ஈழ அழிவுக்கு காரணம் யார்

ஈழதமிழருக்கு உதவியர் அதிமுகவா திமுகவா என்பது மாறி ஈழ அழிவுக்கு காரணம் யார் என இப்பொழுது பட்டிமன்றம் நடத்துகின்றார்கள்
இதில் சிலர் ஐ.நாவில் ஈழமக்களுக்காக முதலில்முழங்கியவர் ஸ்டாலின் என கிளம்புகின்றார்கள், இப்பொழுதுள்ள திமுகவினர் அறிவு அவ்வளவுதான் இது ஆபத்து, காரணம் பண்ருட்டி ராமசந்திரன், எம்ஜிஆர் அரசில் உணவு அமைச்சராக இருந்த பொழுது அவர்தான் 1987ல் முதலில் ஐ.நாவில் ஈழசிக்கலை எழுப்பினார்
ஈழபோராட்டத்தில் திமுக அதிமுக இரண்டும் உதவியது, ஆனால் ராமசந்திரன் அசைவில் அரசியல் இருந்தது , சுயநலம் இருந்தது
கலைஞரின் ஆதரவில் உண்மையான அபிமானமும் நியாயமும், நேர்மையும் ஈழம் அமைந்துவிடாதா என்ற முயற்சியும் இருந்தது
ஈழமக்களுக்காக மொத்த இந்தியாவினையும் திரட்டியவர் கலைஞர், ஆனால் பிரபாகரனை கண்டிக்காமல் அவனின் சகோதர கொலைகளில் மவுனம் காத்து டெசோ தலைவர்களான வாஜ்பாய், அப்துல்லா எல்லோரும் புலி இருக்கும் வரை ஈழம் உருப்படாது, டெசோ இயங்காது என சொன்னபொழுது கலைஞரின் டெசோவினை முறியடித்ததாக மகிழ்ந்தார் ராமசந்திரன்
அமிர்தலிங்கம் முதல் பலரை புலிகள் கொன்றபொழுதும் ஈழவிடுதலைக்காக புலிகளை கலைஞர் ஆதரிக்கத்தான் செய்தார்
கலைஞர் பாஷையில் சொல்வதாக இருந்தால் அது கடி நாய் என்றாலும் காவல்நாய் என சொல்லலாம்
ஆனால் சிக்கல் எங்கு முளைத்தது என்றால் அமைதிபடை அனுப்பபடும்பொழுது முளைத்தது
புலிகளால் வடமாரட்சி வளைக்கபட்டு முதல் முள்ளிவாய்க்கால் நடக்க இருந்தபொழுது இந்தியா நேரடியாக தலையிட்டு அமைதிபடையினை அனுப்ப முயற்சித்தது
பெரும் அறிவாளியான கலைஞருக்கு தொடக்கத்திலே பொறிதட்டிற்று, இது ஒருகட்டத்தில் புலிகளுக்கும் இந்தியாவிற்குமான மோதலாகும், இந்திய ராணுவத்தை புலிகளால் வெல்லமுடியாமல் போகும்பொழுது நிலமை சிக்கலாகும் என்றெல்லாம் யோசித்து அமைதிபடையினை அனுப்ப வேண்டாம் என்றார்
நிச்சயம் அது ராஜதந்திரமான முடிவு, அமைதிபடை செல்லாமல் சிங்கள அரசை இந்தியா ஆட்டிவைக்கும் முடிவு
அப்பக்கம் ராமசந்திரன் அற்புதமாக ஆடினார், இங்கே புலிகளிடம் இந்தியாவிற்கு அடங்காதே என்பார், அப்பக்கம் ராஜிவிடம் ஆட்சி எல்லாம் கலைக்க வேண்டாம், புலிகள் என்பேச்சை மீற மாட்டார்கள் என்பார்
இப்படியாக இருபக்கமும் அரசியல் செய்தவருக்கு உட்கட்சியில் புது சிக்கல் முளைத்தது, அதன் பெயர் ஜெயலலிதா
ஜெயலலிதாவினை ராஜிவ் வளர்த்துவிட முயன்றார், அவரை துணை முதலமைச்சர் ஆக்கு என சொல்லும் அளவு ராஜிவின் ஜெயா பாசம் இருந்தது
ராமசந்திரன் என்ன இருந்தாலும் கலைஞரிடம் அரசியல் பயின்றவர் அல்லவா? அவரும் அட்டகாசமாக ஆடினார்
அதாவது ஜெயாவினை நீர் தூண்டிவிட்டால் நான் தமிழகத்தில் புலி ஆதரவினை கையில் எடுப்பேன், கலவரம் நடக்கும் என புன்னகைத்தார்
இதில் கொஞ்சமும் ஈழநலமோ, ஈழமக்கள் நலமோ, போராளிகள் சாவோ ராமசந்திரனுக்கு கவலையே இல்லை
தன் ஆட்சி நிலைக்க வேண்டும், ஜெயா வளரகூடாது என்பதற்காக ஈழநலனை பலிகொடுத்து அமைதிபடையினை அனுப்ப சம்மதித்தார்,
ராஜிவுடனான சந்திப்பில் கலந்து கொள்ளுங்கள் என பிரபாகரன் அழைத்தும் பண்ருட்டி ராமசந்திரனை விட்டுவிட்டு தப்பி வந்தவர் இந்த அதிமுக ராமசந்திரன்
கலைஞரோ அமைதிபடையினை அனுப்புவது ஈழ அழிவுக்கு சமம் என எதிர்க்க, ராமசந்திரனோ சத்தமே இல்லை காரணம் ஜெயாவிற்கான ஆதரவினை ராஜிவ் குறைத்தார்
அமைதிபடை புலிகள் மோதல் தொடங்கியது, திலீபன் மரணம், கொக்குவில்லில் இந்திய ராணுவம் தாக்க தொடங்கியபொழுது ராமசந்திரன் வாயே திறக்கவில்லை
அவரை யாரும் ராஜினாமா செய் என சொல்லவுமில்லை
அமைதிபடை புலிகள் மோத, ராமசந்திரன் ராஜிவோடு கைகோர்த்து நின்றார், ஜெயா ராஜிவ் அலுவலகத்தில் காவல் கிடந்தார். நடராஜன் அங்கும் இங்கும் ஓடிகொண்டிருந்தார்
கலைஞரோ அமைதிபடையினை வாபாஸ் வாங்காவிட்டால் இந்தி எதிர்ப்பு போல பெரும் போராட்டம் வெடிக்கும் என எச்சரித்தார்
இந்நேரத்தில் ராமசந்திரன் மரணமடைய காட்சிகள் திரும்பின‌
அந்நேரத்திலும் கலைஞர் அமைதிபடையினை திரும்ப பெற சொல்லிகொண்டே இருந்தார், அப்பொழுது நடந்த தேர்தலில் கலைஞர் முதல்வரானார், சொந்த ராணுவத்தை புலிகள் கொல்ல புலிகளுக்கோ தமிழகத்தில் மருத்துவ சிகிச்சை அளிக்கும் அளவு கலைஞரின் தேசதுரோகம் ஈழ ஆதரவும் இருந்தது
பத்மநாபா புலிகளுக்கு அஞ்சி சென்னை வந்தபொழுது பாதுகாப்பு கொடுக்க மறுத்தார் கலைஞர், தொட்டுவிடும் தூரத்தில் ஈழம் இருப்பதால் பத்மநாபாவினை வடக்கே போ என விரட்டிவிட்டார்
விபிசிங்குகு அழுத்தம் கொடுத்து அமைதிபடையினை மீட்டவர் கலைஞர், முதல்வராக இருந்தும் அதை வரவேற்க மாட்டேன் என சொல்லி அதிர்ச்சியினை ஏற்படுத்தினார்
புலிகளின் செயல்பாடு தமிழகத்தில் அதிகமானது,பத்மநாபா கொல்லபட்டார், புலிகளின் கடத்தல் , இன்னபிற விஷயங்கள் உச்சம்பெற்றன‌
ராமசந்திரனுக்கு பின் வலுவான தலைவராக வந்த ஜெயா இதனை சாடினார், புலிகள் ஆதவிரனை கலைஞர் செய்கின்றார், அவர் அரசு கலைக்கபட வேண்டும் என ராஜிவ் மூலம் நெருக்கினார்
ராஜிவ்வால் சந்திரசேகர் அரசு கவிழ கலைஞர் அரசு ஆளுநர் அறிக்கை இன்றியே கலைக்கபட்டது, ஜனநாயக படுகொலை என்பது அதுதான்
அதன்பின் ராஜிவ் ஜெயா கூட்டணி ஏற்பட்டது, இது அமைதிபடையினை அடுத்து அனுப்பும் கூட்டணி என புலிகளே அஞ்சினர்
இந்த நேரத்தில்தான் ராஜிவ் கொல்லபட்டார், ஜெயா முதல்வரானார்
ராஜிவ் கொலையில் திமுக முக்கிய பங்கு என்ற கோணம் எழும்பி அது தடை செய்யபடும் அளவு சென்று மீண்டது
மீண்டதிமுகவினை புலிகளுக்காக கட்சியினை உடைத்து அழித்தார் வைகோ, பின்பலம் புலிகள். அவர்களுக்கு கலைஞர் முக்கியமே அல்ல வைகோவே முக்கியம்
கடிநாயானாலும் காவல்நாய் என கலைஞர் அணைத்த புலிகள் வெறிநாயாய் மாறியதை உணர்ந்த கலைஞர் ஒதுங்க தொடங்கினார்
ஜெயாவோ பிரபாகரனை தூக்கில் இடவேண்டும் என சொல்லிகொண்டே இருந்தார்
கலைஞரோ ஜெயின் கமிஷன் தன் அறிக்கையில் திமுகவினை சிக்கவிட்டதால் அமைதி காத்தார்
இந்நேரத்தில் கலைஞரை புலிகள் தேடவே இல்லை, சுத்தமாக இல்லை
அப்படி ஒரு மனிதர் இருப்பதெல்லாம் அவர்களுக்கு படுகொலைகள் செய்யும் நேரத்தில் மறந்துவிடும், பின் அவர்கள் அடிபடும் பொழுது தேடுவார்கள்
அப்படி 2006ல் அடிபடும்பொழுது தேடினார்கள், 1991க்கு பின் 
புலிகளை வெறிநாய் வகையில் இந்தியா வைத்திருந்தபொழுது கலைஞரால் மீறமுடியவில்லை
ஏற்கனவே பலமுறை புலிகளால் ஏமாற்றபட்ட கலைஞரால் இம்முறை அவர்களை நம்ப முடியவில்லை, அவர் என்ன புலிகளின் கடந்த காலத்தை அறிந்த யாரும் அவர்களை நம்பவில்லை
ஈழப்போர் சர்வதேச விவகாரமாக கலைஞர் கையினை விட்டு எங்கோ சென்றது, அவர் ஆட்சியினை இழந்தாலும் ஆகப்போவது ஒன்றுமில்லை
இதனால் திட்டமிட்டு அவரை பழித்தனர், அவரோ கண்டுகொள்ளவில்லை, உண்ணாவிரதம் என கிளம்பி புலிகள் சரணடைய அவகாசம் கொடுக்கவும் அவர் தயங்கவில்லை
ஆனால் வைகோ உள்ளிட்ட புலிகளின் ஆலோசனையால் பிரபாகரன் தவறாக முடிவெடுத்து எல்லாம் அழிந்தது
ஈழசிக்கலை 1991க்கு முன் 1987க்கு முன் என பிரிக்க வேண்டும், 1991க்கு பின் அது அழிந்துவிட்ட ஒன்று
இதில் திமுக 1991க்கு பின்பே புலிகளை கைவிட்டது, அப்படியும் 2009 வரை ஈழமக்களின் அநியாய சாவினை தடுக்க தன்னால் முடிந்த முயற்சிகளை செய்தது
இதில் அதிமுக 1987க்கு முன்பே அதாவது ராஜிவின் கடைக்கண் பார்வைக்காக, அன்றே அதாவது புலிகள் அடாவடியில் ஈடுபடுவதற்கு முன்பே சுயநலத்தால் ஈழமக்களை பலிகொடுக்க துணிந்தது
எப்படி பார்த்தாலும் திமுக இருமுறை ஈழ விவகாரங்களுக்காக ஆட்சி இழந்திருக்கின்றது, அமைதிபடைக்கு எதிரான புலிகளுக்கு தமிழகத்தில் அடைக்கலம் கொடுத்து தேசதுரோகம் செய்தது
அமைதிபடையினை வரவேற்காமல் ஆட்சி போனாலும் கவலை இல்லை என துணிந்து நின்றார் கலைஞர்
ஆனால் அதிமுக பக்கம் என்ன?
ஜெயாவினை நீ தொடாதே, அமைதிபடையினை நான் தடுக்கமாட்டேன் , ஈழம் எப்படி ஆனால் எனக்கென்ன என்ற ராமசந்திரனின் மாபெரும் பாதகமும். ஈழமக்கள் எப்படியும் சாகட்டும் முடிந்தால் ராஜிவும் சாகட்டும் நான் ஆட்சிக்கு வருவது முக்கியம் என்றிருந்த ஜெயலலிதாவும் கலைஞரிடம் இவ்விஷயத்தில் பக்கம் வரவே முடியாது
இதில் பட்டிமன்றம் வைக்க எல்லாம் அவசியமில்லை, திமுக புலிகளுக்கும் ஈழமக்களுக்கும் உதவி பெற்ற கசப்பான அனுபவம் அதிகமென்றால், அதிமுக புலிகளுக்கும் ஈழத்திற்கும் செய்த துரோகம் ஏராளம்
இது வரலாறு முழுக்க கிடக்கின்றது, இது தெரியாதவனே திமுக ஈழவிரோதி என சொல்லிகொண்டே இருப்பான். அந்த மாதிரி நபர்கள் அவனுக்கே எதிரி

 

எக்கோவ், டாக்டருக்கு படிக்க அனுப்பினால் நீர் தெருவில் இறங்கி போராடவா செய்தீர்? இதெல்லாம் அடுக்குமா
ஈழபோராட்டத்தில் பாஜக பங்கு என்றால் வாஜ்பாய் கூட டெசோவில் இருந்தார் என்றால் தீர்ந்தது விஷயம்
இதற்காக இவ்வளவு பெரிய பொய் எதற்காக‌
Image may contain: 1 person, text and closeup
—————————————————————————————————————————————–

 

பேரறிவாளனின் வாழ்க்கையே வீணாகி விட்டது : அற்புதம்மாள்
ராஜிவ் உட்பட 17 பேர் வாழ்வே முடிந்தது, ஏராளமானோருக்கு படுகாயத்துடன் அங்கஹீனம் ஏற்பட்டது
அதெல்லாம் கொஞ்சமும் கண்டுகொள்ளாத அற்புதம்மாளுக்கு தன் மகனின் வாழ்வு வீணானதுதான் கவலையாம், மகனாவது உயிரோடு இருகின்றான் என்ற எண்ணமில்லை
தன் மகன் யாரோடு பழகுகின்றான்? என்ன செய்கின்றான்? என்பது தாய்க்கு தெரியாதா?
அன்றே பேரரிவாளன் காதை திருகி, இந்த திராவிடம் பேசி திரியாதே, புலிகளோடு சேராதே என திருத்தி இருந்தால் இந்நிலை வந்திருக்குமா?
நாட்டுபற்று இல்லாத பொறுப்பற்ற பிள்ளையினை வளர்த்துவிட்ட குற்றவாளி அற்புதம்மாள், அவர் அழுகையில் பாசம் இருக்கலாமே தவிர உண்மை, நேர்மை என்பது துளியுமில்லை
—————————————————————————————————————————————–
Advertisements

மயிரிழையில் உயிர் தப்பிய அனுசுயா

ராஜிவ் கொலையின் பொழுதே கொலையுண்ட ராஜகுரு போன்ற காவலர்களை போல, காயம்பட்ட சில காவலர்கள் உண்டு, அதன் பின் வழக்கை விசாரிக்கும்பொழுது சாகசம் செய்து இறுதியில் வாழ்வினை தொலைத்த Jebamani Mohanraj போன்றவர்களும் உண்டு

இதில் களத்தில் மயிரிழையில் உயிர் தப்பிய அனுசுயா என்பவரும் ஒருவர்

அவர் அப்பொழுது பெண் காவலர், ராஜிவினை தனு நெருங்கும் பொழுது ஓடி சென்று தடுத்தவர் இந்த அனுசுயா. ஆம் களத்தின் நேரடி சாட்சி.

ஆனால் பெருந்தன்மையான ராஜிவ் அனுசுயாவினை பார்த்து தனுவினை அனுமதிக்குமாறு கையசைத்தார், தன் விதியினை தானே முடித்தார் ராஜிவ்

அந்த வெடிப்பில் தீயில் கருகினார் அனுசுயா

அந்த விசாரணையின் பொழுது வாழை இலையில் படுக்க வைக்கபட்டிருந்த அனுசுயா, விசாரணை குழுவினரிடம் தனுவினை தான் தடுத்ததையும், ராஜிவ் அவளை விட சொன்னதையும் அதன் பின் குண்டு வெடித்ததையும் சொன்னதே ராஜிவ் வழக்கின் பெரும் திருப்பம்

அப்பொழுது அனுசுயா கண்ணீரோடு சொன்ன வார்த்தைகள் மறுக்க முடியாதது

அந்த எரிந்த கோலத்திலும் சொன்னார், நான் தனுவினை முன்பே தடுத்து அனுமதியில்லாதவள் மாலை போட விடாதவாறு அனுப்பி இருக்க வேண்டும்

அதையும் மீறி ராஜிவ் அழைத்தபொழுது கடமையில் நின்று அவளை தடுத்திருக்க வேண்டும், ராஜிவ் சொல்லுக்கு கட்டுபட்டது என் தவறு, அதில் தேச தலைவனை கடைசி கட்டத்தில் காக்க நான் தவறிவிட்டேன்”

எப்படியான வார்த்தைகள்?

தமிழக காவல்துறை ஏன் ஒரு காலத்தில் மாண்போடு இருந்தது என்றால் இப்படித்தான்

இன்று முகநூலில் சிலர் கிண்டலாக பார்க்கும் Jebamani Mohanrajஎன்பவரின் தியாகமும் சாகசமும் கொஞ்சமல்ல, திருச்சியில் அவர் புலிகள் மேல் நடத்திய என்கவுண்டரும், புலிகள் எங்கும் தாக்கலாம், போலிசாரை தாக்கலாம் எனும் அச்சுறுத்தலான நிலையிலும் அவர் தைரியமாக களத்தில் நின்றார்

இப்பொழுது அனுசுயா ராஜிவ் கொலையாளிகளை விட கூடாது என்கின்றார், அப்படி சொல்ல முழு தகுதியும் அவருக்கு உண்டு. நிரம்ப உண்டு

அவரை போலவே பாதிக்கபட்ட, குடும்ப உறுப்பினர்களை பறிகொடுத்த 16 குடும்பங்களுக்கும் உண்டு

இப்பொழுது ஒரு கும்பல் சஞ்சய்தத்துக்கு ஒரு நீதி, ராஜிவ் கொலையாளிக்கு ஒரு நீதியா என கிளம்பி இருக்கின்றது, இது மூளையினை வாடகைக்கு விட்டிருக்கும் நாம் தமிழர் கும்பலின் கூப்பாடு

முதலாவது சஞ்சய் தத்திற்கும், இலங்கையில் இருந்து வந்த 4 கொலையாளிகளுக்கும் வித்தியாசம் உண்டு

இவர்கள் 4 பேரும் இந்த யகூப் மேமன், கசாப் வகையறா. எல்லை தாண்டி கொலை திட்டத்தோடு வந்தவர்கள்

சஞ்சய்தத் என்பவர் குண்டு வைத்தவர்களை தன் வீட்டில் வைத்து சோறு போடவில்லை, சம்பவ இடம் வரை சென்று குண்டு வைப்பதை பார்த்து ரசிக்கவில்லை

அதன் பின் குண்டுவெடித்து பலர் சாகும் பொழுது பிரியாணி சாப்பிட வில்லை , அதன் பின் பாயாசம் வைத்து குடிக்கவில்லை

(ஆம், ராஜிவ் கொல்லபட்டபின் சிவராசன் கும்பலோடு நளினி ஆம்பூர் பிரியாணி உண்டதும், இரு நாள் கழித்து சுபா பாயாசம் செய்து கொண்டாடியதும் விசாரணையில் தெரிந்தது)

சஞ்சய்தத் தான் போதை பழக்கத்திற்கு அடிமையானதை ஒப்புகொண்டார், அந்த தொடர்பில் சில ஆயுதங்களை தன் வீட்டில் வைக்க சிலர் தன்னை பயன்படுத்தினர் என்பதை ஒப்பு கொண்டார்

எந்த இடத்திலும் மறைக்கவில்லை

ஆனால் நளினி, பேரரிவு கும்பல் இன்னனும் நாங்கள் நிரபராதி என சொன்னதையே சொல்லிகொண்டிருக்கின்றன‌

இந்த அனுசுயாவின் நிலை பரிதாபமானது, எந்த குண்டுவெடிப்பில் அவர் சாவின் விளிம்பு வரை சென்றாரோ, அந்த குண்டுவெடிப்பிற்கு துணை போன நளினியின் காவலாளி அவர்தான்

நளினி பிரசவம் நடக்கும்பொழுது அனுசுயாதான் காவல்

எப்படி இருந்திருக்கும் அனுசுயாவிற்கு? எப்படி எல்லாம் துடித்திருப்பார்

பாதிக்கபட்ட அனுசுயா ராஜிவ் கொலையாளிகளை விட கூடாது என சொல்லும்பொழுது எப்படி மறுக்க முடியும்?

அவரின் வலி அவருக்குத்தான் தெரியும்

இப்படி பாதிக்கபட்டவர்கள் பேச தொடங்கி இருப்பது நல்ல விஷயம், இன்னும் புலிகளால் பாதிக்கபட்ட குடும்பம் ஏராளம் உண்டு

உறுதியாக சொல்லலாம் அனுசுயா போல பாதிக்கபட்டவர்தான் பேரரிவாளனின் தாயார் அற்புதம்மாள், அதில் சந்தேகமில்லை

ஆனால் தாய்பாசம் மகன் செய்த குற்றத்தையும், அந்த வழக்கிற்காக புலி பினாமிகள் செலவழிப்பதனால் உள்ள நன்றிகடனும் அவரை பேச விடவில்லை

அனுசுயா பேசிவிட்டார், அற்புதம்மாள் தாய்பாசத்திலும் நன்றிகடனிலும் தள்ளாடுகின்றார்

அனுசுயாவும், அற்புதம்மாளும் புலிகளால் தீரா சோகத்திற்கு உள்ளானவர்கள்

அனுசுயா போல எல்லா குடும்பமும் பேசட்டும் , குறிப்பாக நெல்லை மாவட்டம் திருமலாபுரத்தை சேர்ந்தவரும் ராஜிவோடு செத்தவருமான ராஜகுரு குடும்பத்தாரும் பேசட்டும்

வலிபட்டவர்கள் சொன்னால்தான் பல விஷயங்கள் சரியாக வரும்

Image may contain: 2 people, people smiling, people sitting and hat
————————————————————————————————————————————-

 

“தம்பி ராகுல், அந்த 7பேரில் 4 பேர் இலங்கைக்காரங்க, இங்க அவங்களை விடுவிச்சாலும் அங்கதான் வரணும்

முருகனை கட்டிய வழியில் நளினியும் இலங்கைதான் வரணும்

வரட்டும் பார்த்துக்கலாம்…நாங்கெல்லாம் எதற்கு இலங்கையில இருக்கோம்

அதனால 7 பேரையும் விடுவித்தால் இலங்கை அரசிடம் ஒப்படைப்போம்னு சொல்ல சொல்லுங்க, தக்காளி எவன் தமிழ்நாட்டில வாய் திறக்கான்னு பாத்திரலாம்”

Image may contain: 1 person, sitting and indoor

தமிழிசைக்கே அப்பொறுப்பு மறந்துவிட்டது போல

பெட்ரோல் விலை உயர்வு அமித்ஷாவே அலறும் அளவு சென்றாயிற்று, அவரே களத்தில் குதித்து பெட்ரோலிய துறை அமைச்சரை சந்திக்க வந்துவிட்டார்

தமிழிசையோ இதுதான் எங்களால் முடிந்த அதிகபட்சம் என சொல்லிகொண்டிருக்கின்றார்

இப்பொழுது ஒரு விஷயத்தை எல்லோரும் மறக்கின்றார்கள் அல்லது மறைக்கின்றார்கள்

கொஞ்ச காலத்துக்கு முன்பு தமிழிசை அக்காவிற்கு பெட்ரோலிய துறையில் கவுரவ பதவி ஒன்று அளிக்கபட்டது பலருக்கு நினைவிருக்கலாம்

அந்த பதவி அவருக்கு கிடைத்தபின்பே இந்த மாபெரும் விலை உயர்வு ஏற்பட்டிருக்கின்றது

நிச்சயம் தமிழிசை விலை உயர்வுக்கு காரணமல்ல எனினும் விலை உயர்வுக்கு உண்மையான காரணத்தை தமிழிசை அக்கா சொல்ல்த்தான் செய்யலாம்

பாரத் பெட்ரோலியத்தின் பொறுப்பான பதவிக்கு நியமிக்கபட்டவர் என்ற முறையில் அக்காவிடம் அதனை நினைவுறுத்த யாருமில்லை, எந்த பத்திரிகையாளரும் அதை அவரிடம் கேட்கவுமில்லை

தமிழிசைக்கே அப்பொறுப்பு மறந்துவிட்டது போல..


 

இந்திய ரூபாய் கடுமையாக வீழ்ச்சி அடைவது கவலை தரும் விஷயம்

டாலரில் கச்சா எண்ணெய் வரவு செலவு நடப்பதால் டாலருக்கு எதிரான மதிப்பு சரிய சரிய பெட்ரோல் விலை உயரத்தான் செய்யும்

மிக அவசரமான நடவடிக்கை எடுத்து நாட்டை காப்பாற்ற வேண்டிய நேரமிது

இல்லாவிடில் கிரீஸ், வெனிசுலா போல பெரும் பொருளாதார நெருக்கடியினை இத்தேசம் எதிர்கொள்ளும்

அந்த அபாயத்தை தடுக்க இந்த அரசு அதிரடியான காரியங்களை செய்யட்டும் இல்லாவிட்டால் நடையினை கட்டட்டும்

நாடு திவாலாகும் நிலையினை நோக்கி சென்றுகொண்டிருக்கின்றது என்பது
மட்டும் மிக வேதனையான விஷயம்

இது கிட்டதட்ட சோவியத் யூனியனில் அந்த கோர்பசேவ் பெரோஸ்திகா திட்டத்தை அறிவித்து ஏதோ செய்யபோக சோவியத்தே சிதறியது அல்லவா? அந்த சாயல் தெரிகின்றது

மோடியும் அப்படித்தான் நாட்டை சீரமைக்கின்றேன் என கருப்புபண ஒழிப்பு என இறங்கி கிட்டதட்ட அதே நிலைக்கு இந்தியாவினை இழுத்துவிட்டார்

நாடு திவாலாவதை தடுக்க ஏதேனும் செய்யவேண்டிய இக்கட்டான நிலையில் இருகின்றது இந்தியா

ஒரு வளரும் நாடு விஷபரீட்சைகளில் இறங்க கூடாது, அது பல சிக்கலை கொண்டு வரும்

இதோ வந்திருக்கின்றது, மோடி கும்பல் நடையினை கட்டி வேறு ஒருவருக்கு வழிவிடுவதே அவர்கள் இந்நாட்டிற்கு செய்யும் மாபெரும் சேவை


 

குட்கா வழக்கில் சிக்கிய அமைச்சர்களை தற்காத்து பேசியுள்ளார் பழனிச்சாமி, அதாவது வழக்கு பாய்ந்தால் மட்டும் அவர்கள் குற்றவாளி இல்லையாம்

சரி குற்றவாளி இல்லை என நிரூபிக்கும் வரையாவது அவர்களை அமைச்சர் பதவியிலிருந்து நீக்க வேண்டுமா? வேண்டாமா? என்றால் சத்தமே இல்லை

விஜயபாஸ்கரும், வேலுமணியும் பதவி விலக வேண்டும், ஆனால் தூக்கி போட்டு மிதித்தாலும் இருவரும் விலக மாட்டார்கள்

இந்நேரத்தில் முதல்வர் அமைச்சர் பதவியிலிருந்து அவர்கள் இருவரையும் விரட்ட வேண்டும் அவரும் செய்யமாட்டார், காரணம் அவர் மேலும் சில சர்ச்சைகள் உண்டு

இந்த ஆளுநர் என்பவர் ஏதாவது செய்யட்டும்

அந்த இருவரும் குற்றவாளி இல்லை என தீர்ப்புவருமட்டும் பெஞ்சில் இருப்பதுதான் சரி


 

இந்த 7 பேர் விடுதலை தொடர்பாக ஆளுநரிடம் இருந்து ஒரு சமிக்ஞையும் இல்லை, அந்த தீர்மானத்தை அவர் கண்டு கொண்டதாக தெரியவில்லை

7 பேரையும் விடுவிக்கும் தீர்மானத்தை தனியாக கொடுத்திருந்தால் கூட அது ஏதாவது அதிர்வு கொடுத்திருக்கும், ஆனால் கூடவே ஜெயாவிற்கு பாரத ரத்னா என சில காமெடிகளை செய்ததால் தீர்மானம் மொத்தமும் காமெடி என ஆளுநர் தள்ளிவிட்டார் போல..

எப்படியோ 7 பேர் விடுதலையில் ஆளுநரின் அமைதி வரவேற்கதக்கது

ஆட்டுக்கு தாடி தேவையோ இல்லையோ நாட்டுக்கு கவர்னர் தேவை என்பது தெளிவாக தெரியும் நேரமிது

இலங்கை யுத்தம்

ஏராளமுறை எழுதியாயிற்று ஆயினும் இப்பொழுதும் சொல்லலாம்

இலங்கை யுத்தத்தில் ஈழமக்களை காக்க புலிகளாலும் இன்னபிற போராளி குழுக்களாலும் முடியவில்லை

அகதிகளாக இந்தியாவிற்குத்தான் வந்தனர், இந்நாடும் அடைக்கலம் கொடுத்தது

புலிகளோ யுத்தம் தொடர்ந்தனர், மக்கள் அகதிகளாக வந்து கொண்டே இருந்தனர், சில இடங்களில் சிங்களனிடமும் சிக்கினர்

அதுவும் வடமாரட்சி முற்றுகையில் பிரபாகரனை மண்டையில் போட இருந்த நிலையில்தான் இந்தியா களமிறங்கி அமைதி படையினை அனுப்பியது

அதை வம்பிழுத்து மோதியது புலிகள்

எந்த சிங்களனிடமிருந்து தமிழரை காக்க அமைதிபடை அனுப்பபட்டதோ அதே சிங்களனிடம் சேர்ந்து இந்திய படையினை எதிர்த்து அழிச்சாட்டியம் புரிந்தனர் புலிகள்

இந்திய ராணுவம் மேல் பயங்கர கட்டுகதைகளும் வந்தன, இந்திய ராணுவமும் திரும்பியது

அதன் பின்ராஜிவ் கொல்லபட்டு இந்தியா ஒதுங்கியது, 2009ல் கேட்க ஆளின்றி புலிகள் ஒழிக்கபட்டனர்

இப்பொழுது ராஜிவ் கொலையாளிக்கு தூக்கு என்றால் அமைதிபடை அட்டகாசம் என பலர் கிளம்புகின்றனர்

அமைதி படையோடு புலிகள் மோதாமல் இருந்தால் ராஜிவும் கொல்லபட்டிருக்கமாட்டார், 20009 அழிவும் நடந்திருக்காது

முழு முதல் காரணம் புலிகளே

இதில் 4 இலங்கையரும் தமிழரே என சிலர் கிளம்புகின்றான், ஆனால் ராஜிவோடு கொல்லபட்ட 16 பேரில் 15 பேர் தமிழர் என்பதை மறக்க சொல்கின்றார்கள்

ஈழத்தில் சக போராளி தமிழர்களை புலிகள் கொன்றதை எல்லாம் மறக்க சொல்கின்றார்கள்

4 பேர் தமிழர் என்பதால் இலங்கையரை விட முடியுமா? நிச்சயம் முடியாது

இவர்களை எல்லாம் வாழ்நாள் சிறையில் வைக்க வேண்டும்



 

எகிப்தில் அரசுக்கு எதிராக கிளர்ச்சி செய்த 76 பேருக்கு தூக்கு

இந்தியாவில் முன்னாள் பிரதமரை கொன்ற இலங்கை நாட்டு தீவிரவாதிகளை விடுவிக்க இந்தியாவின் தமிழ்நாடு மாநில தலைவர்கள் வலியுறுத்தல்

இதெல்லாம் உலக செய்திகள். சொந்த நாட்டு தலைவனை கொன்ற வெளிநாட்டு தீவிரவாதிகளை விடுவிக்க சொல்லும் ஒரே மாநிலம் தமிழகம்

இந்த அரசை உடனே 356ம் பிரிவில் டிஸ்மிஸ் செய்ய வேண்டும்

மறுபடியும் 7 தமிழர் விடுதலை

மறுபடியும் 7 தமிழர் விடுதலை என களம் என சத்தம் வர ஆரம்பித்துவிட்டது

இதில் 7 தமிழர் என்பதே பெரும் தவறு, மூவர் இந்தியர் மற்ற நால்வர் இலங்கையர் என்பதே உண்மை

இதில் 4 பேரை கேட்க வேண்டியது இலங்கை அரசு, இந்தியர்களான தமிழகத்தினர் அந்நியநாட்டு குடிகமன் 4 பேரை விடுவி என சொல்வது உலகிலே எங்குமே இல்லாத அதிசயம், அப்பட்டமான தேச துரோகம்

மீதி 3 இந்தியரும் என்ன தியாகிகளா? நளினி பேரரிவாளன் உட்பட்ட மூவரும் நிச்சயம் பெரும் குற்றவாளிகள்

சந்தேகமில்லை பேரரிவாளன் என்பவன் யாழ்பாணத்திற்கே சென்று புலிகளை சந்தித்து பயிற்சி எல்லாம் எடுத்தவன், இந்திய ராணுவத்திற்கு எதிராய் இங்கே “சாத்தானின் படைகள்” என்ற புத்தகம் எல்லாம் அச்சிட்டவன்

நளினி முதலில் விவரம் புரியாமல் சிக்கினாலும் காதலுக்காக, காதலுக்காக நாட்டின் தலைவனையே கொல்ல துணை போனவர்

இவர்கள் எல்லாம் நீண்ட நாள் சிறையில் இருந்தார்கள் என்பதற்காக விட முடியாது, நடந்த சம்பவம் அவ்வளவு கொடூரமானது

இந்நாட்டில் நடந்து உலகை உலுக்கிய படுகொலைகளில் காந்தி, இந்திராவினை தொடர்ந்தது ராஜிவ் கொலை

காந்தி இந்திரா கொலையாளிகள் சம்பவ இடத்திலே பிடிபட்டதும் அவர்களை தூக்கில் இட்டதும் யாவரும் அறிந்தது

ஆனால் ராஜிவ் கொலை உலகிற்கே சவால்விட்டது, கொலையாளிகளான புலிகளே முடிந்தால் இந்தியா கண்டுபிடிக்கட்டும் என சவால் விட்டனர், லண்டனில் இருந்து கிட்டு அப்படித்தான் சொன்னான்

ஆனால் மிக அழகாக, தைரியமாக குற்றவாளிகளை அடையாளம் காட்டி நின்றது இந்திய புலனாய்வு துறை புலிகளின் சால்ஜாப்புகள் எல்லாம் கலைந்தது

இதில் 24 புலிகள் தேடுதலிலே சயனைடு கடித்தனர், சிவராசனும் தனுவும் தற்கொலை செய்தார்கள்

பின் 26 பேருக்கு தூக்கு அறிவிக்கபட்டு பின் அவர்கள் விடுவிக்கபட்டு 7 பேருக்கு ஆயுள் என்றானது, இப்ப்பொழுது அவர்களையும் விடுவிக்க வேண்டுமாம்

நிச்சயம் கூடாது, அப்படி விடுவித்தால் மாபெரும் தவறான முன் உதாரணமாக அமையும்

அப்துல் குரு, யகூப் மேமனை எல்லாம் தூக்கிலிட்ட இந்திய அரசு இந்த சண்டாளர்களை விட்டிருக்க கூடாது

கேட்டால் சோனியா மன்னித்தாராம், ராகுல் உருகினாராம். ஆனால் ராஜிவ் மட்டுமா செத்தார்?

16 பேர் செத்தனர், அங்ககீனமானவர்கள் ஏராளம்

ராஜிவ் குடும்பம் அரசியலுக்காக சிலதை சொல்லலாம், மீதி 16 பேரின் குடும்ப உணர்வுகள் என்ன? அவர்களுக்கான நியாயம் என்ன?

சரி இந்த சண்டாளா நளினி, பேரரிவாளன் கும்பலாவது ஒரு இடத்தில் ஒரே ஒரு இடத்தில் இந்த புலிகளாலே நாங்கள் நாசமானோம் என சொன்னார்களா?

அழுது புலம்பி திரியும் பேரரிவாளனை பெற்ற மகராசி ஒரு இடத்திலாவது புலிகளால் என் குடும்பம் அழிந்தது என சொல்லி இருக்கின்றாரா?

இல்லை, நிச்சயம் இல்லை. அதாவது இன்னும் தங்கள் மீதான தவறை அவர்கள் ஒப்புகொள்ளவே இல்லை பின்னர் எப்படி விடுதலை பற்றி யோசிப்பது?

இவர்கள் துயரத்திற்கு முதல் பொறுப்பு சனியன் பிரபாகரன், ஆம் அவனே முதல் பொறுப்பு

ஒரு இடத்திலாவது அவர்கள் குற்றமற்றவர்கள், இயக்கம் அவர்களுக்கு கொலைதிட்டத்தை சொல்லவில்லை என்றால் எப்போதோ முடிவு வந்திருக்கும்

ஆனால் அவனோ ஒருவார்த்தை சொல்லவிலை, ராஜிவ் கொலை ஒரு ” துன்பியல் சம்பவம்” என சொல்லி நகர்ந்தானே தவிர இவர்களை பற்றிய கவலை இல்லை

(ஆனால் நளினி மகள் டாக்டர் ஆனாள், பேரரிவாள்ன் தாய்க்கு சுப்ரீம் கோர்ட்டில் வாதாடும் அளவு பணம் வருகின்றது எப்படி என்றெல்லாம் நாம் கேட்க கூடாது)

அவனை பொறுத்தவரை கிட்டு செத்தான், ஹரிபாபு செத்தான், தனு செத்தாள், சிவராசன் செத்தான் அப்படியே இவர்களும் செத்து தொலையவேண்டும் , இயக்க விதி என்பது அதுதான்

அது சயனைடு கடித்து செத்தால் என்ன? தூக்கில் தொங்கினால் என்ன? புலி என்றால் சாகவேண்டும்

ஆக அவனை பொறுத்தவரை இவர்கள் சாக வேண்டும் ஆனால் காத்து நிற்பது இந்தியா

இவர்களை தூக்கில்தான் போட வேண்டும், இல்லாவிட்டால் என்ன செய்யலாம்?

அமெரிக்காவில் இரட்டை கோபுர தகர்ப்பில் சிக்கிய தீவிரவாதிகளுக்கு 200 ஆண்டுகால ஆயுள் விதித்து குவாண்டமாவோ தீவு சிறையில் வைத்தது போல் வைக்கலாம்

ஆம், அமெரிக்காவில் நடந்த மாபெரும் அழிவு அது என்றால், ராஜிவ் கொலை இந்திய ஆன்மாவில் விழுந்த அடி

அதற்காக இவர்களை விடுவிக்காமல் வாழ்நாள் சிறையில் வைப்பதுதான் சரி, இல்லாவிட்டால் சட்டத்தை திருத்தி தூக்கிலும் இடலாம் ஒன்றும் தவறில்லை

நடந்த கொடூரம் அப்படி

வஞ்சகமாக வலைவிரித்து ராஜிவினை கொடூரமாக கொல்லும் திட்டத்தில் பங்கெடுத்து அதை நிறைவேற்ற உதவியர்கள் இவர்கள்

பல இடங்களில் தெரிந்தே உதவியிருகின்றார்கள், பேரரிவாளன் சிவராசனின் சதிதிட்டம் இலங்கைக்கு வயர்லெஸில் விவாதிக்கபடும் பொழுதெல்லாம் பேட்டரி முதல் சகல விஷயங்களில் உதவி இருக்கின்றார்

அதிலும் சாந்தனும், நளினியும் அவர் கொல்லபடும் வரை அருகிருந்தே பார்த்தவர்கள் என்றால் எவ்வளவு கொடூர மனம்?

இப்பொழுது நடந்திருக்கும் நல்ல விஷயம் என்னவென்றால் திமுக ஆளும் கட்சியாக இல்லை, இருந்திருந்தால் இப்பொழுது 7 தமிழர் விடுதலை என நாடகம் ஆடுவார்கள்

நமக்கு திமுகவினை பற்றி நன்றாய் தெரியும், நிச்சயம் அவர்கள் 7 பேரையும் விடுவிக்கவே பார்ப்பார்கள் அதுவும் பாஜக டெல்லியில் இருக்கும்பொழுது அது தீவிரமாக முயற்சிக்கபடும்

காரணம் 7 பேரை விடுவித்தால் வடக்கே பெரும் கலவரம் வெடிக்கும், பாஜக அரசுக்கு சிக்கலாகும் என்ற அரசியல் கணக்கு தமிழக வாக்கு கணக்கு இன்னபிற‌

கலைஞரே ராஜிவ் கொலையில் திமுக சிக்கிய பொழுது 1990க்கு முன்பிருந்தே இந்திரா காலத்தில் இருந்தே புலிகளோடு தொடர்புடையவர்களை விசாரிக்க வேண்டும் என சொல்லி பார்த்தார்

1987ல் இந்திய ராணுவத்தை புலிகள் கொல்ல தொடங்கிய காலத்தின் பின்னரான நிலையினைத்தான் பார்க்க வேண்டும், பத்ம்நாபா கொலையாளி எப்படி தப்பினான்? யார் உதவினார் என கேட்ட பின்பு கலைஞர் அமைதியானார்.

ராஜிவ் கொலை எனும் மீறமுடியாத கயிறு அவரை கட்டிபோட்டதே அன்றி இல்லாவிட்டால் திமுகவின் ஈழ அழிச்சாட்டியம் எங்கோ போயிருக்கும்

இப்பொழுது பாஜகவினை எதிர்த்து தமிழ் அரசியல் செய்யவேண்டிய நேரத்தில் இந்த 7 பேர் விடுதலை எல்லாம் திமுக சும்மா விடாது

திமுக சுபாவம் அப்படி

நல்ல வேளையாக அவர்கள் பதவியில் இல்லை என்பதால் ஆறுதல் பெரும் ஆறுதல்

இந்த 3 இந்தியரையும் , 4 இலங்கையர்களையும் விட முடியாது. அதுவும் எல்லை தாண்டிவந்து பெரும் கொலை செய்த அந்த 4 பேரையும் இத்தேசம் மன்னிக்காது

முடிந்தால் இவர்களை தூக்கில் இடலாம், இல்லை 200 ஆண்டுகால சிறை என அமெரிக்க பாணியில் நிர்ந்தரமாக வைக்கலாம்

அதுவே மாபெரும் முன்னுதாரணமாகவும் , தண்டனையாகவும் அமையும்

பழனிச்சாமி அரசு அதை செய்யட்டும், நிச்சயம் அவர்களுக்கு அடுத்த தேர்தல், வோட்டு வங்கி இன்னபிற இம்சைகள் இல்லை

அதனால் துணிந்து செய்யட்டும், இந்த மாநிலத்தின் நாட்டுபற்று மிக்கோர் நிச்சயம் அவருக்கு ஆதரவு கொடுப்பர்

மிஸ்டர் பழனிச்சாமி , அடுத்த நாட்டில் இருந்து வந்து இங்கு பெரும் தலைவனை கொன்ற 4 அடுத்தநாட்டு குடிமக்களை விடுவிக்க துணைபோனால், அவர்களுக்கு உதவிய உள்நாட்டினர் 3 பேரை விடுவிக்க‌ நீர் ஏற்ற ரகசிய காப்பு பிரமாணத்திற்கு என்ன அர்த்தம்?

மேன்மைதங்கிய ஆளுநரே, அடுத்த நாட்டு குடிமக்கள் இந்நாட்டில் வந்து செய்த பெருங்கொலைக்கு விடுதலை அளித்து அவர்களை விடுவிக்க பரிந்துரை செய்வீரா? செய்தால் அது தேசவிரோதம் ஆகாதா?

அதிகார வர்க்கம் இந்நாட்டு தலைவரை கொன்ற அடுத்தநாட்டுகாரனை விடுவித்து டாட்டா காட்டினால் அதைவிட பெரும் மானகேடு இத்தேசத்திற்கு உண்டா?

இத்தேசம் தன் கவுரவத்தை நிலைநாட்ட இந்த சண்டாளர்களை விடவே கூடாது என்பதுதான் நாட்டுபற்றுள்ளோரின் உருக்கமான கோரிக்கை

Image may contain: 7 people, people smiling

7 பேர் விடுதலை – உச்ச நீதிமன்றம்

ராஜீவ் காந்தி கொலை வழக்கில் கைதான 7 பேர் விடுதலைக்கான முடிவை தமிழக அரசே முடிவெடுக்கலாம் : உச்ச நீதிமன்றம்

பழனிச்சாமிக்கு மோசமான காலகட்டம், குட்கா விவகாரத்தில் மனிதர் வசமாக சிக்கி இருக்கும் பொழுது கூடுதல் நெருக்கடி வேறு

ஆயினும் தமிழக அரசு என்ன செய்யும்?

மத்திய அரசோடு கலந்து ஆலோசிப்போம் என சொல்லும், மத்திய அரசோ பல காரணங்களை காட்டி முடியாது என சொல்லும்

பின் அரசுகளின் முடிவில் நீதிமன்றம் தலையிடாது என இதுவும் ஒதுங்கும்

எனினும் இந்த விவகாரம் ஒரு ரவுண்டு வந்துவிட்டுத்தான் ஓயும்

இப்பொழுது இன உணவாளர்கள் எல்லாம் பொங்குவார்கள், ஆனால் எதற்கெடுத்தாலும் கைது, மிதி, அடி என இருப்பதால் கொஞ்சம் யோசித்து முணங்குவார்கள்

அவர்கள் வருத்தம் எல்லாம் எப்படி இருக்கும் தெரியுமா?

இப்பொழுது கலைஞர் முதல்வராக இருந்தால் எவ்வளவு அரசியல் செய்யலாம், குதிக்கலாம், துள்ளலாம், பொங்கலாம்

ஆனால் இந்த பழனிச்சாமி அல்லவா அமர்ந்துவிட்டார் ஐயகோ எல்லாம் வீணாயிற்றே….