தியாக நடவடிக்கைகளில் இறங்கிவிட்டார் மோடி.

ஒரு நல்ல ஆட்சியாளனின் திறமை நாடு சிக்கலில் மாட்டும்பொழுதுதான் பளிச்சிடும், மோடியின் அசத்தலான நடவடிக்கை இப்பொழுது மலைமேல் ஜோதியாய் மின்னுகின்றது

மோடி கொரோனா பரவ ஆரம்பித்த ஜனவரியில் இருந்தே பல விஷயங்களை செய்துவந்தார், உச்சமாக கொரோனா வெடித்ததும் முதல் நடவடிக்கையாக இந்தியாவில் இருந்து மருந்து ஏற்றுமதியினை மார்ச் 20ம் தேதியே நிறுத்தினார்

இன்று 30 நாடுகள் இந்திய மருந்துக்காக கெஞ்சுகின்றன அமெரிக்க்கா உட்பட, மோடியோ எம் மருந்து எம்மக்களுக்கே என சொல்லிகொண்டிருக்கின்றார், ஆக இந்தியா போதுமான மருந்துகளை கையில் வைத்திருக்கின்றது

ஐ.எஸ்.ஆர்.ஓ முதல் டி.ஆர்.டி.ஓ வரை எல்லா நிறுவணங்களையும் மருத்துவ உபகரணம் பக்கம் திருப்பினார் , பெரும் தொழிலதிபர்கள் மோடி கேட்டுகொண்டதுடன் சானிட்டைசர் முதல் முககவசம் வரை தயாரிப்பில் இறங்கினர்

முழு அடைப்பு எனும் சவாலை எடுத்து தேசத்தின் கொரோனா எண்ணிக்கையினை சொற்பமாக கட்டுக்குள் வைத்திருக்கின்றார் மோடி

இனி உலகம் பொருளாதர சிக்கலில் சிக்கும் நேரம் என்பதை உணர்ந்து இந்தியாவில் சிக்கன நடவடிக்கைகளை அறிமுகபடுத்துகின்றார்

இனி டெல்லியில் எம்பிக்களுக்கு ஓராண்டு 30% சம்பளம் வெட்டபடும், எம்பி நிதி போன்றவை ஈராண்டுக்கு நிறுத்தபடும்

( நாம் சில தினங்களுக்கு முன்பே இனி அரசின் செலவுகளை சமாளிக்க எம்பி, எம்.எல்.ஏக்கள் சம்பளம் குறைக்கபட வேண்டும் என சொல்லியிருந்தோம்)

ஆக மகா துணிச்சலான , தியாக நடவடிக்கைகளில் இறங்கிவிட்டார் மோடி. இப்படி ஒரு தலமை கிடைத்திருப்பது தேசத்தின் வரம்

இனி மாநில அரசு இதை முன்மாதிரியாக கொண்டு சம்பள குறைப்பு செய்ய வேண்டிய நேரம், திமுக தலமை விபரமானது என்றால் பாதி சம்பளம் போதும் அல்லது வேண்டாம் என சொல்லும் , அது பழனிச்சாமி கூட்டணியில் நெருக்கடியினை ஏற்படுத்தும்

ஆம் சம்பளத்தை அள்ளி கொடுத்தே எம்.எல்.ஏக்களை கையில் வைத்திருகின்றார் பழனிச்சாமி, இந்த இடத்தில் கருணாநிதி இருந்தால் “ஒரு ரூபாய் கூட வேண்டாம், நாங்கள் மக்கள் பணியாளர்” என களத்துக்கு வருவார்

ஆனால் இப்போதுள்ள தலமையிடம் அதை எல்லாம் எதிர்பார்க்க முடியாது

ஆக இனி எம்பிக்களுக்கு சம்பள குறைப்பு இது இன்னும் 30%ல் இருந்து 50% வரும் வரை வெட்டபடலாம் என்கின்றார்கள்

சும்மாவே கோடிகணக்கில் செலவழித்து , அதாவது அமைச்சராகலாம் சம்பாதிக்கலாம் என பல கோடிகளை கொட்டி எம்பி ஆகிய திமுக எம்பிக்களுக்கு மோடி அரசு வந்தது பேரதிர்ச்சி

இப்பொழுது சம்பளமும் வெட்டபடுவது அதை விட அதிர்ச்சி, நிச்சயம் இதை போராட்டமாக ஆக்க முடியாது ஆக்கினால் பொதுமக்களே இவர்களை கொரோனா வார்டில் தள்ளிவிடுவார்கள்

இதனால் சோதனை மேல் சோதனை என அமர்ந்திருக்கின்றது திமுக எம்பி கோஷ்டி, வைகோ எப்பவருக்கு விஷயம் முன்பே தெரியும் போல, சில நாட்களாக சத்தமே இல்லை, அனுபவஸ்தன் என்றால் அவர்தான்

இனி டெல்லி பாராளுமன்றத்துக்கு தமிழக எம்பிக்கள் ஒருமாதிரி செல்வார்கள், அங்கு யாராவது “நீங்கள் பெரியார் மண்ணில் இருந்து வந்தவர்கள் தானே?” என கேட்டால் முதலில் அரைமணி நேரம் அழுவார்கள் அதன் பின்பே பேசுவார்கள்

அவர்கள் மனதில் அவ்வளவு வலி இருக்கின்றது, தீ பட்ட காயத்தில் கொரோனா வந்து தேளாக கொட்டுகின்றது.

இந்தியாவில் மோடியினை கொரோனா நிரந்தரமாக பதவியில் அமர்த்திவிட்டது.

உலகில் பல ஆரூடங்கள் வர ஆரம்பித்துவிட்டன‌

அதாவது கொள்ளை நோய்கள் என்பது ஐரோப்பாவுக்கு புதிதே அல்ல, முன்பெல்லாம் அடிக்கடி வரும். அதுவும் ஆசியாவுக்கு போர், வியாபாரம் என அவர்கள் வந்தபின் அடிக்கடி வந்தன‌

இந்த லாக் டவுண், எல்லை மூடல் , சர்ச்சைகள், கொத்து சாவுகள் எல்லாம் அவர்களுக்கு பழக்கபட்டவை. ஒன்று கொள்ளை நோயால் நடக்கும் இல்லை போர்களால் நடக்கும்.

அன்பின் வடிவான கிறிஸ்தவ மத நாடுகள் என்றாலும் அவர்களுக்குள் வெட்டி கொண்டும் சுட்டு கொண்ட செத்தும் கணக்கும் முப்பது முக்கோடிகளையும் தாண்டும்.

அப்படியே வியாபாரம் என கீழை நாடுகளுக்கு வந்து செல்லும் அவர்கள் ஏதோ ஒரு நோயினை பரப்பினர், சீதோஷ்ணம் உணவு இன்னும் பல மாறுதல்கள் அந்த நோய்களை பரப்பின.

இடம் விட்டு இடம் மாறும்போது வரும் நோய்கள் எளிதில் ஐரோப்பாவில் வியாபாரிகள் வடிவில் புகுந்தன‌

சுருக்கமாக சொன்னால் ஆசியாவின் வெப்பமண்டல நோய்கள் ஐரோப்பாவின் சீதோஷ்ணத்துக்கு குத்தாட்டம் போட்டது

வெள்ளையன் இங்கே அம்மையினை ஒழித்தான், அம்மையின் பாட்டியினை ஒழித்தான் என் திராவிட கும்பல் அடிக்கடி சொல்லும் , ஏன் ஒழிக்க முனைந்தான்? அவனுக்கு பொதுநலமா? அதற்கு முன் இங்கு மக்கள் வாழவே இல்ல்லையா?

அவனுக்கு ஏன் அவ்வளவு அக்கறை?

அதை ஒழித்தால்தான் அவனால் இங்கு பயமின்றி வரமுடியும், வியாபாரம் போர் என சுரண்ட முடியும். இதனாலே இங்கிருக்கும் நோய்களை ஒழிக்க பாடுபட்டானே அன்றி, பொதுநலம் எல்லாம் அல்லவே அல்ல..

கொள்ளை நோய்களின் முடிவிலே அங்கு பல சாம்ராஜ்யங்கள் மாறியிருகின்றன‌

போப்பாண்டவர் சிலுவை போரின் முடிவில் பரவிய கொள்ளை நோய்களிலே பலமிழந்திருக்கின்றார்

14ம் நூற்றாண்டில் பரவிய பிளேக் நோயின் முடிவிலே போப் சரிந்து, ஐரோப்பாவில் புரட்டஸ்டேண்டுகள் எழுந்து என்னவெல்லாமோ செய்திருக்கின்றன‌

ஸ்பானிஷ் புளூ எனும் கொடும் நோய் செய்த மிக பெரும் உயிரழப்பின் விளைவே பலமிழந்த ரஷ்யாவில் புரட்சி ஏற்பட்டு ஐரோப்பாவிலும் பரவியது

அந்த நோயின் விளைவே ஜெர்மனியின் படுதோல்வியும் ஹிட்லரின் எழுச்சியும்

ஸ்பானிஷ் புளுவுக்க்கு பின் ஐரோப்பாவினை ஆட்டும் மிகபெரிய நோய் கொரோனா, இதனால் அரசுகள் பலமிழக்கும், பலமிழந்து அடங்கி கிடக்கும் சக்திகள் அதிகாரம் பெறலாம்

எதுவும் கொரோனா முடிவில் நடக்கலாம், கொரோனாவால் அதிகாரமும் ராணுவமும் வீழ்ந்தால் ஆட்சி தானாய் மாறும்

ஏற்கனவே வந்த கொள்ளை நோய்களை போல கொரோனாவும் ஐரோப்பாவில் காட்சிகளை ஆட்சிகளை மாற்றுமா என ஒரு எதிர்பார்ப்பும் பரபரப்பும் எழுந்துள்ளது, அதற்கான வாய்ப்பினையும் மறுக்க முடியாது

ஆனால் இந்தியாவில் மோடியினை கொரோனா நிரந்தரமாக பதவியில் அமர்த்திவிட்டது என்பதுதான் இப்போதைய உலக ஆச்சரியம், ஆம் கொரோனாவால் உலகின் எந்த அரசும் சரியலாம் ஆனால் மோடி அரசு உறுதிபெற்றுகொண்டே இருக்கின்றது

தீபத்தின் சக்தி.

அந்த இந்தியா சீனாவுடனான யுத்தத்தில் சோர்ந்திருந்தது, நேரு என்பவர் சத்தமே இல்லை அவர் துண்டிருந்தார், தலைவன் உற்சாகமாக இல்லா சேனையும் தேசமும் தோற்கும்

இதை மிக சரியாக கணக்கிட்டே `1965ல் பாகிஸ்தான் படையெடுத்தது, துவண்ட இந்தியா துவண்டே பலகீனமாஹிவிட்டது, நேருவும் இல்லை அதனால் ராணுவமும் உற்சாகமாக இல்லை என்றுதான் மிக நுட்பமாக வந்தார்கள்

ஆனால் சாஸ்திரி அரணாக எழும்பினார், அவருக்கு துணையாக காமராஜர் எனும் மாபெரும் தியாகசுடரும் எல்லைக்கே சென்றது, “ஜெய் ஜவான்..” என அவர் முழங்கிய முழக்கத்திலே உற்சாகம் கொண்ட இந்தியா பாகிஸ்தானை புரட்டி அடித்து அந்த மாபெரும் வெற்றியினை பெற்றது
மாபெரும் சக்திவாய்ந்த ஹிட்லரை தன் உற்சாகமான உரைகளால் நம்பிக்கையாய் வைத்திருந்து லண்டனுக்குள் வராமல் பார்த்து கொண்டான் சர்ச்சில், அந்நேரம் லண்டனை காத்தவன் அவனே

ஐசன்ஹோவர், கென்னடி போன்றோரின் அழைப்பும் நடவடிக்கையுமே அமெரிக்கர்களை உற்சாகம் கொள்ள வைத்து எத்தனையோ இடர்களில் அவர்களை மீண்டெழ செய்தது

ஆம் தேசத்து தலைமகன் மக்கள் உற்சாகம் இழந்த நேரமெல்லாம் நம்பிக்கை ஊட்ட வேண்டும் அது அவனின் தலையாய கடமை, தேசமும் அவன் பின் நாங்கள் இருக்கின்றோம் என நிற்க வேண்டும்

அன்று சாஸ்திரி போல இன்று நம்மும் நிற்பவர் மோடி

தீபம் ஏற்றுதல் இன்றல்ல நேற்றல்ல எக்காலமும் ஆசியாவில் நிற்கும் மரபு, தீபங்கள் முன்னால் உன் பிரார்த்தனையினை சொல் என்பது வேதங்கள் சொல்லி கொடுத்த மரபு

பைபிளின் மூல தெய்வம் அதைத்தான் சொன்னது, என் உடன்படிக்கை பெட்டிமுன் தீபம் ஏற்று என சொன்னது, இன்றும் யூதர்களின் அடையாளம் அந்த விளக்குதண்டே

அதன் தொடர்ச்சிதான் கத்தோலிக்க பிரார்த்தனைகள் விளக்கு இன்றி நடைபெறா,

யூதருக்கு விளக்கு தண்டு, இந்தியாவில் குத்து விளக்கு மகர விளக்கு என ஏகபட்ட விளக்குகள், தீபம் என எல்லா மானிட இனமும் தீபத்தை போற்றி வணங்கியது

இயற்கையினை வணங்கும் இனத்தில் கடவுளே தீபம் ஒன்றே, அது ஒன்றேதான்

தன் துக்கம், மகிழ்ச்சி, எதிர்ப்பார்பு, நன்றி என எல்லாவற்றையும் தீபத்தின் முன்னாலே சொல்லி அழுது, மகிழந்து, நன்றி சொல்லி வளர்ந்த சமூகம் நம் சமூகம், மறுக்க முடியுமா?

திருமணத்தில் தொடங்கி, பிள்ளை கையால் தீபமேற்ற சொல்லி வாழ்ந்து முடித்ததும் மோட்ச தீபம் ஏற்ற சொல்லி, இந்தியர் வாழ்வின் ஒவ்வொரு கட்டத்திலும் கூட வரும் விஷயம் தீபம்..

தீபத்தின் சக்தி அது

மின் விளக்கினை விட சூட்சுமம் நிறைந்தது தீபம், மின் விளக்கு செயற்கை அணுகுண்டு சக்தி என்றால் தீபத்தின் சக்தி சுனாமி, எரிமலை போன்ற மகா மகா சக்தி

அதைத்தான் பாரத பிரதமர் கவனமாக ஏற்ற சொல்கின்றார், அதுவும் அவர் சொல்லும் நேரம் கூட்டு பிரார்த்தனைக்கு உகந்த நேரம்

மின் விளக்குகளை ஏன் அணைக்க சொன்னார்? தீபத்தின் மகத்துவமும் அழகும் அதில்தான் தெரியும், பிரார்த்தனைக்கும் பலன் உண்டு

இன்று யூத வழிபாடு இதை செய்கின்றது, கத்தோலிக்க வழிபாடு மெழுகு ஏற்றி செய்கின்றது, இவை எல்லாவற்றின் மூலமும் தொடக்குமான இந்த பூமியின் வேதமும் அதைத்தான் சொல்கின்றது

பாரத பிதாமகனும் அதைத்தான் சொல்கின்றார், அதை செய்யவேண்டியது ஒவ்வொரு இந்தியனின் கடமை

இந்திய தர்மத்து பிரார்த்தனையினை நோக்குங்கள் அது தனக்கென இருக்காது, தன் இனத்துக்காய் இருக்காது அது எல்லா பிரார்த்தனையிலும் உலக நலனை தேடுகின்றது, உலகம், உலக நலன், உலக மாந்தர் என தேடுமே அன்றி எக்காலமும் குறிப்பிட்ட மானிடர் நலனை நாடாது

இது உலகத்துக்காக பிரார்த்திக்கும் நேரம்

சிலர் சொல்வது போல நாளை பாஜகவின் தொடக்க நாள் அதனால் மோடி நயவஞ்சகமாக பிரார்த்திக்க சொன்னார் என்பதெல்லாம் வடிகட்டிய பொய்

நாளை பங்குனி உத்திரம் இன்று இரவே அதற்கான தயாரிப்பு, உத்திரம் என்பது முன்னோர்களையும் ஆன்மாக்களையும் தெய்வங்களையும் வணங்கும் உன்னத நாள்

சீனா ஏப்ரல் 3ம் தேதி துக்க நாள் என்றதே ஏன்? சீன அரசு அறிவிக்காவிட்டாலும் அது அவர்களின் கலாச்சாரமான, நம் பங்குனி உத்திர சாயல் கொண்ட “ஜின் பெங்” எனும் முன்னோருக்கான அல்லது இறந்தோருக்கான் அஞ்சலி

இந்த பவுர்ணமி அவர்களுக்கும் விஷேஷமான பவுர்ணமி, அதைத்தான் சீனா முந்திகொண்டு விஷேஷமாக பிரார்திப்போம் எனும் கம்யூனிச மொழியில் சொன்னது

பாரதமும் அதைதான் சொல்கின்றது

இன்று இரவு அந்த 9 நிமிடங்களும் நிசப்தம் கலந்த அஞ்சலிக்கானது, இந்த பூமியில் கொரோனாவால் பிரிந்த அல்லது பிரிந்துகொண்டிருக்கும் ஒவ்வொரு ஆன்மாவுக்குமானது

கொரோனா எனும் காலத்தின் தூதன் சாந்தமாக தன் கடமையினை முடித்து வெளியேற வேண்டிகொள்ளும் நேரமது

இந்தியாவில் தன் கோரகரங்களை அவன் நீட்டாமல் ஒதுங்கி செல்ல மன்றாடும் நேரமது

அதை மகா அமைதியான மனதுடன், ஒன்றுபட்ட மனதுடன் செய்வோம், தனிதனியே விளக்கேற்றினாலும் அந்த ஒன்றுபட்ட ஆன்ம பலன் மிகபெரும் காரியத்தை பூமிக்கு செய்யும்

பூமியின் 650 கோடி மக்களுக்காக இந்த 120 கோடி மக்களும் மன்றாடுகின்றார்கள் என்பதை உலக மாந்தரும் தெய்வமும் உணரும் நேரமிது

இந்தியர் தங்களுக்காக பிரார்த்திக்கின்றார்கள் என மேல்நாட்டவர் நம்பிக்கையும் அன்பும் நம்பிக்கையும் கொள்ளும் நேரமிது

நாம் ஒவ்வொரு இந்தியனிடமும் கேட்கின்றோம், நீங்கள் எந்த மதமாகவும் இருங்கள். அது இந்து, இஸ்லாம், கிறிஸ்தவன், சீக்கியன் என எந்த வழியுமாக அந்த பரம்பொருளை தியானிப்பவர்களாக இருங்கள்

ஆனால் இறைவன் ஒளிவடிவானவன் என்பதை உங்கள் வழி ஒப்புகொள்ளும் அல்லவா? மதங்களின் ஒரே இணைப்பு சங்கிலி அந்த தத்துவம் அல்லவா?

அதை தீப ஓளியில் ஏற்றி பார்ப்பதில் என்ன தவறு இருக்க முடியும்?

ஓ இந்துக்களே உங்கள் பாரம்பரியபடி விளக்கேற்றி வேண்டுங்கள்

ஓ கிறிஸ்தவர்களே மோசே ஏற்றிய 7 கால் விளக்கினை நீங்கள் ஏற்றாவிட்டாலும் ஒற்றை மெழுகினை ஏற்றி வையுங்கள்

ஓ இஸ்லாமிய சகோதர சகோதரிகளே இன்று மட்டும் கூடுதலாக ஒரு வேளை பிரார்த்தியுங்கள், மெக்கா நோக்கி தொழும் நீங்கள் அந்த மெக்காவுக்கும் மேற்கே கொத்து கொத்தாக சாகும் மக்களுக்காக பிரார்த்தியுங்கள்

ஆன்ம பலத்தின் சக்தி அப்படியானது, 120 கோடி ஆன்மாவும் ஒன்றுபட்டு நிற்கும் பொழுது அந்த குரலின் வலிமைக்கு சக்தி அதிகம்

அந்த சக்திதான் சுதந்திரம் எனும் அதிசயத்தை நமக்கு கொடுத்தது, அந்த ஆத்மபலமே பெரும் போர்களிலும் தேசத்தை காத்து நின்றது

அந்த ஆத்மபலமே தர்மத்தின் பலமாய் இத்தேசத்தை கொரோனாவில் கூட மிக சிறிய சேதாரத்துடன் காத்து வருகின்றது

அது இன்னும் கூடட்டும், தீபங்கள் வழியே அந்த பலம் கடவுளை தொடட்டும், ஒளியில் வசிக்கும் அந்த பரம்பொருள் கோடிகணக்கான தீபங்கள் எரிவதை கண்டு மனமுருகி இங்கே இறங்கி வரட்டும்

ஆலய குருக்களே, ஆலயத்தில் மக்கள் கூடத்தான் தடையே தவிர உங்களுக்கு தடை இல்லை, நீங்களும் ஆலயங்களி ஏற்றுங்கள் அது எந்த ஆலயம் என்றாலும் சரி

எல்லா ஆலயங்களும் தீபத்தால் நிரம்பட்டும்.. குளக்கரை நீரிலும் தீப ஓளி தெரியட்டும்

கடமையில் இருக்கும் காவலரும் டாக்டர்களும் கூட ஏற்றி வைக்கலாம், அவர்கள் கடமையில் இருந்தாலும் கூட காவல் நிலையங்களிலும் மருத்துவ மனைகளிலும் அந்த ஜோதி எரியட்டும்

ராணுவ முகாம்களில் எரியட்டும்

ஒவ்வொரு இந்தியனின் வேண்டுதலும் இன்று ஜோதியாய் எரியட்டும்

முதியோர் முதல் மழலைகள் வரை தீபம் ஏற்றட்டும், குறிப்பாக அந்த வருங்கால தலைமுறையின் நாட்டுபற்றினை வளர்க்கும் ஜோதியாக இத்தீபம் அமையட்டும்

குழந்தைகள் கள்ளங்கபடமின்றி ஏற்றி வைக்கும் ஜோதிக்கு தெய்வம் தானாய் இறங்கி வரும், குழந்தையும் தெய்வமும் வேறல்ல‌

இங்கு ஜோதி எரியும் பொழுதெல்லாம் நன்மை விளைந்திருக்கின்றது

ஒரு நாள் அயோத்தி எங்கும் விளக்கெரியத்தான் ராமன் நாடு திரும்பினானாம், இந்தியா எங்கும் விளக்கு எரியத்தான் மகாவீரர் சொர்க்கம் எய்தினாராம்

நல்ல விஷயங்களை விளக்கேற்றி வணங்குதல் மரபு, இன்றும் அந்த மகாபலி சக்கரவர்த்திக்காக ஓணமன்று கேரளத்தில் குத்துவிளக்கு எரியாத வீடு இல்லை

சுதந்திரம் அன்று இந்தியா எங்கும் விளக்கொளி பிரகாசித்ததாம்

இந்தியா இன்றிரவு நட்சத்திர கூட்டமாய் மின்னட்டும், அதை பார்க்கும் தெய்வ கூட்டம் இங்கே இறங்கிவரட்டும்

நிச்சயம் இது போர், மாபெரும் போர் ஆனால் கண்ணுக்கு தெரியாத போர். மருத்துவரும் காவலரும் நிகழ்த்தும் மாபெரும் போர்

அந்த 9ம் நிமிடம் முடிந்ததும், அன்று சாஸ்திரி “ஜெய் ஜவான்” என முழங்கியது போல தேசமெங்கும் “ஜெய் டாக்டர்ஸ், ஜெய் போலீஸ், ஜெய் ஹெல்பெர்ஸ்” என முழங்கட்டும்

அது இந்தியா எந்த சவாலையும் எதிர்கொள்ளும் என்ற நம்பிக்கையினை கொடுக்கட்டும்

கொரோனா நோயாளிகளுக்கு தேசம் நம்மோடு என்ற நம்பிக்கை பிறக்கட்டும், நாடு முழுக்க தேசம் பழைய நிலையினை எட்டும் என்ற நம்பிக்கை பிறக்கட்டும்

காஷ்மீர் முதல் கன்னியாகுமரி வரை, குஜராத் முதல் அசாம் வரை இந்த பெரும் ஜோதி எரியட்டும்

நமக்கொரு தலைவன் இருக்கின்றான், அவன் வழிகாட்டுகின்றான் அவன் வழியில் நாடு நலம்பெறும் என இந்த இக்கட்டான நிலையில் இருந்து மீண்டெழுவோம் என்ற உற்சாகம் பிறக்கட்டும்

ஏற்றிய தீபத்தில் இம்மானிட இனம் மனதை வைத்து தன்னை தேடும் பிரார்த்தனையில் பரம்பொருள் இறங்கி வந்து உலகுக்கு நலம் கொடுக்கட்டும்

ஏற்ற போகும் அந்த ஜோதி மிக பெரும் ஒளியினை தேசத்துக்கு கொடுக்கட்டும், அந்த முழக்கம் “”ஜெய் டாக்டர்ஸ், ஜெய் போலீஸ், ஜெய் ஹெல்பெர்ஸ்” முழு உற்சாகத்தை கொடுக்கட்டும்.

அந்த ஒன்பது நிமிடம் ஒரு கோடி நம்பிக்கையினை நாட்டுக்கு வழங்கட்டும்

ஜெய் ஹிந்த், வந்தே மாதரம்

பிரதமரின் உரையினை கேட்கும் பொழுது நன்றி கண்ணீர்தான் வருகின்றது.

பிரதமரின் உரையினை கேட்கும் பொழுது நன்றி கண்ணீர்தான் வருகின்றது, கிணற்றின் ஆழத்தில் மெல்ல நீர் சுரப்பது போல நன்றியுணர்வும் பெருமிதமும் மெல்ல சுரக்கின்றது.

ஆம் நாம் சொன்னபடியே பாரதம் முழுக்க விளக்கேற்ற சொல்கின்றார் மோடி.

நிச்சயம் நாம் சொல்லி ஏதும் நடந்திருக்க வாய்ப்பில்லை, நாம் கூவித்தான் சூரியன் வருகின்றது இல்லையென்றால் வராது என சேவல் நினைத்தால் அது மடத்தனம்

இந்த மண்ணின் தர்மம் அது, இறந்தவர்களுக்கு விளக்கேற்றி அஞ்சலி செலுத்துவது இந்த மண்ணின் தாத்பரியம். நாம் அதைத்தான் சொன்னோம்

இந்த மண்ணின் பாரம்பரியத்தை அட்சரம் பிறழாமல் பின்பற்றுபவர் என்ற முறையில் பாரத பிரதமரும் அதையே சொல்கின்றார்

நாம் வலியுறுத்தும் பொழுது சொன்னோம் . “அதிகாரம் யாரிடம் இருக்கின்றதோ அவர்கள் இதை சொல்லட்டும்” என சொல்லியிருந்தோம்

மிக சரியான நபரை தர்மம் காட்டியிருக்கின்றது, சொல்ல வேண்டிய இடத்தில் இருப்பவரை தர்மத்தின் கரம் தொட்டிருக்கின்றது

இது நிச்சயம் பாரத மக்களின் விருப்பம், அவர்கள் ஆன்மாவின் குரல்

அதைத்தான் நாமும் சொன்னோம், பாரதத்தின் தலைமகனும் சொல்லியிருக்கின்றார். நாம் சொல்லியிராவிட்டாலும் தலைமகன் இதை சரியாக சொல்லியிருப்பார்

பிரதமரின் கோரிக்கைக்கு செவிமடுத்து தேசம் முழுக்க அஞ்சலி விளக்குகள் எரியட்டும், அந்த ஆத்துமாக்கள் சாந்தியடையட்டும்

விளக்கின் ஒளியில் ஓம்.ஷாந்தி என்ற குரல் ஒற்றுமையாய் ஒலிக்கட்டும். அந்த ஓங்காரத்தில் அந்த ஆன்மாக்கள் சாந்தியடைந்து மானிட குலத்துக்கு நன்மை விளைவிக்கட்டும்

பாரத பிரதமரை நன்றியோடு வணங்கிகொண்டிருக்கின்றோம், இந்த மண்ணின் பாரம்பரியங்களெல்லாம் ஒரு உருவாய் வந்த அந்த பெருமகனுக்கு கோடி நன்றிகள்.

பாரத தர்மங்கள் அவரால் அரங்கேறுகின்றன, அந்த தர்மத்திலும் சத்தியத்திலும் இத்தேசம் ஒளிகொடுத்து வாழும்

எஸ் 400 பாதுகாப்பு முறை

உள்நாட்டு நிர்வாகத்தில் மோடி சொதப்பிய இடங்கள் உண்டு, பெட்ரோல் விலையே சாட்சி
ஆனால் உலக அரங்கில் நேரம் பார்த்து அடித்துவிட்டார், நிச்சயம் புட்டீனுடனான ஒப்பந்தம் இந்திய வரலாற்றின் மாபெரும் மைல்கல். அதுவும் இந்த பரபரப்பான காலகட்டத்தில் அது மோடியின் வெற்றி
ரஷ்யாவிடமிருந்து எஸ்.400 ஏவுகனைகனை தடுப்பு சாதனத்தை வாங்கினால் இந்தியா மேல் பொருளாதார தடை என மிக பகிரங்கமாக மிரட்டியும் இந்தியா வாங்கிவிட்டது
இது போக ரஷ்யாவுடன் கூட்டு ராணுவபயிற்சியிலும் இறங்கிவிட்டது
அமெரிக்காவிற்கு கடும் ஆத்திரம் சந்தேகமில்லை. ஆனால் உடனே பொருளாதார தடை விதிக்க முடியுமா? சிக்கல் ஏராளம், இதில்தான் மோடி வென்றிருக்கின்றார்
ஆம், எஸ்.400 அமைப்பினை ஏற்கனவே சீனா வாங்கி இருக்கின்றது, இனி அது இந்தியாவிடம் இல்லா பட்சத்தில் இங்கு ராணுவ சமநிலை குறையும், சீனாவின் கை ஓங்கா பட்சத்தில் இந்தியாவும் நிற்க அனுமதிக்கும் தேவை அமெரிக்காவிற்கு உண்டு
இன்னொன்று சீனாவுடன் வர்த்தக போர் தொடங்கி இருக்கும் நேரத்தில் இந்தியாவினை பகைத்துகொள்வது அமெரிக்காவிற்கு நல்லதல்ல‌
இரு பெரும் நாடுகளை ஒரே நேரத்தில் பகைத்தால் அமெரிக்க வியாபாரமும் படுத்துவிடும்
இதனால் பல்லை கடித்து கொண்டு நிற்கின்றது அமெரிக்கா
பழைய அமெரிக்கா என்றால் ஹாய் பாகிஸ்தான் ஹவ் ஆர் யூ” என கட்டிபிடிக்க ஓடும், ஆனால் பாகிஸ்தானை கட்டியழ அவர்களுக்கும் விருப்பமில்லை
கூட்டி கழித்து பார்த்தால் அமெரிக்காவின் நிலையினை கணக்கிட்டு அட்டகாசமாக தன் நலன்களை காத்து கொண்டது இந்தியா
சரியான காலத்தில் மிக சரியான கணக்கு என்பதால் மோடிக்கு வாழ்த்துக்கள்
பெட்ரோலுக்கு அதிகவரி கொடுக்கின்றோம் என ஒரு பக்கம் நாம் குறைபட்டு கொண்டாலும், அந்த பணம் இம்மாதிரி நாட்டு பாதுகாப்புக்கும் பயன்படுகின்றது என்பதில் ஆறுதல்
எஸ் 400 சிஸ்டத்தின் விலை பல ஆயிரம் கோடி, எத்தனை நாடுகளால் வாங்கமுடியும்? நம்மால் முடிந்திருக்கின்றது
எப்படியோ முன்பு காங்கிரஸ் அரசால் ரஷ்யாவிடமிருந்து கிரையோஜெனிக் எஞ்சினை வாங்கமுடியாமல் போனது
இந்த எஸ 400 என்பதும் அப்படி ஆகிவிடுமோ என தேசம் அஞ்சியது ஆனால் நிர்மலா சீத்தாராமன், அஜித் தோவால், மோடி கூட்டணி மிக தைரியமாக சாதித்திருக்கின்றது
நிர்மலா ஒரு தமிழர் என்பதால் கூடுதல் வாழ்த்துக்கள், வரலாற்றில் நின்றுவிட்டார் நிர்மலா சந்தேகமில்லை. இது வரலாற்று சாதனை
அமெரிக்கா எதிர்ப்பினை மீறி ரஷ்யா சென்று ஒப்பந்தமிட்ட வீரதமிழச்சி அவர்தான். அதன் தொடர்ச்சிதான் புட்டீன் இங்கு வந்திருப்பது
நிச்சயம் உலக அரங்கில் இது இந்தியாவின் மாபெரும் வெற்றி, இந்திய ஊடகமும் பத்திரிகையும் கொண்டாட வேண்டிய வெற்றி
ஆனால் தமிழக ஊடகம் வழக்கம் போல தூக்கம், சம்பந்தம் இல்லாமல் அப்படி ஒரு விஷயம் நடக்கவே இல்லை என்பது போல் எழுதிகொண்டிருக்கின்றன‌
அவைகள் அப்படித்தான்.
வலுவான பாரதம் அமையட்டும், பாரினில் நிமிர்ந்து நிற்கட்டும்
[ October 5, 2018 ]
Image may contain: 1 person, standing and suit
Image may contain: 1 person
Image may contain: sky and outdoor
==========================================================================

எஸ் 400 பாதுகாப்பு

இந்த எஸ் 400 பாதுகாப்பு முறை அப்படி என்ன சர்வ சக்தி வாய்ந்தது, உலகம் வியக்கும் வண்ணம் அதில் என்னதான் இருக்கின்றது விளக்கமுடியுமா? என பலர் கேட்கின்றார்கள்
விளக்கத்தானே இருக்கின்றோம், பின் எதற்கு இருக்கின்றோம்?
அதாவது எஸ் 400 என்பது ஏவுகனை விமானம் என வானில் வரும் எல்லா வகை ஆபத்துக்களையும் முறியடிக்கும் முறை, இதுவரை நிலமை என்ன?
ஒரு ஏவுகனை இந்தியாவினை நோக்கி வந்தால் அதை முறியடிக்க பேட்ரியாட் ஸ்டைலில் எதிர்ப்பு ஏவுகனைகளை ஏவ வேண்டும், விமானம் என்றால் அதற்கான ஸ்பெஷல் ஏவுகனை
இது போக தரையில் இருந்து ஏவபடும் ஏவுகனைக்கு தனி வகையறாவினை பதிலுக்கு ஏவ வேண்டும், காரணம் இது உயரம் குறைந்த வகை, ரேடாருக்கு எளிதில் சிக்காது
கப்பலில் இருந்தும், நீர்மூழ்கி கப்பலில் இருந்தும் ஏவபடும் ஏவுகனைகளுக்கும் இதே சிக்கல்
இந்த பலவிதமான எதிர்ப்பு ஏவுகனைகளை ஒரே விதத்தில் சமாளித்தால் என்ன என்ற சிந்தனை 1980களிலே வந்தது
ஆனால் பின்புதான் வடிவம் பெற்றது
இன்றைய நாளில் அமெரிக்காவின் தாட் சிஸ்டம் இந்த வகை என்கின்றனர், ஆனால் உறுதியில்லை எனினும் அமெரிக்க ஏவுகனை தடுப்பான தாட் எல்லா வகை ஏவுகனைகளையும் சமாளிக்கும் என நம்பபடுகின்றது
சமீபத்தில் வடகொரிய மிரட்டலின்பொழுது தாட் வகையினைத்தான் ஜப்பான், தென் கொரியாவில் அமெரிக்கா நிறுவியது. ரஷ்யாவிற்கு செக் வைக்க கிழக்கு ஐரொப்பாவில் உக்ரைன் பக்கம் நிறுவபோவதாக சொன்னது பின் புட்டீன் முறைத்தவுடன் வாபஸ் வாங்கிவிட்டது
இஸ்ரேலின் அயன்டோம் இந்த வகை, ஆனால் ஹமாஸின் தரை வழி தாக்குதலை தவிர எதையும் அது சோதித்ததில்லை எனினும், ஹமாஸின் ஆயிரம் ராக்கெட்டுகளை தடுத்த மாபெரும் சாதனை இஸ்ரேலுக்கு உண்டு
ஹமாஸ் என்றால் ஈரானிய ஏவுகனை என பொருள்
இந்த வரிசையில் வருவதுதான் ரஷ்யாவின் எஸ் 400.
கிட்டதட்ட 400 கிமீ தொலைவு வட்டத்திற்குள் வரும் விமானம், ஏவுகனை, கப்பல் ஏவுகனை, தரை ஏவுகனை, நீர் மூழ்கி ஏவுகனை என 6 வகை ஆபத்துகளை தனி சிஸ்டமாக இது தடுக்கும்?
அப்படி தடுக்கும்?
360 டிகிரி 400 கிமீ சுற்றளவினை கண்காணிக்கும் அதன் ரேடார்கள் ஏவுகனைகளை கண்டவுடன் மிக துல்லியமாக கணக்கிட்டு பதில் கனைகளை ஏவி அவற்றை தொலைத்துவிடும்
ஏவுகனைகளை மட்டுமல்ல, அது ஏவபடும் நிலையம், கப்பல் என எல்லாவற்றையும் தொலைக்கும் சக்தியும் உண்டு
இதனால்தான் இது மிக சிறந்த தடுப்பு மற்றும் எதிர்ப்பு சாதனமாக கருதபடுகின்றது
இதில் சாதகம் உள்ள அளவு பாதகமும் உண்டு
முதலாவது இந்த சிஸ்டம் இயங்கும் பேட்டரி மிக விலையானது, ரஷ்யாவிடம் இருந்தே வாங்க வேண்டும் அதன் பராமரிப்பும் இன்னபிற செலவுகளும் அதிகம்
ஒருவேளை எதிரி ஏவுகனை இந்த பேட்டரியினை சாய்த்துவிட்டால் சர்வமும் நாசம், எனினும் அது மிகுந்த காவலிலேதான் இருக்கும்
இரண்டாவது விஷயம் இன்னும் எந்த களத்திலும் எஸ் 400 சோதித்துபார்க்கபடவில்லை, ஆனால் அது எந்த களத்திலும் சாதிக்கும் என ரஷ்யா உறுதியளித்துள்ளது
சமீபத்திய பயிற்சியிலும் அதை சோதித்தது , எஸ் 400 சிஸ்டம் நன்றாகத்தான் வேலை செய்தது
ஏற்ககனவே சீனாவிற்கு இதை ரஷ்யா வழங்கி உள்ளது, ஈரானுக்கு வழங்க தயார் என்கின்றது
இப்பொழுது இந்தியாவிற்கும் வழங்க ஒப்புகொண்டாயிற்று
இந்தியா போன்ற மிகபெரிய நாட்டிற்கு இம்மாதிரி பாதுகாப்பு முறைகள் நிறைய தேவை என்பதால் கண்டிப்பாக வாங்கி ஆக வேண்டும், வாங்கி ஆயிற்று
இந்த பாதுகாப்பு நிறுத்தபட்டால் பாகிஸ்தானின் ஆட்டம் செல்லாது என்பதால் இந்திய ராணுவ வலு மேலோங்கும் என்பதால் அமெரிக்கா தடுக்கபார்த்து இப்பொழுது முணுமுணுத்துகொண்டிருக்கின்றது
சிரிய போரில் இஸ்ரேலுக்கு ரஷ்யா போட்டிருக்கும் சிவ மாலை இந்த சிஸ்டம் , இதை தாண்ட இஸ்ரேலாலும் முடியவில்லை எனில் அதன் தரத்தை புரிந்துகொள்ளலாம்
இந்த எஸ் 400 என்பது 6 வழியில் வரும் ஏவுகனை மற்றும் விமானங்களை தடுத்து அழிக்கும் என்பதால் அதன் முக்கியத்துவம் மிக அதிகம்
மிக வேக ஏவுகனைகள் முதல், நீர்மூழ்கியின் டார்பிடோ, விமானத்தில் இருந்து விசப்படும் ஹாக் வகைகள், ஸ்மெர்ச் எனப்படும் பல்குழல் ஏவுகனைகளை எல்லாம் அட்டகாசமாக எஸ் 400 சமாளிக்கும்
இன்றைய ராணுவ உலகின் முக்கியமான சாதனம் அது, அது இந்தியாவில் நிறுத்தபடுமானால் அது மாபெரும் வெற்றியே சந்தேகமில்லை
ஆனால் அந்த பேட்டரி செலவிற்காக பெட்ரோல் விலை 200 ஆனாலும் ஆச்சரியமில்லை என்பது வேறுவிஷயம் [ October 5, 2018 ]
Image may contain: sky and outdoor

அன்புள்ள‌ மோடிக்கு

அன்புள்ள‌ மோடிக்கு,

அய்யன்மீர் உங்களுக்கு இன்று [ September 17, 2018 ] பிறந்தநாளாம், இந்திய குடிமகனாக வாழ்த்துக்கள், நீங்கள் பல்லாண்டு நலமாக வாழ பிரார்த்தனைகள்

நீங்கள் குஜராத் முதல்வராக ஜொலித்தீர்கள், சந்தேகமில்லை. அந்த குஜராத் கலவரங்களை மாநில முதல்வராக அடக்கினீர்கள், அதில் ஏராளமான இந்துக்களும் கொல்லபட்டனர் என்பதும் உண்மை. குஜராத்தில் வெற்றிகொடி நாட்டிய நீங்கள் தேசத்தை வளப்படுத்துவீர்கள் என்ற பெரும் நம்பிக்கையில் தேசம் உங்களிடம் ஆட்சியினை கொடுத்தது

நீங்களும் பொறுப்பை உணர்ந்துதான் செயல்பட்டீர்கள், உலகெல்லாம் சென்று இந்தியாவிற்கு முதலீடு ஈர்க்க ஓடினீர்கள், இந்திய நலனுக்காக உலகெல்லாம் பிச்சை எடுத்தீர்கள், அதெல்லாம் வாழ்த்துகுரிய விஷயம்

அம்பானியினை நீங்கள் வளர்ப்பதாக சொல்கின்றார்கள், டாட்டாவிடம் காந்தி நன்கொடை பெற்றதில் இருந்தே இது தொழிலதிபர்களுக்கு ஆதரவான அரசை கொண்டது என்பதில் சந்தேகமில்லை

தொழில் வளரட்டும், தொழிலதிபர்களும் வளரட்டும், ஆனால் மக்கள் வளரவேண்டாமா? வாழ்க்கை தரம் உயரவேண்டாமா?

உங்களின் பணமதிப்பு ஒழிப்பு நல்ல திட்டம், ஆனால் செயல்படுத்த தெரியாமல் அல்லது அதிகாரிகள் ஒத்துழைப்பு இல்லாமல் நாட்டு மக்கள் பாதிக்கபட்டு அது உங்களுக்கு பெரும் பழியாயிற்று

ஆனால் அந்த பணமதிப்பு ஒழிப்பு வந்தபின்புதான் வெறும் கடனில் பெரும் பிம்பம் காட்டிகொண்டிருந்தவர்கள் எல்லோரும் வெளிநாட்டிற்கு ஒடினார்கள், நீங்கள் அவர்களை தப்பவிட்டிருக்க கூடாது

மற்றபடி உங்கள் அரச சர்ச்சையில் சிக்க பெரும் காரணம் என்ன தெரியுமா? விஷயம் இரண்டு

முதலில் இந்த காங்கிரஸ் போட்ட திட்டங்களை அப்படியே நீங்கள் பின்பற்றியது. ஜிஎஸ்டி எல்லாம் அந்த வகை, மானியம் ஒழிப்பு எல்லாம் அந்த ரகம்

ஏன் இந்த ரபேல் கூட அவர்கள் முடிவுதான், நீங்கள் அந்த ஒப்பந்தத்தை ரத்து செய்துவிட்டு இஸ்ரேலிய விமானமோ இல்லை வேறு ரக விமானங்களையே வாங்கி இருக்கலாம்

ஆக அவர்கள் செய்து சுமக்க வேண்டிய பெரும் பழியினை நீங்கள் சுமக்கின்றீர்கள், காங்கிரசுக்கு நல்ல காலம்

இரண்டாவது உங்களின் சிக்கல், அருண் ஜெட்லி தவிர உங்கள் அமைச்சரவையில் அறிவு ஜீவி என ஒருவரும் இல்லை, இருப்பவர் எல்லாம் தாஜ்மகால் இடிப்பு, இஸ்லாமியரை பாகிஸ்தானுக்கு விரட்டு, கூகுள் என்பது மகாபாரத கண்டுபிடிப்பு என புலம்பும் ரகம்

இந்த இரண்டும்தான் உங்கள் தோல்விக்கு காரணம், இன்னொன்று இந்த மதவாத சில்லுண்டிகளை நீங்கள் கண்டிக்காதது பெரும் வருத்தம்

தமிழகத்தின் எச்.ராசா, தமிழிசையினை சொல்லவில்லை இவர்கள் எல்லாம் காமெடி ரகம், அவர்களை நீங்கள் கண்டிக்காமல் இருப்பதுதான் எங்களுக்கு மகிழ்ச்சி

மற்றபடி உங்களை குறை சொல்லமுடியாது, உங்களுக்கு குடும்பம் இல்லை, வாரிசு இல்லை. யாருக்கும் தேடி வைக்கும் அவசியமில்லை

நாட்டுக்காக நீங்கள் உழைக்கின்றீர்கள் என்பதில் மாற்று கருத்தே இல்லை, ரபேல் தவிர ஊழல் சர்ச்சையுமில்லை

அவ்வகையில் உங்களை வாழ்த்துகின்றோம்

நீங்கள் வந்தபின் ராமேஸ்வரம் மீணவர்மேல் துப்பாக்கிசூடும் இல்லை, அதில் எல்லாம் உங்கள் பணிக்கு நன்றி

உங்கள்மேல் பெரும் வருத்தம் என்னவென்றால் தமிழக அழிச்சாட்டிய அரசு உங்களுக்கு தெரியாமல் இல்லை. இந்த அரசு மேல் குவியும் ஊழல் குற்றசாட்டு உங்களுக்கு தெரியாததல்ல‌

ஆனால் ஏன் கலைக்காமல் வைத்திருக்கின்றீர்கள் என்பதுதான் எங்கள் கவலை, இந்த ராணுவ கண்காட்சிக்கு நீங்கள் வரும்பொழுது உங்களை ஓடவைத்தார்கள் என்பதற்காக அந்த அரசை நீட்டிக்க வைத்து தூத்துகுடியில் சுடவைத்தீர்கள் என்ற அபாண்ட குற்றசாட்டுக்கு நீங்களும் பதில் சொல்லவில்லை

தமிழக எதிர்கட்சி தங்களை அணுகி ஆட்சியினை கலைத்தால் என்ன என்ற அரசியல் கணக்கு உங்களுக்கும் இருக்கலாம்

உண்மையில் அந்த மதிப்பிற்குரிய கண்காட்சிக்கு வந்த உங்களை திமுக விரட்டியது மாபெரும் கண்டத்திற்குரியது, அப்படியே தூத்துகுடி சம்பவம் பற்றி நீங்கள் வாய்திறக்காததும் வருத்ததிற்குரியது

மற்றபடி உங்களுக்கும் தமிழகத்திற்கும் நெருக்கமில்லை, ஏன் என தெரியவில்லை. யாரும் செத்தால் மட்டும் வருகின்றீர்கள், அடிக்கடி வந்து இங்கு மக்களை சந்தித்தால்தான் என்ன? நாங்களும் இந்ந்தியர் அல்லவா

தமிழகத்தை சில நேரங்களில் கண்டுகொள்ளவில்லை என்பதுதான் எங்கள் வருத்தம்

சுருக்கமாக சொன்னால் நீங்கள் நல்ல பிரதமர். அசுர பலத்தில் இருந்தும் ராமர்கோவிலை கட்டுவோம் என்று கிளம்பவில்லை, கலவரங்களை தூண்டவில்லை அதற்காக வாழ்த்து

யோகா என்பது இந்திய அடையாளம் அதை உலகில் பிரபலபடுத்தி அடையாளபடுத்தியதற்கும் நன்றி, ஆனால் அதை ஹோவர்கர் பிறந்தநாளில் செய்ததுதான் சரியில்லை

நீங்கள் தனி மனிதர் மோடி, குடும்பம் குட்டி இம்சை இல்லாதது உங்களுகு பெரும் பலம்

நாட்டிற்கு ஏதாவது செய்ய நீங்கள் துடிக்கின்றீர்கள் புரிகின்றது, ஆனால் உங்களோடு இருப்பவர்களும் உங்கள் அமைச்சரவை சகாக்களும் சுத்தமாக சரி இல்லை

பிறந்த நாளில் அதை எல்லாம் பேசகூடாது அழுதுவிடுவீர்கள், நீங்கள் பல்லாண்டு வாழ வாழ்த்துக்கள்

ராமர்கோவிலை கட்டாமல், பெரும் ஊழலில் சிக்காமல், வீண் போர்களை நடத்தாமல், சில நல்ல காரியங்களை செய்ய முயன்று நீங்கள் சறுக்கிவிட்டு , நாட்டுக்காக ஏதோ செய்ய முயன்ற நல்ல பிரதமர் நீங்கள்

எப்படி ஆயினும் சோழரின் பெருமையும், பாரதியின் வரிகளையும் பேசி தமிழரும் இந்தியரே என சுட்டிகாட்டிய முதல் பிரதமர் நீங்கள்

அவ்வகையில் ஒவ்வொரு தமிழனும் நன்றியோடு வாழ்த்துகின்றோம்

நீங்கள் பல்லாண்டு வாழவேண்டும், ஆனால் மறுமுறை பிரதமராக வந்தால் நல்ல அறிவு ஜீவிகளுடனும் நாட்டை வழிநடத்தும் நல்ல சக்திகளுடன் பதவிக்கு வாருங்கள்

அப்படி வந்திருந்தால் இந்த கச்சா எண்ணெய் விலை உயர்விலும், டிர்மபின் அழிச்சாட்டியத்திலும் உங்களுக்கு ஆலோசனை சொல்ல நல்ல அறிவார்ந்த கூட்டம் இருந்திருக்கும்

ஆனால் அப்படி யாரும் உங்களை சுற்றி இல்லாததே உங்கள் மீதான சர்ச்சைக்கு காரணம்

முதலில் கட்சிக்கு நல்ல அறிவு ஜீவிகளையும், கற்றவர்களையும் கொண்டு வந்துவிட்டு ஆட்சிக்கு வாருங்கள், இல்லாவிட்டால் வரவே வேண்டாம்

நீண்ட ஆயுளோடு நீங்கள் வாழ வாழ்த்துகின்றோம்

Image may contain: 1 person, smiling, beard and closeup