம் பிரச்சினையே அல்ல, கண்ணீர் விடும் மனிதானா?, போதும் அவர் அற்புதம் நிகழ்த்துகின்றார்

அப்படி பிறருக்காக வாழ்ந்த புனிதர்கள் வரிசையில் தெரசாவும் வருவதில் ஆச்சரியமில்லை, புனிதர் எனும் வார்த்தைக்கு அன்றே திருவள்ளுவன் குறள் எழுதி வைத்தான்

வையத்தில் வாழ்வாங்கு வாழ்பவர் வானுறையும்
தெய்வத்தில் வைக்க படும்

இக்குறளுக்கு லத்தீனில் விளக்கம் அளித்து அங்கீகாரம் கொடுக்கும் நிகழ்வே அந்த புனிதர் பட்டம். அதுதான் விஷயம். அவ்வளவுதான்

வாழ்வாங்கு வாழ்வதென்றால் அம்பானி, டாடா, பில்கேட்ஸ், தமிழக அரசியல்வாதிகள் ஸ்டைல் அல்ல, மாறாக அடுத்தவருக்காக வாழ்வினை அற்பணித்து வாழ்பவர்கள் வரிசை, வானில் வாழும் தெய்வத்தின் வரிசை

அன்னை தெரசாவும் அந்த தெய்வ வரிசையினை பெற்றுவிட்டார், அவர் என்று அல்ல முல்லை பெரியாறு அணை கட்டிய பென்னிகுயிக், வேலூர் மருத்துவமனை கண்ட ஐடா ஸ்கேடர், நெல்லையின் சாரா டக்கர் போன்றவர்கள் எல்லாம் அந்த புனிதர்கள் வரிசையே

காசுக்காக இயேசுவினை கூறுபோடுபவர்களும், பைபிள் வசனத்தால் பிழைப்பு நடத்துபவர்களும் ஒருநாளும் அத்தகுதிக்கு வரமாட்டார்கள். அவர்கள் வியாபாரிகள்

மதமாற்றம் எனும் வியாபாரம் செய்வார்களே ஒழிய மனமாற்றம் என்பதை சிந்திக்க மாட்டார்கள்.

மானிடனுக்கு அடிப்படை உதவி தேவைபடும் இடங்களில் எல்லாம் இயேசு இருப்பார், நான் உலக முடிவுவரை உங்களோடு இருப்பேன் என அவர் சொன்ன தத்துவமும் அதுவே.

“மனம் மாறுங்கள், வானுலக அரசினை படைப்போம்” என பரமன் இயேசு ஏன் அழைத்தார்?

ஏழைகளுக்கு உதவ “மனம் மாறுங்கள்”, ஒடுக்கபட்டோருகு உதவ “மனம் மாறுங்கள்”, பாவிகளை ஏற்றுகொள்ள, நோயுற்றோரை அரவணைக்க “மனம் மாறுங்கள்” என அழைத்தார்.

“மனம் திரும்புங்கள் கடவுளின் அரசு சமீபத்திலிருக்கின்றது..” எனும் வசனத்திற்கு நீங்கள் மனம் திரும்பினால் கடவுளின் அரசினை படைப்பது, அதாவது சமத்துவ உலகினை படைப்பது மிக அருகில் இருக்கின்றது என்ற பொருளும் உண்டு.

இப்படித்தான் மனம் திரும்ப அழைத்தார் இயேசு.
மாறாக எங்காவது அவர் ரோமையரை, கிரேக்கரை இன்னும் பல அடுத்த மதத்து மக்களை “மதம் மாறுங்கள்” என அழைத்தாரா? ஒருக்காலும் இல்லை, இல்லவே இல்லை .
இவை எல்லாம் பின்னால் வந்த அழிச்சாட்டியம், இன்று தமிழகத்தில் வியாபாரமாய் நடக்கும் அழிச்சாட்டியம்.

இந்த தத்துவத்தை சரியாக பிடித்து, அதற்காக வாழ்ந்து மானிடரை நேசிக்கும் மனிதராக மனம் மாறுங்கள் என பறைசாற்றி நின்றவர்தான் அன்னை தெரசா

அவருக்கு புனிதர் பட்டம் வழங்கும் விழாவி ரோமில் பலபேர் கூடுகின்றனர், சுஷ்மா சுவராஜ் தலமையில் இந்தியர் செல்வதை உலகமே கவனிக்கின்றது, காரணம் அந்த மானிட தேவதை உழைத்தது நமக்காக, நம் இந்திய சகோதரர்களுக்காக‌

இந்த தேசமும் அவருக்கு பாரத ரத்னா வரை கொடுத்து கவுரவித்தது, தன் பங்கிற்கு அவரை போற்றிகொண்டுதான் இருக்கின்றது, மறக்கவில்லை.

இனி அவர் புனிதர் தெரேசா அதாவது அவரிடம் வேண்டினால் அது நடக்கும் என கத்தோலிக்க தலமை பீடம் அறிவிக்க போகின்றது, அவர் பெயரில் ஆலய பீடங்கள் இனி எழும்பும், எல்லோரும் பிரார்த்திப்பார்கள்

ஆனால் கடவுளிடம் அன்னை தெரசா எப்படி பிரார்த்திகொண்டிருப்பார்?

“எனக்கு மிக பிடித்தமான இந்த இந்திய மக்கள், மதம் கடந்த மானுட நேயத்திலும், உதவி செய்யும் சகோதர மனப்பான்மையிலும் ஒற்றுமையாய் வளர்ந்து, உன்னத சமூகமாக திகழ அருள்புரிவாய் சர்வேஸ்வரா

இந்தியாவில் மானுடம் வாழட்டும், மனிதநேயம் செழிக்கட்டும். சகமனிதனை புறந்தள்ளாமல் அரவணைக்கும் தெய்வீகபண்பு ஓளிவீசட்டும், அவர்கள் துன்பமெல்லாம் தீர அருள்செய் பரம்பொருளே, “

இதுதான் அவரின் பிரார்த்தனை, அது இபபடித்தான் இருக்கும். எல்லா மானிடருக்காகவும் இருக்கும், அவர்கள் துன்பம் தீர்க்கும் பிரார்த்தனையாக இருக்கும்.

கல்கத்தாவின் காவல் தெய்வம் காளி என்பார்கள், இருக்கட்டும். எல்லா தெய்வமும் ஒன்றே.

அந்த பெரும் தெய்வம் சாந்தமான பெண் உருவெடுத்து கல்கத்தாவினில் கொஞ்சகாலம் சேவை செய்து மக்களை காப்பாற்றியிருக்கின்றது,

பின் வரும் அபலைகள் , ஏழைகள், வறியர்கள் எங்கிருந்தாலும் வாழவும் அது பெரும் வழி செய்துவிட்டு மறைந்திருக்கின்றது.

தெரசாவின் வாழ்க்கை அதனைத்தான் சொல்கின்றது.

இன்று அவரின் பிறந்த நாள், எங்கிருந்தோ வந்து இத்தேசத்தின் கல்கத்தா மக்களுக்கு தன் வாழ்வினை அர்பனித்த அந்த கடவுளின் மகளுக்கு ஆழ்ந்த நன்றியும் அஞ்சலிகளும்


 

முருகபெருமானோடு கலந்துவிட்ட கிருபானந்த வாரியாருக்கு அஞ்சலிகள்

Image may contain: 1 person, smiling, close-up

தமிழ்கடவுள் முருகன், அந்த முருகனுக்கு ஏகபட்ட அடியவர்களும் புலவர்களும் இங்கு இருந்தார்கள்,, அவ்வையார், அருணகிரி நாதர் என பலர் இருந்தார்கள். அவர்களை எல்லாம் நாம் கண்டதில்லை

ஆனால் இவர்களை எல்லாம் நாம் வாழும் காலத்தில் ஒரு உருவத்தில் மொத்தமாக கண்டோம் என்றால் அது கிருபானந்த வாரியார்

பிறவி ஞானி. பக்தி அவர் ரத்தத்தில் இயல்பாக வந்தது. முருகன் அவர் கருவில் இருக்கும்பொழுதே அவரை ஆட்கொண்டான்

அது அவர் வளர வளர வளர்ந்தது, 12 வயதிலே ஆயிரகணக்கான பாடல்களை மனப்பாடம் செய்திருந்தார், 16 வயதினிலே அவர் தனியாக உபன்யாசமும், மத விளக்க உரையும் கொடுக்கும் அளவு அவருக்கு ஞானம் மிகுந்திருந்தது

நிச்சயம் அகில இந்திய அளவு, விவேகானந்தர் அளவு வந்திருக்கவேண்டிய மகான் அவர், ஆனால் முருகன் ஆலயம் நிரம்பிய தமிழகத்திலே தன்னை நிறுத்திகொண்டார்

அவர் காலம் தமிழ்நாட்டில் நாத்திக அலை சுனாமியாய் பொங்கிய காலம், நாத்திக கூட்டம் ஒரு மதவாதி விடாமல் கரித்து கொட்டி கருப்பு சட்டையும் கொடியுமாக வலம் வந்த காலம்

ஆனால் அவர்களுக்கும் உள்ளூர கிருபானந்தவாரி மேல் மதிப்பு இருந்தது, கிருபானந்தவாரியும் கூடுமானவரை அவர்களின் மோதல் போக்கினை பெருந்தன்மையாக தவிர்த்தே வந்தார்

இந்துமதத்தின் கொள்கைகள், உபநிஷத்துகள் உணர கஷ்டம் எனும் நிலையில், பாமர மக்கள் அதை புரிந்து கொள்ளும் வகையில் மிக எளிய தமிழில் சொன்னவர் அவர்

எத்தனையோ இதழ்களை நடத்தினார், ஏராளமான புத்தகங்களையும் எழுதினார்

சாந்தமான முகம் , பார்த்தால் வணங்கதக்க தோற்றம், அமைதியான மொழி, அழகு தமிழ், வாய்திறந்தால் எம்பெருமான் என தொடங்கும் அந்த கீர்த்தி எல்லாம் இனி யாருக்கும் வாய்க்காதவை

எந்த வாதத்திலும் அவரை வெல்ல முடியாது , எந்த சபையிலும் அவர் தோற்றதுமில்லை

சங்க காலத்திலிருந்து வந்த ஆழ்வார்கள், அடியார்கள், புலவர்கள் வரிசையில் நாம் கண்ட மாபெரும் மனிதர் கிருபானந்தவாரி

அதில் சந்தேகமே இல்லை

அந்த அற்புதமான அமைதியான அர்த்தமுள்ள ஆன்மீக சொற்பொழிவினை இனி கொடுக்க யாருமில்லை

முருகன் , ராமாயணம், பாரதம் என இந்து மத பாரம்பரியங்களை அவர் விளக்கினால் பசியின்றி தூக்கமின்றி கேட்டுகொண்டே இருக்கலாம், அவ்வளவு உருக்கமும் அழகும் வாய்ந்த சொற்கள் அவை

இன்று அவர் இல்லாவிட்டாலும் அவரின் பெரும் உழைப்பும் அவரின் பேச்சும், எழுத்தும் என்றும் ஆன்மீக உலகில் நிற்கும், நிலைக்கும்

சாட்சாத் முருகபெருமான் அவர் நாவில் இருந்து தமிழ் கொடுத்தான் என்பதை பல இடங்களில் காண முடிந்தது

இந்த நூற்றாண்டின் மிக சிறந்த தமிழறிஞர்களில் அவரும் ஒருவர், கண்ணில் ஒற்ற கூடிய அழகு தமிழ் அது

ஆனால் தமிழ் என்பது தமிழக நாத்திகர்களின் சொத்து அவர்கள் வளர்த்ததே தமிழ் எனும் ஒருவித குருட்டு நம்பிக்கையில் ஆன்மீகவாதியான கிருபானந்தவாரியின் அழகு தமிழ் வெளிதெரியாமல் ஆக்கபட்டது

இன்று அவரின் பிறந்த நாள், அந்த ஆன்மீக பெரியவருகு பக்தி அஞ்சலிகள்

இந்துமதத்தின் சிறப்புக்களை, பெருந்தன்மையினை பலாச்சுளையினை தேனில் நனைத்து இனிக்க இனிக்க கொடுத்தவர் அவர்.

முருகபெருமானோடு கலந்துவிட்ட அந்த பக்தனுக்கு மீண்டும் அஞ்சலிகள்

(எந்த மாபெரும் மனிதனும் சில இடங்களில் சறுக்குவார்கள், சிவனே வரம் கொடுத்துவிட்டு ஓடி ஒளிந்த உலகமிது

அப்படி ராமசந்திரனுக்கு “பொன்மன செம்மல்” என்ற பட்டம் கொடுத்தையும், நாஞ்சில் சம்பத்துக்கு “ஞான சிறுவன்” என்ற பட்டத்தை சிறுவயதில் கொடுத்ததையும் தவிர அவர்மேல் ஒரு சர்ச்சையும் சொல்ல முடியாது

அப்படி பட்டம் கொடுத்ததற்காக நிச்சயம் அவர் பின்னாளில் முருகனிடம் மன்னிப்பு கேட்டிருப்பார் )