ரோமாபுரி ராட்சசன் : 05

ரோமாபுரி ராட்சசன் : 05

உள்நாட்டு குழப்பம், பாம்பே சீசர் மோதல் என ரோம் கொஞ்சம் தள்ளாட எதிர்களும், ரோமையின் அடிமையாய் இருந்த நாடுகளும் குரலை உயர்த்தின‌

ரோமை சிங்கம் ஒன்று எகிப்திய மானின் பிடியில் சிக்கிவிட்டது என்ற பேச்சு வந்தப்பொழுது அவர்கள் சுதந்திர குரல் எழுப்பினர், சிங்கம் சிலிர்த்துகொண்டு ரோம் வந்தது

எதிர்ப்பு கிளம்பிய இடமெல்லாம் சிங்கமென பாய்ந்தான் சீசர், ஆப்ரிக்கா முதல் இங்கிலாந்துவரை அடித்து நொறுக்கினான், அவனை எதிர்க்க யாருமில்லை, கப்பங்கள் குவிந்தன‌

Veni Vici Vidi என ரோம் மொழியில் கம்பீரமாக சொன்னான் சீசர், ஆம் வந்தேன் கண்டேன் வென்றேன் என அதற்கு பொருள்

சரித்திரம் காணா வெற்றிகளை ரோமிற்கு காணிக்கையாக்கிய அவனை ரோம் கொண்டாடியது

குடும்பத்து மக்கள் மட்டுமல்ல, நாட்டுமக்களும் சுயநலமிக்கவர்கள். ஒருவன் எங்கிருந்தாவது கொட்டி கொண்டே இருந்தால் மகிழ்ந்துகொண்டே இருப்பார்கள்

அப்படி ரோமின் பெரும் வீரனாக சீஸர் உயர்ந்தான், ஒரு கட்டத்தில் 10 ஆண்டுகள் அவனே ஆளட்டும் என மக்களும் செனட்டும் முடிவெடுத்தார்கள்

அவனால் ரோம் வாழ்வாங்கு வாழ தொடங்கியபொழுது அவனை மன்னனாக ஏற்பதில் அவர்களுக்கு தயக்கமே இல்லை, ரோம் முடியாட்சிக்கு திரும்ப தொடங்கியது

அவனோ ரோமாபுரியினை உலகின் மிகபெரும் கலைகூடமாகவும், சொர்க்கபுரியாகவும் மாற்றிகொண்டிருந்தான்

சாலைகளை மிக பிரமாண்டமாக அமைத்தான், எல்லா சாலையும் ரோமுக்கே எனும் பொன்மொழி அவனால் உருவானது

வானுயர் கட்டங்கள், பிரமாண்ட மைதானங்கள் உருவாயின‌
, அவன் அமைத்த அஸ்திவாரத்திலே பின்னாளைய கொலோசியம் எல்லாம் எழும்பின‌

கிரேக்கம் முதல் ஆப்ரிக்கா வரை அவனால் திரட்டபட்ட அறிவு சிந்தனைகளை கொண்டு அழகான பாலம் முதல் பல முன்மாதிரி விஷயங்களை செய்தான்

அறிவுசார் விஷயங்களுக்கும் குறைவில்லை, ரோமின் சட்டதிட்டங்களை எழுதினான்

அதுதான் இன்றிருக்கும் மக்களாட்சிக்கு அடிப்படை, அதன் அஸ்திவாரத்தில்தான் இந்நாளைய சட்டங்கள் அமைந்திருக்கின்றன‌

முதல் காலண்டரை கொடுத்தவன் அவனே, ஜூலியன் காலண்டர் என்ற முறை அவன் கொடுத்தது, பின்னாளில் போப் திருத்தம் செய்து இன்றிருக்கும் காலண்டர் முறையானது

சுருக்கமாக சொன்னால் அன்று ரோமைக்கு அவன் கொடுத்த கொடைகளை எல்லாம் பின்னாளில் உலகம் எடுத்துகொண்டது

சீசரின் பொற்காலம் தொடங்கியது எங்கு நோக்கினும் அவன் புகழே தெரிந்தது, எதிரி என யாரும் இல்லா சீசரின் சிலைகள் ரோம் எங்கும் எழும்பின‌

அதன் அடியில் வீழ்த்தமுடியா கடவுள் (to be Unconqurable God) என எழுதவும் பட்டது,

ஆம் அவன் தோல்வியினை சந்திக்காதவன் என்பதாலும், அவனை அன்று தோற்கடிக்க யாரும் இல்லாததாலும் அது எழுதபட்டது

கடவுளை தவிர அவனை தோற்படிப்பார் யாருமில்லை

மறக்காமல் பாம்பேவுக்கும் சிலை எழுப்பியிருந்தான் சீசர், வீரத்தை வீரம் மதிக்கும் அல்லவா?

இந்நிலையில் டைபர் நதிகரையில் பெரும் மாளிகை கட்டினான் சீசர், அது அவனுக்காக என மக்கள் எண்ணினர், உலகை சுருட்டி ரோமின் காலடியில் போட்டவனுக்கு இது கூட இல்லை என்றால் எப்படி என அவர்களாக மகிழ்ந்தனர்

ஐரோப்பாவினை முழுக்க பிடித்து ஆப்ரிக்காவில் பாதியினை பிடித்து துருக்கி, சிரியா, பாலஸ்தீன் என வரிசையாக பிடித்து ரோமை அவ்வளவு பெரும் நாடாக ஆக்கியிருந்தான் சீசர்

அவனுக்கொரு வெற்றிவிழா நடத்தினார்கள் ரோமையர்கள், அதில் சீசர் வென்ற படைகளின் வீரர்கள்,சில மன்னர்கள், சீசருகு பணிய மறுத்தவர்கள், துரோகிகள் என எல்லோரும் சங்கிலியால் பிணைத்து இழுத்துவரபட்டனர்

அதை சீசர் கண்டுகொண்டிருந்தான், அதில் ஒரு பெண்ணும் இருந்தாள்

ஆம், கிளியோபாட்ராவிற்கு ஒரு தங்கை உண்டு, டாலமியினை கொன்ற சீசர் அவளை ரோமிற்கு இழுத்து வந்தான், அவளை சங்கிலியால் பிணைத்து இழுத்து சென்றது படை

ஊர்வலம் டாபர்மாளிகையினை கடந்தபொழுது கைகுழந்தையுடன் ஒரு பெண் அவளை பார்த்து நகைப்பதை கூட்டம் கண்டது

உற்று பார்த்தார்கள், கண்களை சுருக்கினார்கள், உரக்க கத்தினார்கள்

“இது கிளியோபாட்ரா, இங்கே எப்பொழுது வந்தாள்? அப்படியானால் சீசர் அவளை ரோமுக்கு ராணியாக்க போகின்றாரா?

சீசருக்கு மேலான முதல் அதிருப்தி அங்குதான் வந்தது

ஆயினும் பெருவிழாவினை காணவந்திருப்பாள் சென்றுவிடுவாள் என கருதினார்கள், காரணம் சீசர் பெற்றிருந்த பெயர் அப்படி

ஆம், சீசர் முதலில் தளபதியாய் இருந்தபொழுது பாம்பியோ என்பவளை திருமணம் செய்திருந்தான், அவள் ஒருநாள் மத வழக்கபடி பெண்களுக்கான பூஜை செய்து விருந்தளித்தாள், அதில் பெண்களை காண பெண் வேடமிட்டு சென்றான் புல்ச்சர் எனும் இளைஞன்

அவன் யாரை பார்க்க சென்றானோ தெரியாது, பழி போம்பியா மேல் விழுந்தது, சீசர் உறுதியாக சொன்னான்

“சீசரின் மனைவி சந்தேகத்திற்கு அப்பாற்பட்டவளாக இருக்க வேண்டும், சந்தேகம் விழுந்துவிட்டதால் விவகாரத்து செய்கின்றேன்”

ஆம் அப்படி பொதுவாழ்வில் இருந்தவன் சீசர், இதனால் கிளியோ வருகையினை சந்தேகிக்கவில்லை

ஆனால் கிளியோவோ திரும்பி செல்லவில்லை, பல மில்லியன் மதிப்புள்ள முத்துக்களை ஓயினில் ஊறவைத்து குடிக்கின்றாள் ரோமையின் செல்வம் அவளால் சீரழிகின்றது என்ற செய்திகள் வர ஆரம்பித்தன‌

செல்வ செழிப்பான ரோம், தனி பெருமையுள்ள ரோம் , மாபெரும் சாம்ப்ராஜ்யமான ரோமின் பணம் எகிப்து நாட்டுக்காரியால் சீரழிக்கபடுகின்றது என்ற செய்தியும் வந்தது

செனட்டில் முணுமுணுப்பு தொடங்கியது ஆயினும் சீசரின் அற்புதமான ஆட்சி முன்னால் அது அடங்கியது

சீசரோ உலகையே வென்றவன் நான், ரோமை வீரர்களுக்கு வெற்றி கொடுத்து பொன்னும் கொடுத்து பெரும் கவுரவம் கொடுத்தவன் நான், உலகின் மிக சிறந்த ராணுவம் என்னுடையது, ரோம் வாழவேண்டுமே தவிர ரோம் மக்களின் எதிர்ப்பு பொருட்டே அல்ல என்பது போல் இருந்தான்

ஆனால் அவன் ஆட்சி அற்புதமாக இருந்தது

கிளியோபாட்ராவோ உலகின் மிக விலை உயர்ந்த விஷயங்களை வாங்குவது, உலகின் மிக உயர்ந்த விருந்து, உடை என ஆராய்ச்சி செய்து கொண்டிருந்தாள்

சீசருக்கு அதில் பெருமகிழ்ச்சி இருந்தது

இதுவரை சீசர் மன்னன் அல்ல, ஆட்சி அவனிடம் இருந்தது, 10 ஆண்டுகள் அவன் ஆளட்டும் என்றே அனைவரும் விரும்பினர்

ஆனால் சீசருக்கு முடிசூடும் ஆசையினை கிளியோபாட்ரா விதைத்தாள், அதற்கு அவள் கையில் எடுத்த ஆயுதம் சீசரின் தளபதி

ஆம் அன்டனி, மார்க் அன்டனி

சீசரின் படைதளபதி அவன், தீவிர விசுவாசி, சீசர் முன் குனிந்து நின்றதை போலவே கிளியோ முன்னும் விசுவாசமாக இருந்தான் ஆண்டனி

சீசரை மன்னனாக்க அவன் உதவியினை கோரினாள் கிளியோ, அவனும் ஒப்புகொண்டான்

அன்று அவன் மனதில் பெரும் அரசியாக மட்டும் இருந்தாள் கிளியோபாட்ரா

மக்கள் திரண்டிருக்கும் விழாவில் மக்கள் சீஸரை கொண்டாடும் பொழுது சட்டென முடிசூட்டி அந்த வைபவத்தை முடித்துவிடுவது பற்றியும், எதிர்ப்பு எழுந்தால் ஆண்டனி அதை அடக்குவது பற்றியும் துல்லிய திட்டமிட்டு கொடுத்தாள் கிளியோபாட்ரா

சீசர் ஆண்டுகொண்டிருக்க, கிளியோபாட்ராவும் ஆண்டனியும் சீசரை மன்னனாக்க திட்டமிட அங்கோ சிலரின் கண்கள் சீசரை சந்தேகத்தோடு பார்க்க தொடங்கின‌

அவர்களில் முக்கியமானவன் கார்ஷியஸ், காஸ்கோ புரூட்டஸ் போன்ற மற்ற செனட்டர்கள் போல சீஸருக்கு முக்கியமானவன்

நடக்கும் நடப்புகள் அவனுக்கு சரியாக படவில்லை

ஒரு மாலை பொழுதில் தன் நண்பன் காஸ்கோவுடன் பேசும் பொழுது சொன்னான்

“ரோமையர் தனிபெரும் கலாச்சாரமும் மதமும் ஆசியும் கொண்டவர்கள், கிரேக்கர் நமக்கு எதிரிகள்

கிரேக்க வம்சத்தில் வந்தவளும் , எகிப்து எனும் அடிமைநாட்டின் அரசியுமான கிளியோபாட்ரா இந்த மாபெரும் ரோமை சாம்ராஜ்யத்திற்கு அரசியானால் நம்மால் ஏற்க முடியுமா?

ரோமை ரத்தமும் கிரேக்க ரத்தமும் கலந்த வாரிசு இங்கு ஆள வரலாமா? அதை விட நாம் சாகலாமே

சீசரின் மனைவி கர்பூனியாவுக்கு ஆண் வாரிசு இல்லை, மகளின் கணவனான பாம்பேயுமில்லை

இதனால் சீசருக்கும் கிளியோவுக்கும் பிறந்த அந்த ஆண் பிஞ்சு, டைபர் மாளிகையில் வளரும் அந்த இனம்கெட்ட பிஞ்சு வருங்கால அரசராகும், சீசர் மனம் அதைத்தான் செய்யும், நாமெல்லாம் இதை காணபோகின்றோமா? சாக போகின்றோமா?

சீஸரை வீழ்த்த நம்மால் முடியுமா?”

முதன் முதலாக ரோமின் எதிர்காலம் குறித்து மனம் வெடித்து சொன்னான் கார்ஷியஸ்

ஆம் அரும்பாடுபட்டு அவர்கள் உருவாக்கிய ரோம், நாகரீக தொட்டில் என அவர்கள் பெருமையாக சொன்ன ரோம், எகிப்து கிளியோவின் கட்டிலில் காணாமல் போய்விடும் என அஞ்ச தொடங்கினர்

விஷயம் இப்படி இருக்க, சீசருக்கு முடிசூட்டும் திட்டத்தை செயல்படுத்த லுபர் கால் விழா என்ற ஒரு விழாவினை தேர்ந்தெடுத்தனர் கிளியோவும் ஆண்டனியும்

அந்த நாளும் வந்தது, சீசர் முடிசூட போகின்றான், தான் ரோமை சாம்ராஜ்ய ராணியாக முடிசூட தயாரானாள் கிளியோ

அப்படியே ஆண்டனிக்கு இன்றிருக்கும் சீசரின் இடத்தை கொடுப்பதாகவும் உறுதியளித்திருந்தாள்,

அவனும் அந்த கனவில் இருந்தான்

அந்த லூபர் கால் விழா தொடங்கியது

(தொடரும்..)

Advertisements

ரோமாபுரி ராட்சசன் : 04

ரோமாபுரி ராட்சசன் : 04

பாம்பே நம்பிக்கையாய் கரையில் இறங்கினான், காரணம் எகிப்தின் செப்டிமியஸ் மற்றும் பிலிப்பும் நின்றுகொண்டிருந்தனர் கூடவே ராஜகுரு சியோஸ் தன் ஆட்களோடு நின்றிருந்தான்

மாவீரனான தன்னை அதுவும் எகிப்து மன்னரே வணங்கி உயில் எல்லாம் கொடுத்து மதித்த தன்னை எகிப்து கைவிடாது என அவர்களை தழுவ சென்றான் பாம்பே

ராஜகுரு சியோஸை நோக்கி அவன் விரிந்த கரங்களோடு செல்ல, அவன் முதுகில் கோடாரியினை தாக்கினர் கயவர்கள், ஆயுதமற்ற நிலையிலும் போராட துணிந்தான் பாம்பே அவன் வீரனல்லவா?

தன் ஆளான, தான் எகிப்தில் நிறுத்தி வைத்திருந்த ஆட்களில் ஒருவனான செப்டிமியஸிடம் இருந்த வாளை கேட்டான், செப்போனியசும் அருகில் வந்தான், வந்தவன் தன்னை காப்பான் என பாம்பே புன்னகைத்த தருணத்தில் அவன் வயிற்றிலே வாள் சொருகினான் செப்டிமியஸ்

எத்தனையோ களம் கண்ட மாவீரன் இறுதியாக சொன்னான் “இந்த துரோக கொடுங்காலத்தை என்னால் வெல்ல முடியவில்லை” சொல்லிவிட்டு சரிந்தான்

நம்பிக்கையாய் வந்தவனை கொன்றுவிட்டு தங்கள் அரசியல் கணக்கை தொடங்கியது எகிப்தின் டாலமி கூட்டம்

பாம்பேயின் தலை தனியாக எடுக்கபட்டது, அவன் உடலை பாம்பேயின் ஊழியன் பாம்பேயின் தலையற்ற உடலை அலெக்ஸாண்டிரியா கடற்கரையில் தகணம் செய்தான்

உலகையே அதிரவைத்த, எத்தனையோ களம் கண்டு மாவீரனாய் வலம் வந்த, பிரிட்டன் முதல் எகிப்துவரை தன் பெயரை சொன்னாலே அலற வைத்த பாம்பே அங்கு அனாதையாய் தகணம் செய்யபட்டான்

அலெக்ஸாண்டிரியா கடல் அந்த சம்பத்திற்கு சாட்சியாய் இன்றும் அலைவீசுகின்றது

அங்கோ பாம்பேயினை வெறிபிடித்த சிங்கமாய் தேடிகொண்டிருந்தான் சீசர், பாம்பேயினை இழுத்துவந்து ரோம் கோட்டை கொடிமரத்தில் கட்டி வைத்து அடிக்க அவன் கரம் துடியாய் துடித்தது

பாம்பே எகிப்துக்கு தப்பிய விஷயம் தெரிந்ததும் படையோடு கிளம்பினான் சீசர், நைல் நதி தொட்டு எகிப்தை அடைந்தான்

பாம்பே அரசனோடு அரசனாக இருந்தாலும் சரி, மக்களோடு மக்களாக இருந்தாலும் சரி இழுத்து வாருங்கள் என உத்தரவிட்டான்

சீசர் வந்த விஷயம் அறிந்ததும், அவனிடம் நற்பெயர் பெற்று கிளியோவினை ஒழிக்க வழிதேடிய கயவர் கூட்டம் அவனை அணுகியது

மாவீரன் சீசருக்கு மாபெரும் பரிசு கொண்டுவந்திருப்பதாக சொல்லி அந்த சிறியபெட்டியினை திறந்தான் தியோடஸ் என்பவன்

அதை பார்த்ததும் அலறினான் சீசர், எந்த களத்திலும் கலங்காத அவன், எத்தனையோ யுத்தங்களின் லட்சகணக்கான பிணங்களை மிக எளிதாக தாண்டி சென்ற சீசர் அந்த பெட்டி திறக்கபட்டதும் கலங்கி அழுதான்

ஆம் அதில் பாம்பேயின் தலை இருந்தது

ஆத்திரத்தில் பொங்கிய சீசர் கத்தினான், அவனின் மறுபக்கத்தை அன்றுதான் வரலாறு உணர்ந்தது

இவனை கொல்லவா தேடினேன், கொல்ல வேண்டும் என்றால் எனக்கு களத்திலே கொல்ல தெரியாதா?

அவன் வீரன், மாவீரன். அவனை தோற்கடித்து ரோமில் கட்டிவைத்து நானே மாவீரன் என காட்ட தேடினேனே தவிர, அவனை கண்டிக்க தேடினேனே தவிர கொல்ல தேடுவேனா?

என்னோடு களம் கண்டு, ஏராளமான போர் நடத்தி ரோமிற்காய் உழைத்த எங்கள் டைபர் நதி வீரனையா கேவலம் எங்களுக்கு அடங்கி நடக்கும் எகிப்து கொன்று போட்டது?

பாம்பேயின் தலைக்கு உங்களை மதிக்கும் ஈனன் என்றா எங்களை நினைத்தீர்கள்?

பாம்பே கிடைத்தால் என்னிடம் ஒப்படைத்திருக்க வேண்டும், மாறாக ரோமை குடிமகனை எங்கள் தலைமகனை கொல்ல உங்களுக்கு என்ன அதிகாரம் இருக்கின்றது”?

என சீறியபடியே தியோடஸின் தலையினை கொய்தான்

கொய்தவன் சும்மா இருக்கவில்லை, எகிப்தையும் அதன் அரசையும் தரைமட்டமாக்க உத்தரவிட்டான்

எகிப்து கலங்கியது, சீசர் பாம்பே மேல் இவ்வளவு அன்பானவன் என தெரியா எகிப்தின் ராஜகுரு கலங்கினார், ஆனால் தப்ப வழியில்லை

பாம்பேயின் உடலை தகணம் செய்த அந்த நம்பிக்கைகுரிய பணியாள் பிலிப் சீசரிடம் உண்மையினை சொன்னான்

பாம்பேயினை கொன்ற கொடியவர்களை கொடூரமாக கொன்றொழித்தான் சீசர், ரோமை எதிர்ப்பவர்களின் கதி இதுதான் என சொல்லி சொல்லி பகைமுடித்தான்

அதற்கு பின்பே பாம்பேயின் தலையினையும் தகனம் செய்து எஞ்சிய எலும்பினையும் மிக மரியாதையாக நாட்டுக்கு அனுப்பிவைத்தான்

எகிப்து மேல் தீராத கோபம் அவனுக்கு இருந்தது, அதை முழுக்க அழிக்கும் முடிவில் இருந்தான், எனினும் ராஜதந்திரத்தில் ஊறியவன் அல்லவா?

எகிப்தால் ரோமாபுரிக்கு என்ன லாபம் என திட்டமிட்டான்? வற்றா நைல் நதியும் அதனால் விளையும் தானியமெல்லாம் தங்கமாக மாறும் எகிப்தால் பெரும் லாபம் விளையும் என கணக்கிட்டான்

பிரிட்டனில் இருந்து தொடங்கும் ரோமை சாம்ராஜ்யம் எகிப்து வரை நீள்வதாக அறிவித்தான்

டாலமி மன்னனை தன் அடிமையாக்குவதா இல்லை பாம்பேயுடன் மேலே அனுப்புவதா என சீசர் சிந்தித்துகொண்டிந்த வேளை அவன் முன் ஒரு பேழையினை கொண்டுவந்தார்கள்

பேழையில் இருப்பது மன்னருக்கு காணிக்கை என்றான் பணியாள்

பேழையினை திறந்தான் சீசர், உள்ளே இருந்தது அவனின் விதி என அவனுக்கு அப்பொழுது தெரியாது

பேழையிலிருந்து ஒரு பேதை வந்தாள், அதிர்ந்து நின்றான் சீசர்

சீசர் ஒன்றும் சுத்தமான பிரம்மச்சாரி அல்ல, ரோமில் இருந்தது முதல் ஸ்பெயின் கவர்னாக இருந்தகாலம் வரை அவன் ஆடிய ஆட்டம் அதிகம்

களத்தில் ஆடிய அளவு அவன் கட்டிலிலும் ஆடியிருகின்றான்

அதுவும் ஸ்பெயினில் அவன் தன் காதலிகளுக்காக செலவிட்டது 20 லட்சம் பவுண் என்கின்றது வரலாறு

ஆம், எத்தனையோ பெண்களை , பேரழகிகளை சந்தித்து பழகி ஆடி தீர்த்துவிட்டு கடந்து சென்ற சீசர் அங்கு அதிர்ந்து நின்றான்

பேழையிலிருந்து மெல்ல வெளிவந்தாள் கிளியோபாட்ரா

கிரேக்க வம்சத்து அழகி அவள், ரத்த கலப்பில்லாமல் அலெக்ஸாண்டரின் தோழன் டாலமி காத்து வந்த 13ம் தலைமுறை வாரிசு அவள்

பன்மொழி அவளுக்கு தெரியும் , ராணுவம் தெரியும் , அழகு கலை குறிப்பு முதல் ராஜநீதிவரை அவளுக்கு அத்துபடி

தென்னிந்திய சந்தணமும் தூத்துகுடி முத்தும் அவளை எந்நாளும் அலங்கரித்தன என்க்கின்றது வரலாறு

மெல்லிய எகிப்து உடையில் சீராக தலைவாரி, தகுந்த ஒப்பனையுடன் சீரான நகைகளுடன் ஒளிவீசும் முகத்துடன் அவள் சீசரை நோக்கி சென்றாள்

அசந்து போய் நின்றான் சீசர், அவளின் முகத்தை அவனால் கடக்க முடியவில்லை

மெல்ல சென்ற கிளியோ, அவனை வணங்கி நின்றாள், மெல்ல சொன்னாள் “இதோ சீசரின் அடிமை”

அவள் அப்படி சொல்வதற்கு முன்பே அவளுக்கு அடிமையானான் சீசர்

ஒருவரை பார்த்து அவன் விழிகளை வைத்தே அவனை எடைபோடுவதில் கில்லாடி கிளியோ, சீசர் தன்னிடம் வீழ்வதை அறிந்த மறுநொடி அவளாக ஆசனத்தில் அமர்ந்தாள்

சீசருக்கு தயக்கம் ஏதுமில்லை

கண்கள் சந்தித்தன, இதயம் இணைந்தது. சீசரின் இதயத்தில் உதித்தது உண்மையான காதலும் மயக்கமும்

ஆனால் கிளியோவின் மனதில் இருந்தது மாபெரும் வஞ்சக திட்டம்

முதலில் அவள் திட்டம் என்னவென்றால் சீசரை வளைத்து போட்டு அவன் உதவிகொண்டு டாலமியினை அடித்துவிரட்டி எகிப்தினை ஆள்வது

அடுத்து இதோ கிழட்டு சிங்கமான சீசர் சொல்லிகொண்டிருப்பதை தலை கீழாக செய்வது

அதாவது பிரிட்டனில் இருந்து எகிப்துவரை ரோமை பேரரசு என சீசர் சொல்வதை , எகிப்து பேரரசு நைல் நதிகரையில் தொடங்கி ரோமின் டைபர் நதிகரை கடந்து பிரிட்டனின் தேம்ஸ் வரை பரவிற்று என சொல்வது

ஆம் ரோமை பேரரசின் மாபெரும் சக்தி சீசர், இப்பொழுது ஒரே சக்தி அவனே

அவனை அடைந்து ஆக்கிரமித்துவிட்டால் மொத்த ரோமுக்கும் நாமே ராணி

இப்படித்தான் திட்டமிட்டாள் கிளியொபாட்ரா, அரசியல் என்பது இப்படியான தந்திரங்களிலும் தனக்கு எது லாபமோ அதை கொடுக்கவேண்டியதை கொடுத்து பெறுவதிலுமே இருக்கின்றது

சுத்தமான கிரேக்க ராஜதந்திர ரத்தம் ஓடிய கிளியொபாட்ரா, 20 வயதே நிரம்பிய பாட்ரா சீசர் தன்னிடம் கட்டுபட்டு கிடக்க சகல வித்தைகளையும் காட்டினாள்

கிடைக்க வேண்டியது ஆட்சி, அதற்கு எல்லாவித ஆயுதங்களையும் பயன்படுத்தலாம் உடலும் காதலும் கூட அரசியல் களத்தில் ஆயுதமே என்பதே அவளின் நம்பிக்கையாக இருந்தது

எத்தனையோ அழகிகளை கடந்துவந்த சீசருக்கு அவளை கடக்க முடியவில்லை

விளைவு கட்டளைகளை அவள் பிறப்பித்தாள், சீசர் செயல்படுத்தினான்

முதல் கட்டளை டாலமியினை அடித்துவிரட்டிவிட்டு கிளியோவிற்கு முடி சூடுவது, அதை செவ்வனே செய்தான் சீசர்

முதல் கட்டளை டாலமியினை அடித்துவிரட்டிவிட்டு கிளியோவிற்கு முடி சூடுவது, அதை செவ்வனே செய்தான் சீசர்

காதல் விளையாட்டில் ஒரு மகவும் பிறந்தது , அக்குழந்தையினை தூக்கொண்டு அலெக்ஸாண்டிரிய நகரில் இருந்த அலெக்ஸாண்டர் சிலைக்குமுன் சீசரோடு வந்தாள் கிளியொபாட்ரா

அலெக்ஸாண்டர் 33 வயதில் உலகை வென்றார், நான் 53 வயதாகி பாதிதான் வென்றேன் என அலுத்துகொண்டான் சீசர்

மனதில் ஆயிரம் திட்டபடி வஞ்சக வார்த்தைகளை தேன் தடவி சொன்னாள் பாட்ரா

“சிங்கமே நீங்கள் அலெக்ஸாண்டராக ஆகமுடியாது, ஆனால் அலெக்ஸாண்டருக்கு ராஜ்யம் அமைத்து கொடுத்த மன்னனாக ஆகமுடியும் அல்லவா?

பெரும் பேரரசை அமைத்து நம் மகனை அரசனாக்குங்கள், அலெக்ஸாண்டர் பெறாத வெற்றிகளை அவன் பெறட்டும்”

தன் மனதின் திட்டத்தை அட்டகாசமாக வாய்பினை பயன்படுத்தி சொன்னாள் கிளியோ, அதில் வீழ்ந்தான் சீசர்

மகனே மாபெரும் ராஜ்யத்தை உனக்கு தருகிறேன் என சொல்லிவிட்டு ரோமிற்கு விரைந்தான்,

ஆம் அவன் அப்படித்தான் எந்த கன்னியும் அவனை அடக்கிவிட முடியாது ரோமை அவன் அவ்வளவு நேசித்தான்

இப்பொழுது மகனையும் நேசித்தான், மாவீரன் ஒருவன் தேசபணி மறந்து ரத்தபாசத்தில் விழுந்த நேரமிது

சீசர் எகிப்தில் கிளியொபாட்ராவின் வலையில் சிக்கிவிட்டானெ ரோமைக்கு ஆளுகைக்குட்பட்ட பகுதிகளில் விடுதலை குரல் கேட்டது, அதை அடக்கி கொண்டிருந்தான் சீசர்,

அவன் மனதில் ரோம் மட்டுமே அப்பொழுது இருந்தது

ஆனால் சாகச பெண்ணும் சனியும் ஒன்றல்லவா? பிடித்தால் விடுமா?

காலம் பார்த்து ரோமின் அரசியாக திட்டமிட்டாள் கிளியோ

பாம்பேயின் விதி எகிப்தில் முடிய சீசரின் விதி எகிப்தின் அரண்மனையில் சிரிக்க தொடங்கியது

சீசரோ ரோமில் தன் கனவுகளை நிறைவேற்ற தொடங்கி இருந்தான், அவனுக்கு வலதுகரமாக நின்றான் ஆண்டனி

ஆம் மார்க் ஆண்டனி

(தொடரும்..)

ரோமாபுரி ராட்சசன் : 03

கால் எனப்படும் பகுதி இன்றைய பிரான்ஸும் அதை சார்த்த எல்லை பகுதியாக இருந்தது, அட்டகாசமாக ஆடினான் மகா அற்புதமான போர் அது

எந்த ரோமபடையும் வெல்ல முடியாத அந்த கவுல் பகுதியினை மிக அழகாக கைபற்றிகாட்டினான் ஜூலியஸ் சீசர்

அவன் வெறும் தளபதி மட்டுமல்ல கட்டடம், கலை, இலக்கியம் இன்னும் பலவற்றில் ரோம் வீரர்களை பயிற்றுவித்திருந்தான், இதனால் ஜூலியஸின் படை காட்டுபடை அடியாளாக இல்லாமல் சிந்தித்து செயல்படும் அற்புத படையாக இருந்தது

ஏன் கவுல் பகுதியினை ஜூலியஸ் சீசரால் வெல்லமுடிந்தது என்றும் வென்றபின்னும் தக்கவைக்க முடிந்தது என்றும் பார்த்தால் ஆற்றுக்கு மேல் பாலம் கட்டி படையகளை வேகமாக நகர்த்தினான்

அலெக்ஸாண்டர் செய்யாத நுட்பம் இது, பல ஆறுகளை கடந்த ஏன் சிந்துநதியினையே கடந்த அலெக்ஸாண்டர் ஆற்று நீரோட்டம் குறைவதை கவனித்து சட்டென கடப்பான், அந்நாளைய வழக்கம் அது

ஜூலியஸ் சீசர் கட்டகலை வல்லுனராக இருந்ததால் அட்டகாசமாக பாலம் கட்டி படை நடத்தி கவுல் பகுதியினை தன் கைகளில் எடுத்திருந்தான்

கவுல் என்றல்ல, சென்ற இடமெல்லாம் வெற்றிபெற்றான் செல்வத்தை ரோம் கஜானாவில் சேர்த்திருந்தான், ரோமில் அவன் இருப்பது மிக குறைவான காலங்களே

ஒன்று அடுத்த போருக்கான ஆயத்தம் அல்லது ஏதேனும் விழா இதை தவிர பெரும்பாலும் ரோமில் அவனை காண்பது அரிது

யுத்தம் யுத்தம் வெற்றி, அந்த வெற்றியில் கொள்ளை கொள்ளையினை ரோமுக்கு அனுப்புவது அதில் ரோம் செழிப்பது என அவனின் முழு கவனமும் அதிலே இருந்தது

இந்த வருமானத்தில் ரோமாபுரி செழித்து வளர்ந்தது, பொதுவாக அடிப்படை தேவைகள் நிறைவேறி செல்வம் கொழிக்கும் நாடுகளில் கலை வளரும்

முன்பு தஞ்சையில் கலைகள் அப்படித்தான் வளர்ந்தன, பெரியகோவில் எல்லாம் கட்டபட்டது

ஜூலியஸ் சீசர் ஐரோப்பாவினை அடித்து போட்டு பறித்து வந்ததில் ரோமாபுரி செல்வசெழிப்பான நாடானது, அதனால் நிரம்ப சிந்தித்தார்கள் “நாகரீங்களின் தாய் ரோம்” என்ற அளவுக்கு அது உயர்ந்தது

சீசர் வெற்றிமேல் வெற்றி பெற்றான், இங்கிலாந்து வரை ஊடுருவினான், அவனின் கப்பல்படை அப்படி இருந்தது

இந்த கவுல் யுத்தம் நடைபெற்றபொழுது எப்படியாவது ரோமாபுரியினை கைபற்ற திட்டமிட்ட பாம்பே நயவஞ்சக திட்டம் தீட்டினான்

கவுல் யுத்தத்தில் சீசரை விட்டுவிட்டு நிர்வாக காரணங்களுக்காக ரோம் வந்திருந்தான்

மிக முக்கிய காரணம் சல்லா அப்பொழுது இல்லை, மிக தந்திரமாக அவனை தான் ரோமில் இல்லாதபொழுது தன் ஆட்களாலே கொன்றுவிட்டான் பாம்பே

சல்லா கொல்லபட்டு ரோம் திகைத்த நேரம் போர்களத்தில் இருந்து திரும்பி ஆட்சியினை கையில் எடுத்தான்

சீசரோடு எல்லா யுத்தங்களையும் நடத்தியவன் ஸ்பெயின் வரை ரோமுக்கு வெற்றி தேடிதந்தவன் , மாவீரன் சீசரின் மருமகன் என்ற நம்பிக்கையில் மக்களும் அவனை ஏற்றனர்

ஆனால் சீசரை டம்மியாக்கிவிட்டு தான் ஒருவனே மாபெரும் அரசனாக முடிசூட்டிகொள்ள தந்திரமான திட்டமிட்டான் பாம்பே, கிடைத்த வாய்ப்பினை விட அவன் தயாராக இல்லை

செனட் சபையில் தனக்கு வேண்டியவர்களை அமர்த்தினான், எல்லா இடங்களிலும் தனக்கு வேண்டியவர்களை பதவி கொடுத்து அமர வைத்தான்

உச்சமாக சீசருக்கு எதிராளியான ஒருவனை ராணுவதளபதி பட்டம் கொடுத்து பக்கத்தில் வைத்திருந்தான்

கவுல் யுத்ததில் வெற்றிபெறும் வரை சீசருக்கு இது தெரியாது, வழக்கம் போல் வெற்றி செய்தியுடன் அவன் ரோமுக்கு திரும்பும்பொழுது செய்தி எட்டிற்று

ரோம் நகரை நெருங்கும் பொழுது அவனுக்கு செய்தி சொல்லபட்டது , இப்பொழுது மன்னர் பாம்பே அது வல்ல விஷயம் மாறாக உங்களை படையினை கலைத்துவிட்டு வெறும் மனிதனாக ரோமுக்குள் வரசொல்லி உத்தரவு

உத்தரவிட்டவன் சீசரின் எதிரி, அவன் தளபதியாக உத்தரவிட்டான்

எதற்காக என கேட்டான் சீசர் “நீர் ரோமுக்கு எதிராக சதிசெய்கின்றீராம், நாட்டுக்கு ஆபத்தானவராம் உம்மிடம் ராணுவம் இருப்பது சரியில்லையாம் அதனால் பதவி பறிக்கபடுகின்றது” என பதில் வந்தது

ஆயிரம் எரிமலைகள் சீசருக்குள் வெடித்தன, நாடி நரம்பெல்லாம் மானம் கொப்பளித்தது

ரோமை தவிர எதையும் சிந்தித்தவன் கூட இல்லை சீசர், அதனால் ஆத்திரத்தின் உச்சிக்கு சென்றான்

உற்றவன் உடனிருப்பவன் துரோகம் செய்துவிட்டால் சாதாரண மனிதன் வீழ்ந்து எழும்ப நெடுநாள் ஆகும் ஆனால் மாவீர்களுக்கு அப்படி அல்ல, நொடியில் சுதாரிப்பார்கள்

நொடியில் சுதாரித்தான் சீசர், கூடாது விடவே கூடாது தன்னையே வெற்று மனிதனாக்கும் பாம்பே இந்த மாபெரும் ரோமை ராஜ்யத்தை அதுவும் தன் மாபெரும் வீரத்தால் உருவான ரோமை என்னவெல்லாம் செய்வான்?

சீசர் மேல் அனுதாபம் கொண்ட வீரர்கள் சீசர் பின்னால் நின்றனர், பாம்பே மேல் விருப்பம் கொண்டோர் அவன் பக்கம் நின்றனர்

விளைவு மாபெரும் ரோமை ராஜ்யத்தின் படைகள் தங்களுக்குள் அடித்தன‌

பாம்பே இதை எதிர்பார்க்கவில்லை, எந்த தகப்பனும் தன் மகள் ராணியாவதை விரும்புவான் அது எந்த இரும்பு நெஞ்சுக்குள்ளும் உண்டு அப்படி சீசர் தன் மகளுக்காக தன்னை மன்னனாக ஏற்றுகொண்டு அடிமையாக இருப்பான் என்ற அவனின் கணக்கு பொய்த்தது

ரோமுக்கு ஆபத்து , தனக்கு மானபிரச்சினை என வந்த பின் மகளாவது மருமகனாவது என மார்தட்டி நின்ற சீசரை கொஞ்சமும் எதிர்பார்க்கவில்லை பாம்பே

60 நாள் சண்டையில் தன் படையினர் ஒருவரை கூட இழக்காமல் மாபெரும் வெற்றிபெற்று ரோமுக்குள் நுழந்தான் சீசர்

சீசரின் வீரத்தை நேரில் கண்டவன் என்பதாலும் தன் படைகள் தோற்றன என்பதாலும் அஞ்சிய பாம்பே புறவாசல் வழியே தப்பினான்

தலைதெறிக்க ஓடிய பாம்பே கிரீஸில் அடைக்கலமானான்

எந்த கீரீஸை சீசரோடு சேர்ந்து வென்று மாவீரனாய் கம்பீரமாய் வலம் வந்தானோ, அந்த கிரீஸில் உயிர்பிழைக்க தஞ்சமடைந்தான்

பாம்பை அடிக்காமல் விட கூடாது, பகையினை சுத்தமாக முடிக்காமல் விட கூடாது என்ற ராஜநீதி கொண்டவன் சீசர், விடாமல் அவனை துரத்தினான்

கிரீஸில் மாமனுக்கும் மருமகனுக்கும் நேரடி யுத்தம் மூண்டது, இரு பலசாலிகள் மோதிய அந்த யுத்தம் கொடூரமாய் இருந்தது

பாம்பே சீசரை கொல்வானா? சீசர் பாம்பேயினை முடிப்பானா என்ற மிக வருத்தமான எதிர்பார்ப்புடன் யுத்தம் நடந்தது

அவர்களை தடுக்கவும் யாருமிலர், யார் சொல்லியும் கேட்கும் நிலையில் அவர்களுமில்லை

ஆனால் யுத்த முடிவில் தான் மாவீரன் என நிரூபித்தான் சீசர், தோற்ற பாம்பே தனி மனிதனாய் எகிப்துக்கு தப்பி ஓடினான்

ஆம் மாவீரனாய் எந்த கடலில் பவனி வந்தானோ அதே கடலில் அனாதையாய் ஓடினான், மாமன்னனாக கொண்டாடபட்டவன் மரக்கலத்தில் தனியாக எகிப்துக்கு சென்றான்

ஏன் எகிப்த்துக்கு சென்றான், விஷயம் இருக்கின்றது அங்கு அவனுக்கு அடைக்கலம் கொடுக்க சில காரணங்கள் இருந்தன‌

எகிப்தின் நிலை எப்படி இருந்ததென்றால் வித்தியாசமாக இருந்தது

ஆம் அலெக்ஸ்டாண்டர் ஏற்படுத்திய கிரேக்க ஆட்சி அங்கு நடந்துகொண்டிருந்தது, டாலமியின் வாரிசுகள் ஆண்டுகொண்டிருந்தன, கடைசி டாலமி ஒரு உயில் எழுதி வைத்திருந்தான்

அந்த உயிலின் நகலை அன்று அசைக்கமுடியா பேரரசான ரோமின் மாவீரனான பாம்பேயிடம் கொடுத்தும் வைத்திருந்தான்

ஏன்?

உயில்படி எகிப்தில் நடக்கவில்லை என்றால் பாம்பே அதை நடத்திவைக்க வேண்டும்

உயிலில் என்ன எழுதியிருந்தான் டாலமி மன்னன்?

அவனுக்கு கிளியோபாட்ரா என்ற மூத்த மகளும் அவளுகொரு தங்கையும் அடுத்து இரு தம்பிகளும் இருந்தனர்

தன் காலத்துக்கு பின்பு மூத்தவள் கிளியோபாட்ரா மூத்த தம்பியினை மணந்து அரியணை ஏறவேண்டும் என உயில் எழுதியிருந்தான் டாலமி

அக்கா தம்பியினை மணப்பது அக்கால ரோமை ராஜ்யத்தில் வழக்கமான ஒன்று, ரத்தகலப்பு இல்லாமல் தூய ராஜரத்தம் பரம்பரை பரம்பரையாக வருமாம், இருவரும் சண்டையிட மாட்டார்களாம் இப்படி ஏக வசதிக்காக அப்படி ஒரு ஏற்பாடு இருந்தது

கிளியோபாட்ராவுக்கு அப்பொழுது வயது 18 அவள் தம்பிக்கு 11

வயது குறைவான தம்பியினை கட்டி கொண்டு அவன் சொற்படி ஆட்சி நடத்த கிளியோபாட்ரா தயாராக இல்லை, தான் தனித்து ஆள தயாரானாள்

ஆனால் இம்சை அரசன் நாசர் போல் அங்கிருந்த மந்திரி ஒருவன் அந்த 11 வயது டாலமியினை வைத்து அரசாள திட்டமிட்டான் அவனுக்கு நிலபிரபுக்கள் மதகுருக்கள் ஆசியும் இருந்தது

கிளியோபாட்ரா அரியணை ஏற அவர்கள் சம்மதிக்கவில்லை

விளைவு அங்கும் சண்டை தொடங்கியது, பெண்ணாயினும் பெரும்படை திரட்டி போரிட்டாள் கிளியோபாட்ரா ஆனால் எகிப்தின் தளபதியான அக்கிலாஸ் மற்றும் சியோஸ் முன் அவளால் தாக்குபிடிக்க முடியவில்லை, சிரியாவுக்கு படையோடு தப்பினாள்

அவளை விரட்டிவிட்டு 11 வயது டாலமிக்கு முடிசூட்டினர் எகிப்தியர், சிரியாவில் இருந்து எந்நேரமும் கிளியோ படை எடுத்துவரும் ஆபத்தும் இருந்தது

இந்நிலையில்தான் கிரீஸில் இருந்து தப்பி சைப்ரஸ் வழியாக எகிப்துக்கு வந்து அலெக்ஸ்சாண்டிரியா நகரில் இறங்க வந்தான் பாம்பே

விஷயம் எகிப்தின் தலமைக்கு சென்றது, அவர்கள் உடனே சென்று பாம்பேயினை வரவேற்கவில்லை மாறாக அவனை கப்பலிலே இருக்க சொல்லிவிட்டு இங்கே கூட்டம் போட்டார்கள்

ஆம் அவர்களுக்கு சிக்கலான நேரமது, பாம்பேயினை வரவேற்றால் சீசர் தொலைத்துவிடுவான்

பாம்பேயினை விட்டுவிட்டால் கிளியோவுடன் சேர்ந்து கொள்வான் அதன் பின் முடிந்தது விஷயம்

பாம்பே உள்ளே வந்தாலும் ஆபத்து, அவனை விரட்டிவிட்டாலும் ஆபத்து

மகா சிக்கலான நிலையில் அவர்கள் சிந்தித்தபொழுது இம்சை அரசன் புலிகேசி போல் இருந்த எகிப்தின் ராஜகுரு சியோஸ் பாகுபலி நாசர் போல் தன் கொடூர திட்டத்தை சொன்னான்

ஆளாளுக்கு அவன் காலில் விழுந்து வணங்கினார்கள், நீரே ராஜகுரு என சரண்டைந்தார்கள்

என்ன சொன்னார் ராஜகுரு?

“பாம்பேக்கு அடைக்கலம் கொடுத்தால் சீசர் விடமாட்டான், விட்டால் கிளியோ பாம்பேயுடன் சேர்ந்து இங்கு படையெடுப்பாள்

பேசாமல் சீசர் கொல்ல தேடிய பாம்பேயினை நாம் கொன்றுவிட்டால் சீசர் மகிழ்வான், நம் நண்பனாவான் அவனின் உதவியுடன் கிளியோவினை தொலைத்தேவிடலாம்

சீசரை வெல்ல உலகில் எவர் உண்டு?”

இந்த சதிதிட்டம் எல்லோராலும் ஒப்புகொள்ளபட்டு கப்பலில் இருந்த பாம்பே எனும் மாவீரனுக்கு தரையிரங்க தகவல் அனுப்பபட்டது

சீசருக்கு அவன் இழைத்த துரோகம் எகிப்தில் விதியாய் நின்றது

ஆசையாய் இறங்கினான் பாம்பே, அந்த கூட்டத்தில் பாம்பேயின் வீரன் ஒருவன் இருந்ததால் நம்பிக்கையுடன் அவர்களை நெருங்கினான்

(தொடரும்..)

ரோமாபுரி ராட்சசன் : 02

ரோமாபுரி ராட்சசன் 02

cea 2

அடி என்றால் அப்படி ஒரு அடி, முதன் முதலில் ரோமார் எவ்வளவு கடுமையானவர் என்பதை உலகிற்கு சொன்ன முதல் அடி

மாபெரும் ரோமபேரரசினை அமைக்க ஜூலியஸ் சீசராலும் பாம்பேயாலும் முடியும் என்பதை அந்த யுத்தமே சொல்லிற்று

ஸ்பெயின் பிரான்ஸ் என்ற இரு தேசங்களை இணைத்து அவர்களின் ஒரு பகுதியாக விளங்கிய டூனிசியாவின் நகரமான கார்தேஜியன்ஸ்ஸில் உட்புகுந்து வேட்டை ஆடின ரோமை சிங்கங்கள்

ஆம் அன்றைய ஸ்பெயின் ஆப்ரிக்காவின் வடக்கு கரைகளை ஆக்கிரமித்திருந்தது, கப்பற்படை அவர்களிடம் அன்றே இருந்தது

பதிலுக்கு சீசரும் பாம்பேயும் வலுவான கப்பற்படை அமைத்தே களம் கண்டனர்

கார்தோஜ் என்பது இன்றைய டூனிசியாவின் ஒரு பகுதி, பலமுறை நடந்த்த யுத்தத்தின் இறுதி யுத்தமே நாம் காணும் புத்தம்

அந்த ஆக்ரோஷ தாக்குதலை எதிர்கொள்ளமுடியா கார்தேஜியன்ஸ் கோட்டைக்குள் முடங்கினர், அவ்வளவுதான் கோட்டையினை சுற்றி முற்றுகையிட்டு காவல்காத்தது சீசரின் படை

ஒருகட்டத்தின் மேல் பசி இன்னபிற தேவைகள் தாங்கமுடியா படை கோட்டை கதவை திறந்தது, அதுவே பிரசித்தி பெற்ற கியூபிக் போர்

ரோமாபுரியின் படைகள் அடித்த அடியில் கார்தேஜியன்ஸ் அழிந்தனர், மிகபெரும் செல்வத்துடன் ரோம் திரும்பி கான்சல் எனப்படும் ஆளும் குழுவிடம் அதை ஒப்படைத்தான் சீசர்

இதன் மூலம் கான்சல் தெரிந்தது இரண்டு, முதலாவது சீசர் மற்றும் பாம்பே சாதாரண கூட்டணி அல்ல, எந்த போரிலும் வெல்வார்கள்

இரண்டாவது போரின் மூலம் செல்வம் குவிவதால் அதிக போர்கள் தேவை, போர் ஒன்றே நாட்டின் பெரும் தொழில்

கொடூரமானவர்கள், இரக்கமில்லாதவர்கள் என ரோமர் பெயர் பெற தொடங்கியது இங்குதான்

செல்வம் கொழிக்க தொடங்கியது, முன்பே நாம் பார்த்தபடி நிலம் வைத்திருந்த அதிகாரம் வைத்திருந்த ஆளும் வர்க்கம் செழிக்க தொடங்கியது, வெளிநாட்டு யுத்தங்களில் ரத்தம் சிந்திகொண்டிருந்த வீரர்கள் யோசிக்க தொடங்கினர்

அவர்கள் யோசிக்க சொல்லவில்லை, சொல்லி கொடுத்தவன் பாம்பே

பாம்பே மாவீரன் மட்டுமல்ல, மாபெரும் தந்திரக்காரன். இந்நாட்டிற்கு வெற்றிகளை குவிப்பது ராணுவம் அதன் பிரதான தளபதி நான், நான் ஆண்டால் என்ன என்பது அவனின் சித்தாந்தம்

ஆனால் குடியாட்சியினை முடியாட்சியாக்குவது அவனுக்கு சுலபம் அல்ல, என்ன செய்யலாம்? என திட்டமிட்டான்

அன்றிலிருந்து அரசியல் அதுதான் , இந்திராகாந்தி காலம் வரை அதுதான்

எது ?

எதையாவது சொல்லி யாரையாவது தூண்டிவிட்டு, நாட்டுக்கு ஆபத்து என வலுகட்டாயமக பதவியில் அமர்வது, இது ஒரு ராஜநீதி

இதை அன்றே செயல்படுத்தினான் பாம்பே, ஆம் வீரர்கள் புரட்சியில் இறங்கினர், எங்களுக்கு பெரிய சம்பளம் வேண்டும், சொந்தமாக நிலம் வேண்டும் என கோரிக்கை வைத்தனர்

விடுமா ஆளும் வர்க்கம்? இவர்கள் கோரிக்கையினை நிறைவேற்றினால் யார் யுத்தமிடுவார்கள்? தேசம் என்னாகும்? நம் சுகவாழ்வு என்னாகும் என கணக்கிட்டார்கள்

ஆனால் பாம்பேயின் தந்திரமான ஆட்டத்தில் வீரர்கள் ஸ்ட்ரைக் செய்ய, கான்சலின் சீர்திருத்தை லார்டு பிரபுக்கள் சமூகம் ஏற்க மறுக்க நாடு ஸ்தம்பித்தது

எனினும் ஒரு நல்ல கான்சலான டைபீரியன் கயாஸ் என்பவன் நிலசீர்திருத்தத்தை செய்தான், பிரபுக்கள் நிலங்களை வீரர்களுக்கு பகிர்ந்தளிக்க தீர்மானித்தான்

முதல் நிலசீர்திருத்தம் இதுதான் கி.மு 100 வாக்கில் அதை செய்தான் கயாஸ்

ஆனால் நிலம் என்பது சொந்தங்களையும் பகையாளியாக்கும், சாதாரண மனிதனையும் பேராசைக்காரனாக்கும் மாபெரும் விஷம் அல்லவா? எவ்வளவு போர்களும் அழிவுகளும் பாரத காலத்திலிருந்து ஹிட்லர் காலம் வரை நடந்திருகின்றது?

அப்படிபட்ட நிலத்தை பிரபுக்கள் விடுவார்களா? டைபீரியன் கயஸையும் அவனை சேர்ந்தவர்களையும் கொன்றேவிட்டார்கள்

கான்சலின் நில சீர்திருத்தம் நிலத்திலே புதைக்கபட்டது

இப்பொழுது நாட்டில் சிக்கல் ஒருபக்கம் அடுத்த கான்சல் யார் என்பது, இன்னொரு பக்கம் வீரர்கள் ஸ்ட்ரைக்

யார் ஸ்ட்ரைக் செய்தாலும் நாடு தாங்கும் , ராணுவம் செய்தால் தாங்குமா? ரோமில் ராணுவம் ஸ்ட்ரைக் என்பதால் இத்தாலிய மலைவாழ் குடி, அடங்கிகிடந்த எதிரிகள் எல்லாம் போர்கொடி தூக்கியாயிற்று

சீசர் நடப்பதை கவனித்துகொண்டிருந்தான், பாம்பே கன கச்சிதமாக வாய்ப்புக்கு காத்து கொண்டிருந்தான்

இந்நிலையில் புதிய கான்சலாக அவர்களின் பெரும் மாவீரனான, சீசரின் முன்னோடியான மாரியஸ் கயஸ் கான்சலாக வந்தான், அதில் சல்லா என்பவனும் இடம் பிடித்தான், நிலமையினை ஓரளவு கட்டுக்குள் கொண்டுவந்தனர் இருவரும்

பாம்பேக்கு புது சிக்கல் முளைத்தது, தான் ஆளநினைத்த ரோமை புதுகான்சல்கள் ஆள்வது அவனின் ஆத்திரத்தை அதிகபடுத்தியது, ஆனால் காட்டிகொள்ளவில்லை வாய்ப்புக்காக காத்திருந்தான்

சல்லா பிரபுக்களின் பிரதிநிதி, மலைவாசிகளுக்கு சில உரிமைகள் கொடுத்து நிலமையினை சாதமாக்கி இருந்தான், கயஸுக்கும் சல்லாவுக்கும் பொருந்தாது

இதில் சிரித்தான் பாம்பே, இருவரையும் மோதவிட்டு அழிதுவிட்டால் நமக்கு சிக்கல் சீசர்தான், சீசரை கைக்குள் போட என்ன செய்யலாம்?

மிக நுட்பமாக திட்டமிட்ட பாம்பே ஜூலியஸ் சீசரின் மகளை மணந்துகொண்டான், இத்திருமணத்தின் மூலம் எந்நாளும் சீசர் தனக்கு அடிமை என கணக்கிட்டான்

தன் மகள் மகராணி ஆக எந்த தகப்பன் தடையாக இருப்பான் எனும் பெரும் கணக்கு அது, அதே நேரம் பாம்ப்யேயின் உயிருக்கும் உத்திரவாதம் உண்டு

பாம்பேயின் கணக்கு இப்படி இருக்க, அங்கே கயஸுக்கும் சல்லாவுக்கும் யுத்தம் தொடங்கியது

ஒரு கட்டத்தில் ஆப்ரிக்காவுக்கு விரட்டபட்டான் கயஸ், சல்லாவின் அணியிலே சீசரும் பாம்பேயும் இருந்தார்கள்

இந்நிலையில் நாட்டை விஸ்தரிகின்றேன் என சல்லா ஆசியா பக்கம் நகர ரோம் காலியாயிற்று

இதனை கணித்த கயஸ் பெரும் படையுடன் வந்து நானே அரசன் என ஜனநாயக கட்சியான சல்லாவின் கட்சியினை கலைத்துவிட்டு கிமு 81ல் அரசன் ஆனான்

கான்சல் பதவி காலாவதியாகி மறுபடி ரோம் முடியாட்சி ஆனது

விஷயம் எங்கோ சண்டையிட்ட சல்லாவிற்கு தெரிந்து படையோடு வந்தான், அவன் படையிலேதான் சீசரும் பாம்பேயும் இருந்தனர்

நிலசீர்திருத்தம் செய்தில் கயஸை விட சல்லா கெட்டிகாரன் என்பதாலும், இப்பொழுது கயஸ் தன்னை மன்னனாக அறிவித்ததாலும் சீசரும் பாம்பேயும் கடும் கோபத்தில் இருந்தனர்

கடும் யுத்தம் தொடங்கிற்று, சீசரின் படையள் கயஸை வென்றன, கயஸை கொன்றான் சல்லா

சல்லா கிமு 80களில் ஆட்சிக்கு வந்தான், அவன் அரசனாக முடி சூட்டவில்லை, சூட்டியிருந்தால் கயஸை போல் ஆகியிருப்போம் என்பதால் ஒருமாதிரியான சர்வாதிகார ஜனநாயக செய்துவந்தான் திமுகவில் கலைஞர் குடும்பம் போல‌

பாம்பே மேல் சல்லாவிற்கு பெரும் அபிமானம் இருந்தது, பாம்பே இளம்வயது , சீசரோ மூத்தவர். பாம்பே சல்லாவின் நம்பிக்கைகுரிய தளபதியானான்

ஆனால் பாம்பே பாம்பு போல விஷம் கக்க காலம் பார்த்திருந்தான், டைபீரியன் கயாஸை வீழ்த்தி இந்த கயாஸை வீழ்த்தியது போல் சல்லாவுக்கும் நாள் குறிக்க காத்திருந்தான்

இந்நிலையில்தான் புது சிக்கல் முளைத்தது கவுல் எனப்படும் இன்றைய மேற்கு இத்தாலி, பிரான்ஸ் பகுதிகளில் ஒரு கோஷ்டி யுத்தமுரசு கொட்டியது

மிக மிரட்டலாக உருவெடுத்தார்கள், அவர்களால் எந்நேரமும் ரோமுக்கு ஆபத்து இருந்தது

வேறு என்ன? யுத்தம் தொடங்கிற்று

நமது தமிழ்நாட்டு ராமசந்திரனுக்கு அவர் திரையுலகில் அடையாளமிடும்பொழுது வயது 42க்கு மேல் என்றார்கள், அவர் ஜாதாகம் அப்படி

ஜூலியஸ் சீசருக்கும் அப்படியே, 40 வயதை தாண்டி இருந்த சீசர் எவ்வளவு பெரும் மாவீரன் என்பதை கவுல் யுத்தமே தீர்மானித்தது

அவனின் ராணுவ வியூகமும், வேகமாக படை நகர்த்தும் தந்திரமும், நுட்ப மதியும் அந்த இடத்தில்தான் தெரிந்தது

நல்லவேளையாக இவர் மகளை மணமுடித்தோம் இல்லை என்றால் தன் கனவு என்னாவது என பாம்பேயே வாயடைத்து நின்றான்

தான் யாரென நிரூபிக்க காவுல் யுத்தகளம் நோக்கி புறப்பட்டான் சீஸர், சீசர் எனும் ராட்சசன் உருவாக தொடங்கினான்

(தொடரும்…)

ரோமாபுரி ராட்சசன் : 01

அது இந்தியாவில் புத்தர் நடமாடிய காலத்திற்கும் முந்தைய காலம், அவ்வளவு பழமையான காலம் அந்த இத்தாலியின் டைபர் நதி 7 அழகான குன்றுகளை சுற்றி ஓடிகொண்டிருந்தது, அதன் கரையில் டிரஸ்கானியர் என்ற இனம் வசித்துவந்தது, அக்கால ஆற்றங்கரைகள் ஆபத்தானவை , அதுவும் அதிமுக போல காவல் இல்லா ஆற்றங்கரைகள் யாராலும் கைபற்றபடும் ஆபத்து இருந்தது அந்த ஆற்றங்கரைக்கு ரொமுலஸ் ரீமஸ் என இரட்டையர்கள் இந்த பழனிச்செல்வம் பன்னீர்செல்வம் அல்லது மோடி அமித்ஷா போல இருவர் வந்தார்கள், சும்மா வரவில்லை படையோடு வந்தார்கள் வந்து டிரஸ்கானியரை விரட்டிவிட்டு இது எங்கள் நாடு என அமர்ந்தார்கள், ரொமுலஸ் எனும் பெயரால் அது ரோம் என்றானது கிமு 753ல் ரொமுலஸால் ரோம் நிர்மானிக்கபட்டது, அதன் முதல் அரசன் அவனே, 37 ஆண்டுகளில் அவன் இறந்தான், அவனை தொடர்ந்து பீலியஸ், ஹாண்டிலியஸ், மார்ஷியஸ், பிஸ்கஸ் , டல்லியஸ், என பலர் ரோமை ஆண்டனர் கடைசியாக டார்கீனியஸ் 541 வாக்கில் ஆண்டுகொண்டிருந்தான்.

ரோமருக்கென்று தனி நாகரீகமோ கடவுளோ இல்லை, கொள்கை இல்லா அதிமுக போல இருந்தனர் ஆனால் அவர்களை போல வலுவாக இருந்தனர் கிரேக்கம் அன்று தனித்திருந்தது, இதனால் கிரேக்க கடவுள்களை இரவல் வாங்கினர், லத்தீன் பேசிகொண்டும் கிரேக்கரை கவனித்து கொண்டிருந்த ரோமில் திடீர் சிக்கல் வந்தது அவர்கள் கிரேக்கத்திடம் இருந்து கடவுளை மட்டும் காப்பி அடிக்கவில்லை மாறாக தத்துவங்களையும் காப்பி அடித்தனர், ஒன்றுமே இல்லாதோர் என்ன செய்வார் பாவம் ஆம் சாக்ரடீசுக்கு முன்பே கிரேக்கம் சிந்தனையின் உச்சத்தில் இருந்தது, அந்த சிந்தனை ரோமை பாதித்தது ஒரு சுபநாளில் மிகவும் சிந்தித்த மக்கள் மன்னன் டார்கீனியனிடனிருந்து அதிகாரத்தை கைபற்றினர், மன்னர் ஆட்சியில் மேற்பார்வையில் மக்களாட்சி மலர்ந்தது ஆம் உலகின் முதல் மக்களாட்சி அங்குதான் தோன்றிற்று உண்மையில் அது ஒரு மேட்டுக்குடி வர்க்கத்தினரின் ஆட்சி. செனட் சபை எனப்படும் ரோம நாடாளுமன்றத்தில், செனட்டர்கள் எனப்படும் பிரதிநிதிகள் ஆயுட்கால உறுப்பினர்களாக இருந்தனர்.

அவர்கள் ஒன்று கூடி கொன்சுல் (Consul) எனப்படும் இரண்டு ஆட்சித் தலைவர்களை தெரிவு செய்தனர். இவர்கள் அரசனுக்கு பதிலீடாக இருந்தமை மட்டுமல்லாது, யுத்தப் பிரகடனம் செய்யும் உரிமையும் பெற்றிருந்தனர். ஆம் செனட் சபை என அமெரிக்கா இன்று அழைக்கும் காட்சிகளை எல்லாம் அன்றே அரங்கேற்றினார்கள் ரோமானியர் மக்களாட்சி என்றால் என்னாகும்? மக்கள் பிரதிநிதிகள் அவர்களின் உருக்கமான சேவைகள் அதில் ஊழல்கள் என ஒரு காட்சி வருமல்லவா? அது அங்கும் வந்தது ஆம், சாதி இல்லையே தவிர ஆண்ட வர்க்கம் , ஒடுக்கபட்ட வர்க்கம் என இரு பிரிவுகள் உண்டாயிற்று, உலகெல்லாம் இன்றும் இருக்கும் பிரிவுகள் இவைதான், இந்தியாவில்தான் சாதி என சொல்லி உட்பிரித்து அதை அரசியல் செய்கின்றோம்

ஆளும் வர்க்கம் “பட்ரீசியர்கள்”(Patricier) என அழைக்கப் பட்டனர். ஏழை உழைக்கும் வர்க்கத்தினர் “பிலேபியர்கள்” (Plebis) என அழைக்கப் பட்டனர். இவர்கள் இடையே பஞ்சாயத்து செய்ய ஒரு குழு அமைக்கபட்டது அதன் பெயர் கிலியேன்தலா(Clientela) இந்த ஆளும் ஆசாமிகளுக்கு ஏதும் சிக்கல் என்றால் இந்த கிலியேன்தலா என்பவர்களை கேட்பார்கள், இன்று என சொல்லபடும் வார்த்தையின் மூலம் அதுவே ஒரு கட்டத்தில் ஆளும் சாதிக்கும் அடிமை வர்க்கத்திற்கும் இடையே மோதல் முற்றி, கிலியேன் தலா எனும் மயிராவது என எச்.ராசா பாணியில் சொல்லிவிட்டு அடித்துகொள்ள ஆரம்பித்துவிட்டார்கள் இப்பொழுது நாம் திராவிடம், ஆரியம், அம்பேத்கரியம் என அடித்துகொள்கின்றோம் அல்லவா? அது போரானால் எப்படி இருக்கும்?

அப்படி அவர்கள் கிரேக்க சிந்தனையாளர் பெயரை சொல்லி போராடிகொண்டிருந்தார்கள் (இன்னும் சட்டம் ஒழுங்கு இருப்பதால் கலவரமில்லை, அப்படி ஒன்று இல்லை என்றால் நினைத்து பாருங்கள், விடுவார்களா?) நிலமை எல்லை மீறி போவதை கண்ட மன்னன் டார்கீசியஸ் இது சரிவராது என செனட்டை எல்லாம் கலைத்தான் , மக்களாட்சி எல்லாம் சரிவராது ஒழுங்காக இல்லாவிட்டால் தலை சீவபடும் என எச்சரித்தான் மக்களாட்சி ருசிபார்த்த கூட்டம் விடுமா? அதுவரை அடித்து கொண்ட ஆண்டவர்க்கமும் அடிமை வர்க்கமும் மன்னனை விரட்டி அடித்து ஆட்சியினை கைபற்றியது கான்சல் எனும் அமைப்பு முழு அதிகாரத்தையும் கைபற்றியது, இதெல்லாம் நடந்து முடிய கிமு 100 ஆகிவிட்டது அதாவது ரொமுலஸ் காலத்திற்கு பின் 600 ஆண்டுகள் கடந்திருந்தன, அப்பக்கம் அலெக்ஸாண்டர் ஆசியா முழுக்க மாபெரும் சாம்ராஜ்யம் எல்லாம் அமைத்த்திருந்தான் கிரேக்கர் எந்நேரமும் மேற்கு நோக்கி பாயும் ஆபத்து இருந்தது, ஆனால் அலெக்ஸாண்டருக்கு பின்னரான கிரேக்கம் அடங்கிவிட்டதால் ஆபத்தில்லை.

ரோமிற்கு முதல் ஆபத்து கார்தோஜினியர் வடிவில் வந்தது, பிரான்ஸையும் ஸ்பெயினையும் பிடித்த அவர்கள் இத்தாலியின் ரோமையும் பிடிக்க வந்தனர் ஏற்கனவே உள்நாட்டு யுத்தத்தால் கடும் யுத்த பயிற்சியும் மனன்னையும் அவன் வீரர்களையும் விரட்டியதால் கடும் கூடுதல் பயிற்சியும் பெற்றிருந்த ரோமும் யுத்ததிற்கு தயாரானது அவர்களின் இரு வீரர்கள் பிரசித்தி ஒருவன் பாம்பே இன்னொருவன் ஜூலியஸ் சீசர் இருவரும் பாகுபலி பல்வாள்தேவன் போல கடும் வில்லாதி வில்லன்கள் சீசர் என்பது ஜூலியஸின் குடும்ப பெயர், சீசர் என்றால் லத்தீனில் யானை என பொருள், ஜூலியஸின் தாத்தா யானையினை கொன்றதால் அப்பெயர் வந்ததாம், எல்லாம் நமது ஊர் கரிகால்சோழன் சாயல் அப்படிபட்ட வீரவம்சத்தின் ஜூலியஸ் சீசரும் , பாம்பேயும் கார்தோஜினியர்களை அடிக்க படையோடு சென்றனர் கடும் யுத்தம் இரு முறை கத்ஜோனியரை அடித்துவிரட்டிய து சீசர் மற்றும் பாம்பேயின் படைகள், மக்களுக்கு ஏக மகிழ்ச்சி ஆனால் கார்தோஜினியர் விடுவதாக இல்லை 15 ஆண்டு கழித்து மறுபடியும் வந்தனர், இனி விடுவதாக இல்லை இதுவரை தற்காத்தோம் இனி அவர்கள் பகுதிக்குள் புகுந்து அடிக்க முடிவு செய்தது கான்சல் தளதிகள் சீசருக்கும் பாம்பேவுக்கும் உத்தரவும் வந்தது உள்ளே புகுந்து கார்தோஜினியர் கோட்டையினை தகர்த்து அவர்களை அடியோடு வீழ்த்தி மாபெரும் செல்வத்தோடு திரும்பினச் சீசரும் பாம்பேயும் ஆம் முதன் முதலாக ரோமை படைகள் அந்நிய தேசத்தில் பெற்ற வெற்றி அதுதான், பெரும் செல்வம் கொடுத்த யுத்தமும் அதுதான் செல்வம் கொட்டபடும் நாட்டில் என்னாகும்? கஜானா நிறையும், மக்கள் மகிழ்வார்கள் அமைதி செழிக்கும் அப்படியே வீரர்கள் கொண்டாடபடுவார்கள்

உண்மையில் அன்று உயர்தர வீரர்கள் குழுவாக இயங்கினர் அதில் சீசர், பாம்பே, புரூட்டஸ், சீசரோ என பலர் இருந்தாலும் பாஷா பாயாக கொண்டாடபட்டான் சீசர் அன்றைய ரோம் கான்சால்கள் ஆட்சியில் இருந்தது, அவர்களின் படையில் ஒரு தளபதி சீசர் காலம் மாவீரன் உருவாக ஒரு வாய்ப்பினை உருவாக்கும் என்பது வரலாற்று நியதி, அக்காலம் ரோமிற்கும் வந்தது

(தொடரும்..)