அய்யன் கோவில்

நெல்லை மாவட்டம் வள்ளியூரில் ஒரு சுடலைமாடன் ஆலயம் உண்டு, அய்யன் கோவில் என அதற்கு பெயர்

ஆடிமாதம் அந்த கோவிலில் கொடை கொடுப்பார்கள், ஏராளமான ஆடுகள் பலியிடபடும்

சாமியாடி ரத்தம் குடிப்பது யாரென்றால் ஒரு பிராமண குடும்பம்.

சுடலை என்பவர் தென்பகுதி கேரளா தொடங்கி தாமிரபரணி வரை அரசாட்சி செய்யும் ஒரு தெய்வம். அதெல்லாம் அவரின் பேட்டை

அக்காலத்தில் வள்ளியூர் அக்ரஹார வீதி வீடு பிராமண குடும்பம் ஒன்றின் நடுவீட்டில் வந்து அமர்ந்தாராம் சுடலை, அவர்கள் “நாங்கல்லாம் சுத்த சைவம்,இங்கிருந்து போங்கோ?” என விரட்டியும் சுடலை அசையவில்லை

அவர்களும் பெரிய பெரிய தெய்வத்திடம் முறையிட்டிருக்கின்றார்கள், சுடலை அதன் போக்கில் நடுவீட்டிலே சம்மணம் போட்டு அமர்ந்து ” ஆடு கொண்டு வா..” என ஆர்டர் போட்டிருக்கின்றது

அந்த குடும்பத்துக்கு வேறு வழிதெரியாததால் ஒரு ஆலயம் அமைத்து கொடுத்துவிட்டார்கள்

அத்தோடு விட்டாரா சுடலை?

உன் குடும்பம்தான் ஆடவேண்டும் என உத்தரவும் போட்டுவிட்டார்

அதிலிருந்து அக்குடும்பமே வம்சம் வம்சமாக சாமியாடி வருகின்றது

பிராமணன் சுடலைமாடன் கோவிலுக்கு செல்லமாட்டான் என்பதெல்லாம் அபத்தம்

எனக்கு தெரிந்து இப்படி சில கோவில்களில் பூசாரியும் , சாமியாடியும் பிராமணரே

தெய்வங்களுக்குள் பேதமில்லை வழிபாட்டு முறையிலும் பேதமில்லை

அந்தந்த ஆலய விதிப்படி அவை அவை இயங்கிகொண்டிருக்கின்றன‌.

சிறு தெய்வங்கள் தங்களுக்கு யாரை பிடிக்க்குமோ அவர்களை சிக்கென பிடித்து அதுபோக்கில் அட்டகாசமாக வாழ்கின்றன‌

சும்மா இந்துத்வா.. பிராமணன்…. என எதற்கெடுத்தாலும் தும்முவது அரசியல் உள்நோக்கம் கொண்டதன்றி வேறல்ல..

பிராமணன் சிறிய ஆலயங்களுக்கு வரமாட்டான் என சொல்லி அரசியல் செய்வனை வெட்ட அரிவாளோடு அங்கு இருக்கின்றார் சுடலை

எவனும் பகுத்தறிவாளன், பிராமண எதிர்ப்பாளன் இருந்தால் அக்கோவில் கொடை அன்று சென்று பார்த்து வரவும்.

இப்படி பின்னாளில் பிரமணன் மேல் பழிவரும் என்றுதான் அன்றே ஒரு குடும்பத்தை அந்த சாமி இழுத்து வைத்துகொண்டதோ என்னமோ?

கொஞ்சம் விவரமான சாமியாக இருக்கும் போலிருக்கின்றது.

(அப்படில்லாம் இல்லண்ணே பிராமணன் சூது பிடிச்சவன், எல்லா கோவிலும் நமக்குத்தான், இந்த கோவிலும் நம்ம ஆதிக்கத்தில் வரணும்னு ரத்தம் கூட குடிக்க வாரான் பார்ப்பான்,

அவன‌ நம்பாதீங்க என எவனாவது பகுத்தறிவாளன் வரட்டும், அதன்பின் இருக்கின்றது)

Advertisements

ஹோலிபண்டிகை

ஹோலிபண்டிகை பற்றி ஏராளமான காரணங்கள் உண்டு. அது ஹோலி என்றால் ஒரு வித பயிர். அது அன்றுதான் விளையும் அதனால் அக்கால விவசாயிகள் கொண்டாடிய அறுவடை விழா ஹோலியாயிற்று என்பது ஒரு கூட்டம் சொல்வது

மதவாதிகள் இரு காரணங்களை சொல்கின்றார்கள், முதலாவது கண்ணன் பூதகியினை கொன்ற நாள், இரண்டாவது இரண்யன் கதை

அதாவது கண்ணன் குழந்தையாக இருந்தபொழுது அவனை அப்பொழுதே கொன்றுவிட பூதகி என்றொரு அரக்கி வந்தாளாம். அவள் விஷப்பாலை ஊட்டி குழந்தை கண்ணணை கொல்ல முயன்றபொழுது அவள் உடலின் ரத்தத்தையும் சேர்த்து உறிந்து பிஞ்சு கண்ணன் கொன்றாராம்.

அவள் உடலில் அவ்வளவு விஷம் இருந்திருக்கின்றது,சில அரசியல்வாதிகளை போல‌

இரண்ய கசிபு கதை நமக்கெல்லாம் தெரியும். விஷேஷ வரம் பெற்று மூவுலகினை ஆண்டு நானே கடவுள் என மமதை கொண்ட அரக்கன் அவன். காலை மாலை, பஞ்ச பூதம், ஆயுதம், மனிதன், மிருகம் என எதனாலும் கொல்லமுடியாத வரத்தை பெற்றான்.

அந்த இரண்யனுக்கு ஒரு மகன் இருந்தான், அவன் பிரகலாதன் அவனை கடைசியில் காக்கவே பரந்தாமன் நரசிம்ம அவதாரமாக வந்தார்.

ஆம், அவன் இரண்யனுக்கு பிடிக்காத நாராயணனை பூஜித்து கொண்டே இருந்தான். இது பொறுக்கா இரண்யன் பல வகைகளில் அவனை பயமுறுத்தி கொல்லவும் பார்த்தான் முடியவில்லை.

இந்த பிடல் காஸ்ட்ரோ என்பவரை அமெரிக்கா எப்படி எல்லாம் கொல்லமுயன்றதோ அப்படி ஏராள முயற்சிகள்.

உலகெல்லாம் தன்னை அழிக்க ஆளில்லை என சொல்லிகொண்டிருந்த இரணியனுக்கு , அவனை அழிக்க அவன் மகனே அவன் காலடியில் உருவாகிகொண்டிருந்தான், இறைவனின் விளையாட்டு அப்படி இருந்தது.

பழனிச்சாமி அரசை கவிழ்க்க‌ பார்பது போல் பல முயற்சிகள், அப்பொழுதெல்லாம் அவர் “நமோ” என்றவுடன் காப்பாற்றடுகின்றார் அல்லவா?

அப்படி இரண்யன் முயற்சிக்கு பொழுதெல்லாம் “நமோ நாராயணா” என்றவுடன் காப்பாற்றபட்டிருக்கின்றார்.

இரண்யனின் இன்னொரு தந்திரம் தன் 
சகோதரி ஹோலியா மூலம் பயமுறுத்துவது

இரண்யனுக்கு இருந்த அந்த சகோதரிக்கு நெருப்பால் எரிக்க முடியா சக்தி இருந்தது. அக்னி பகவான் அவளை நெருங்க மாட்டார், நெருப்பு அவளை அண்டாது

அதனால் நைசாக பிரகலாதனை மடியில் அமர வைத்த ஹோலியா பின் மிரட்டினாள் “ஒழுங்காக நாராயணனை மறந்து இரணியன் போற்றி சொல், நமோ இரணியன் என சொல் இல்லை என்றால் தீவைத்துவிடுவேன்” என அச்சுறுத்தினாள்

பிரகலாதன் அஞ்சாமம் ” ஹரி ஓம்” என்றான். தன் தொடையில் தீபற்ற வைத்தாள் தன் வரம் தன்னை காக்கும் என்றிருந்தாள்

ஆனால் அன்று என்னாயிற்றோ தெரியவில்லை, சட்டென கோபம் கொண்ட அக்னிபகவான் அவளை எரித்துவிட்டார் அந்த கரி, சாம்பல் புகையிலிருந்து வெளிவந்தான் பிரகலாதன்

(கடவுளே வரம் கொடுத்ததால் இரண்ய கசிபு என்பவனை அடக்கவும் முடியவில்லை, பின் அந்த வரத்தில் இல்லாதபடி காலையும் மாலையும் இல்லா அந்தி நேரத்தி, மனிதனும் மிருகமும் இல்லா நரசிம்ம அவதாரத்தில், ஆயுதமில்லா கை நகத்தில் அவனை கொன்றார் பரந்தாமன்)

அந்த பிரகலாதன் சாம்பலோடு வெளிவந்ததாலே இப்பண்டிகை கொண்டாடபடுகின்றது என்பதே பெரும் காரணம்

இன்னொரு காரணமும் உண்டு. அதாகபட்டது இந்த சிவபெருமானை நோக்கி மன்மதன் அம்பு வீசினானாம். அம்பு வீசியதும் சிக்க அவர் என்ன நித்தி சாமியாரா? சிவன் அல்லவா?

நெற்றிகண்ணை திறந்து அவனை எரித்துவிட்டார். மன்மதன் இல்லாவிட்டால் மானிட உலகம் எப்படி இயங்கும்? எல்லா ஆண்களும் பெண்ணாசை துறந்து சாமியாராக மாற, மானிட பிறப்பு நின்று போயிற்று

அப்படியே விட்டிருந்தால் இவ்வுலகில் யாரும் வந்திருக்க மாட்டார்கள், இவ்வுலகம் இவ்வளவு போர்களை சந்தித்திருக்காது, நாமெல்லாம் பிறந்திருக்க மாட்டோம் , இவ்வளவு சிக்கல்களை சந்திருக்கமாட்டோம்

ஆனால் கடவுள்கள் விடுவார்களா?

மனிதனுக்கு சிக்கல் இருந்துகொண்டே இருக்கவேண்டும், அந்த சிக்கலில் இருந்து விடுபட தன்னை அவன் அழுது வணங்கிகொண்டே இருக்க வேண்டும், அந்த கதறலில் நாம் சிரித்துகொண்டே இருக்க வேண்டும் என்ற கொடூர எண்ணம் கொண்ட தெய்வங்கள் விடுமா? நாராயணனிடம் அழுதன‌

அவரும் சாம்பலில் இருந்து மன்மதனை உயிரோடு கொண்டுவந்தாராம். அவனும் உடனே கரும்பு வில்லில் இருந்து அம்பு விட, மறுபடி மானிடர்கள் எல்லாம் “இளமை எனும் பூங்காற்று” எனவும் “ஏதோ மோகம்.. ஏதோ தாபம்” என‌ பாட கிளம்பி, உலகம் மானிடரால் நிரம்ப ஆரம்பித்தாயிற்றாம்,

அந்த மன்மதன் உயிர்பெற்ற நாள்தான் ஹோலி பண்டிகையாம்

இப்படி பல காரணம் இருப்பினும், இரண்ய கசிபின் சகோதரி கதையே பெரும் காரணமாய் சொல்லபடுகின்றது

ஹோலி கொண்டாடும் எல்லோருக்கும் வாழ்த்துக்கள்.

வழக்கமாக எந்த பண்டிகை கொண்டாடினாலும் “ஏய் ஆரிய பதர்களே, திராவிடனை/ தமிழனை ஒழித்ததை பண்டிகையாய் கொண்டாட விடுவோமா? திராவிடன் இரண்ய கசிபு வாழ்க” என கிளம்பும் அந்த கோஷ்டிகளை காணவில்லை

எந்த பண்டிகையும் மக்கள் சந்தோஷமாக‌ கொண்டாட கூடாது என்பதில் அவர்களுக்கு அவ்வளவு கவனம்.

நாம் தமிழர், சூரபத்மன் போன்ற அசுரன், ஹோலியா போன்றவர் நம் முப்பாட்டி என சொல்லும் கோஷ்டிகளையும் காணவில்லை

தூங்கிவிட்டார்கள் போல, ஏற்கனவே கண்ணனை மாயோன் என சொல்லிவிட்டதால், பூதகி தமிழச்சி ஆகிவிட்டதால் அது தமிழ்பிள்ளைகளின் சண்டை ஆனதால் சிக்கல் இல்லை

(முப்பாட்டி பூதகியினை அவள் பேரன் முப்பாட்டன் மாயோன் கொன்றான் என்பதால் கொண்டாடவில்லை என விட்டுவிடலாம்..)

ஆனால் முப்பாட்டன் இரண்யன் எனும் வீரதமிழனின் சகோதரி முப்பாட்டி கோலியா எனும் வீரதமிழச்சி செத்ததை கொண்டாடுவதை எப்படி இவர்கள் அனுமதிக்கின்றார்கள்?

மானமுள்ள தமிழர்கள் எல்லோரும் என்ன ஆனார்கள்? மார்வாடி பெண்கள் ஹோலி விளையாடுவதை ரசிக்க சென்றுவிட்டார்களா?

எளிய தமிழ்பிள்ளைகள் விரைவில் முப்பாட்டி கோலியாவுக்கு அஞ்சலி செலுத்தி, மானங்கெட்ட தமிழனுக்கு எச்சரிக்கை விடுப்பார்கள் என எதிர்பார்ப்போம்

அப்படியே இனமான திராவிடர்கள், ஆரியன் கொன்ற திராவிட வீராங்கனை கோலியாவிற்கு வீரவணக்க நாள் அனுசரிப்பார்கள் எனவும் ,

, திராவிட பெருமாட்டி செத்த நாளில் கருப்பு பொடிதான் தூவ வேண்டும், கலர்பொடி எப்படி தூவலாம் என சொல்லி, பிரன்ட்ஸ் படத்து வடிவேலு போலவும் வருவார்கள் என எதிர்பார்ப்போம்

அந்த வடிவேலு போல கருப்பு பொடியில் உரண்டு புரண்டு வந்தாலும் வருவார்கள், வாய்பிருக்கின்றது

நடந்த வரலாறு என்ன?

இந்து என்ற பெயர் எங்கே இருக்கின்றது என பலர் கிளம்பிவிட்டார்கள், அதற்கெல்லாம் ஆதாரம் சங்க இலக்கியத்திலே இல்லையாம்

இது யாருக்கு தெரியாது? இவர்களா கண்டுபிடித்தார்கள்?

நடந்த வரலாறு என்ன?

அன்று கடல்வழி தொடர்பு பெரிதாக இல்லை, அலெக்ஸாண்டர் காலத்தில் கூட கப்பற்படை இல்லை

அப்பொழுது நிலவழி தொடர்பில் இந்தியா இமய மலையாலும் , சிந்து நதியாலும் தனிமைபடுத்தபட்டிருந்தது

இங்கு இருந்த மக்கள் தங்கள் மதத்தை தர்மம் என்றும், அறவழி என்று பெயரில் சைவம் வைணவம் பின்பற்றிகொண்டிருந்தனர்

பிரிவுகள் இருந்ததே தவிர மூல கொள்கையில் வழிபாட்டில் சிக்கலே இல்லை

அப்பக்கம் அதாவது சிந்து நதிக்கு அப்பக்கம் இருந்தவர்களுக்கு குறிப்பாக ஐரோப்பாவில் இருந்து வந்தவர்களுக்கு இவர்களை எப்படி அழைப்பது என சிக்கல் வந்தது

சிந்துநதிக்கு அப்பக்கம் இருப்பது (இதில் ஒரு விஷயம் கவனிக்க வேண்டும், சி என்பது அவர்களுக்கு ஹி என மாறும், அப்படித்தான் சிந்து இந்துநதி ஆனது, கிரேக்கர் அதை இன்டஸ் என்றே அழைத்தனர்

சில எழுத்துக்கள் அப்படி மாறும், ஜெருசலேம் இங்கு எருசலேம் ஆகும், யாழ்பாணம் ஜாப்னா ஆகும் , அப்படித்தான் சிந்து என்பது இந்து ஆனது, சிந்து மலை, சிவ மலை என்பதெலாம் இந்துகுஷ் மலை, இமயமலை என்றானது)

ஹிந்தஸ், இந்து , இந்தியா என்றானது இப்படித்தான்

அதாவது இந்து என்பது அந்நியர் சூட்டிய பெயர், அது நிலைத்துவிட்டது

உலகில் யார் தனக்கு சொந்த பெயர் சூட்டினார்கள்? எல்லா பெயர்களும் இன்னொருவரால் சூட்டபடுபவையே

சொந்தமாக பெயர் சூட்டுவதும், தனக்குதானே பட்டமளிப்பதும் திராவிட கட்சிகளின் கலாச்சாரம்

இங்கிருக்கும் நிலபரப்பும் அதில் வாழ்ந்த கலாச்சாரமும் இந்து எனும் பெயர் அன்னியனாலே அழைக்கபட்டது

இங்கு அது சைவம் வைணவம் என பல பிரிவுகளாக இருந்ததது, அந்நியர் மொத்தமாக இந்து என்றார்கள்

அதற்காக இந்து என்ற வார்த்தை சங்க இலக்கியத்தில் இல்லை அப்படி ஒரு மதமே இல்லை என்றால் எப்படி?

இதற்கெல்லாம் நன்றாக கேள்வி கேட்பவர்களின் காதை பிடித்து திருகி நாமும் கேட்டிருகின்றோம்

இந்த திராவிடம் என்பது எங்கே உண்டு? எந்த பண்டை இலக்கியங்களில் உண்டு

அட தமிழ்நாடு என்பதே எங்கே உண்டு? தமிழ் கூறும் நல்லுலகம் என சொன்னதே அன்றி தனி தமிழ்நாடு என எந்த இலக்கியம் சொல்லிற்று?

இங்கே சேர சோழ பாண்டி மன்னன், கடையேழு வள்ளல் நாடு என ஏகபட்ட நாடுகள் இருந்திருக்கின்றன‌

என்று இது திராவிட நாடு? தனிதமிழ் நாடு என இருந்தது?

இதை எல்லாம் கேட்டால் பதில் வராது, வரவே வராது

இந்து எனும் வார்த்தை அந்நியனால் இங்கிருக்கும் மதத்திற்கு சூட்டபட்டது, பல பிரிவுகளை கொண்ட மதம் ஒரே வார்த்தையில் அறிய அப்படி அழைக்கபட்டது

ஆனால் திராவிடம் என பெயர் சூட்டியவன் யார்? அதன் நோக்கம் என்ன? அப்பெயரால் இங்கு செய்யபடும் அரசியலுக்கு யார் மூலம் என்பதெல்லாம் சொல்லவே மாட்டார்கள்

அது முழுக்க தெரிந்தாலும் தெரியாதவர் போல் இருப்பார்கள், அவர்கள் அப்படித்தான்

தொன்மை வாய்ந்த இந்துக்களுக்கு பல அடையாளம் உண்டு, தொன்மை வாய்ந்த திராவிட அடையாளம் என ஒன்றை காட்டுங்கள் பார்க்கலாம்

நாம் அழுத்தமாக சொல்கின்றோம்

நாம் அழுத்தமாக சொல்கின்றோம்

இது இந்துக்களின் நாடு, காலம் காலமாக அவர்கள் பெரும்பான்மையாக தொன்றுதொட்டு வாழும் ஒரே நாடு, உலகில் இந்து அடையாளங்களும் அதன் அபூர்வமான தத்துவ கோட்பாடுகளும் நிலைத்துவாழும் ஒரே நாடு

அந்த ஜெருசலேமினையும் யூத ஆலயத்தையும் எடுத்துவிட்டால் அதில் என்ன இருக்கின்றது? அது வெறும் பூமி என சொல்லும் யூதரை போல, இந்து மதம் என்ற ஒன்றை எடுத்துவிட்டால் இந்தியாவில் என்ன உண்டு?

இந்நாட்டின் மாபெரும் அடையாளம் அம்மதமும் அதன் பாரம்பரியமும், அது நிச்சயம் காக்கபட வேண்டும்

அதில் சந்தேகமில்லை, அந்த இந்து மக்களும் இந்துமா கடல் போல் பெரும் பரந்த மனப்பான்மை கொண்டவர்கள் என்பதில் சந்தேகமில்லை

அவர்களின் மிகபெரும் அமைதியான சுபாவத்தாலும், இந்நாட்டின் அமைதி அவர்கள் கையில் இருப்பதை அறிந்து தேசநலன் காப்பதில் அமைதியாய் இருப்பதாலுமே இத்தேசம் அமைதியாய் இயங்குகின்றது

இந்துமதம் போலவே மிக மிக பரந்த பெருந்தன்மையான மனம் கொண்டவர்கள அவர்கள்

அவர்கள் மதமும் மிக மிக அமைதியான, சுதந்திரமான , யாரையும் காயபடுத்தா மதம்

ஆனால் அதிலும் மிக குறுகிய மனமுள்ளோர் இருக்கின்றார்கள், மிக மூர்க்கமான ஐ.எஸ் இயக்கத்தைவிட கொடியவர்களும் இருக்கின்றார்கள்

அவர்கள்தான் இல்லா பொய்களை வெறுப்புகளை மற்ற மதம் மேல் திணிக்கின்றார்கள்

கற்பழிப்பினை இஸ்லாமும் கிறிஸ்தவமுமே உலகிற்கு சொன்னது என அவர்கள் சொல்லபோக நாமும் சிலவற்றை எழுதினோம்

அது காமத்தை வாழ்வின் ஒரு அங்கமாக இந்துமதம் சொன்னதை, மிக புனிதமாக சொன்னதைத்தான் நாமும் சொன்னோம்

கோவிலில் எரிந்தால் அது தீபம், சுடுகாட்டில் எரிந்தால் அது வேறு

இங்கு பொள்ள்ளாச்சியில் பிடிபட்டிருப்பதும் சுடுகாட்டு தீ வெறியர்கள்

அவர்களை பழிப்பதாக நினைத்து இஸ்லாமும் கிறிஸ்தவனுமே இத்தேசத்தில் கற்பழிப்பினை கொண்டுவந்தான் என்றால் எங்கணம் நியாயம்?

அதைத்தான் சாடினோம், மகாபாரதத்திலும் ராமாயணத்திலும் பெண்களை அவமானபடுதியோர் எப்படி அழிந்தார்கள் என சொல்லத்தான் விழைந்தோம்

வாலி எனும் மாவீரனே பெண்ணை தொட்டதால் அழிந்தான்

அதாவது கற்பழிப்பு விஷயங்கள் எல்லா மதத்திலும் இனத்திலும் உண்டு, அதன் கொடூர விளைவுகளையும் அவை சொல்ல தவறவில்லை

இதைத்தான் சொன்னோமே தவிர ராமனையும் கண்ணணையும் இந்துமதத்தையும் இழிவுபடுத்தி எதையும் சொல்லவில்லை

சொல்ல போவதுமில்லை

எம்மைபற்றி தெரிந்தவர்களுக்கு சொல்ல ஒன்றுமில்லை, எம் இந்துமத அபிமானம் அவர்கள் அறிந்தது

அறியோதோர் பலர் திட்டிகொண்டிருக்கின்றனர், அவர்களுக்கு இவ்வளவுதான் சொல்லமுடியும்

சாம்பல் புதன்

இன்று கிறிஸ்தவர்களின் சாம்பல் புதன்

அதாகபட்டது கிறிஸ்து இயேசு சிலுவலையில் அறையபட்ட வெள்ளிக்கு முன்பாக 40 நாள் விரதம் இருப்பது கிறிஸ்தவ சம்பிரதாயம், ஏன் என்றால் கிறிஸ்து நம் பாவங்களுக்காக இறந்தார், அதனால் இந்த 40 நாளாவது நமது பாவங்களை நினைத்து மன்னிப்பு கேட்டுவிடலாம், என்பது கத்தோலிக்க கிறிஸ்தவ மரபு

அடுத்தால் செய்யபோகும் பாவத்திற்கு அடுத்த வருடம் 40 நாட்கள்

மற்ற கிறிஸ்தவர்களில் சிலர் அனுசரிப்பார்கள், சிலர் பைபிளை படித்து, கரைத்து, உலுக்கி , கொட்டி பார்த்துவிட்டு பைபிளில் இதெல்லாம் இல்லை என சொல்லிவிட்டு சென்றுவிடுவார்கள்

சரி இதற்கு ஏன் சாம்பல் பூசி தொடங்கவேண்டும்?

அக்காலத்தில் ஒருவனுக்கு தன் பாவம் பற்றி நினைவுக்கு வந்து, அட நாமும் மண்ணாய், சாம்பலாய் அழிய போகின்றவர்கள் அல்லவா? பின் ஏன் இப்படி இருக்கவேண்டும்.

சாம்பலை பூசி நான் அழிய கூடியவன் என்பதனையும், என் பாவ வாழ்வு சாம்பலை போலாகிவிட்டது என்பதையும் உலகிற்கு சொல்வது ஆசிய சம்பிரதாயம்

ஆசியா முழுக்க இது பரவியிருந்தது, அதுவும் மேற்கு மற்றும் மத்திய ஆசியாவில் அதிகம்

யூத மதம் இந்த வழக்கத்தை எடுத்துகொண்டது, அதில் பலர் சாம்பல் பூசி மனம் திரும்பியதை பார்க்கமுடியும். யூத நூல் என்றால் கிறிஸ்தவர்களின் பழைய ஏற்பாடு, அதில் ஏராள சம்பவம் உண்டு

பாவத்திற்கு பரிகாரம் தேடுபவர்கள் உடல் முழுக்க சாம்பல் பூசி விரதமிருப்பது அக்கால யூத வழக்கம்

கிறிஸ்தவம் யூத தொடர்ச்சி என்பதால் கிறிஸ்து சொல்லாமலே அந்த சம்பிரதாயமும் இங்கு கலந்துவிட்டது, இயேசு மனம் திரும்புங்கள் என சொன்னாரே அன்றி, சாம்பல் பூசி விரதம் இருங்கள் என சொன்னதே இல்லை

பிற்காலத்தில் கிறிஸ்தவம் யூதரில் இருந்து உதித்த காரணத்தால் அதில் இந்த சாம்பல் பூசும் சம்பிரதாயம் இடம்பெற்றுவிட்டது

கத்தோலிக்க ஆலயங்களில் இன்று எல்லா கிறிஸ்தவர் நெற்றியிலும் “மண்ணால் உண்டாக்கபட்ட நீ மண்ணிற்கே திரும்புவாய்” என சொல்லி சாம்பல் பூசுவார்கள்

சிலருக்கு “மண்ணாய் போ” என திருவாக்கு அருளும் பாதிரியும் உண்டு.

மண்ணாய் போகும் உடலுக்கு நெற்றியில் மண் பூசினால் என்ன ஏன் சாம்பல் பூசவேண்டும் என ஒருபயலும் கேட்க மாட்டான் என்பது அவர்களின் கூடுதல் வசதி

நேற்று இரவே அக்கப்போரினை தொடங்கியாயிற்று, சாம்பலை பூசி கொண்டு அவர்கள் பாவங்களை நினைக்க தொடங்கிவிட்டார்களாம், மனம் திரும்பவேண்டுமாம், உலகம் சமீபத்தில் அழியுமாம் (2000 ஆண்டுகளாக அதனைத்தான் சொல்கின்றார்கள் என்பது வேறு விஷயம்) என ஏக அழிச்சாட்டியம்

வருடத்தில் ஒருமுறை நெற்றியில் சாம்பலை பூசிவிட்டு இவ்வளவு அட்டகாசம்

கிறிஸ்தவ போதிப்பின் படி உடல் மண்ணுக்கு போக கூடியது, அப்படி சொல்லிவிட்டு மண்ணுக்கு பதிலாய் சாம்பல் பூசுவது ஏன்?

தலை நிறைய மண்ணை அல்லவா கொட்டிவிட வேண்டும், சாம்பல் ஏன்?

இங்குதான் அந்நாளைய யூத மதத்திற்கும் இந்துக்களுக்கும் உள்ள தொடர்பினை நோக்க வேண்டும்

இந்துக்கள் உடலை எரித்தார்கள், இப்படி மிஞ்சுவதுதான் வாழ்வு என ஞானம் பெற்றார்கள். ஆதியில் இருந்த இந்து ஞானம் அது.

இந்த உடல் அழிய கூடியது, சாம்பலாய் போக கூடியது, இந்த நினைவு எக்காலமும் ஒரு மனிதனிடம் இருக்கவேண்டும் என்ற தத்துவத்திலே சாம்பல் பூசபடுகின்றது

அந்த தத்துவத்திலே இந்துக்கள் அனுதினமும் விபூதியினை நெற்றியில் பூசிகொள்கின்றார்கள்

எல்லா இந்து ஆலயங்களும் விபூதி கொடுக்கும் தத்துவமும் இதுவே, காலை எழுந்து குளித்து இந்துக்கள் நெற்றிநிறைய விபூதி பூசும் தத்துவமும் அதுவே

கங்கை கரையில் சாதுக்கள் கூட்டம் சாம்பல் மேனியாக அலையும் பெரும் தத்துவமும் இதுவே

“நீறு இல்லா நெற்றி பாழ்” என சொல்லியே வைத்திருக்கின்றார்கள்

அதுவும் மூன்று கோடுகளை இட்டு, படைத்தல் காத்தல் அழித்தல் எனும் முத்தொழிலை செய்பவன் மூவொரு இறைவன் என தியானித்து அவர்கள்முன் மனிதன் வெறும் சாம்பல் எனும் இந்து தத்துவம் அவ்வளவு உயர்வானது

கிறிஸ்தவர்களுக்கோ ஒரு நாள் தான் அந்த தத்துவம் நினைவுக்கு வருகின்றது, அவர்களுக்கோ எந்நாளும் எந்நேரமும் நினைவில் இருக்கின்றது

உறுதியாக சொல்லலாம் இந்த விபூதி தத்துவத்தில் இந்துக்கள் உலகிற்கே வழிகாட்டியவர்கள், காட்டிகொண்டிருப்பவர்கள். ஆதி கால அந்த ஆசிய தத்துவத்தை இன்றுவரை கடைபிடித்து வரும் மதம் அது

அனுதினமும் சாம்பலை நெற்றியில் பூசி வாரத்தின் எல்லா நாட்களையும் அனுசரிக்கும் மதத்தவர்கள் அவர்கள்

ஆக கிறிஸ்தவம் மட்டும்தான் இதனை சொல்கிறது என ஒருவன் சொல்வானானால் அவனை பரிதாபமாகவே பார்க்கமுடியும்

உலகின் பெரும் மானிட தத்துவ குறியீட்டினை இந்துக்கள் அனுதினமும் அனுசரிக்க, ஒரு நாள் மட்டும் கிறிஸ்தவர்கள் அனுசரிக்கும் தினம் இன்று

இந்த விபூதி புதன் எவ்வளவு பெரும் விஷயம் தெரியுமா? என கடும் பிரார்த்தனை செய்து , நெற்றியில் சாம்பலை பூசும் கிறிஸ்தவர்களை நல்ல இந்துக்கள் அர்த்தமுள்ள புன்னகையுடன் கடந்து செல்வார்கள்

ஐரோப்பாவில் ஆப்ரிக்காவில் கிழக்காசியாவில் இந்த விபூதி புதனை அனுசரிப்பதில் அர்த்தம் உண்டு,

ஆன்மீக பூமியான இந்தியாவில் அதுவும் சுற்றிலும் எல்லோரும் விபூதியும் பட்டையுமாக அலையும் நாட்டில் வருடத்தில் ஒருநாள் சாம்பல் பூசிகொள்வதில் பெருமைபடவோ, அர்த்தபடவோ ஒன்றுமே இல்லை

இந்த விபூதி தத்துவத்தில் இந்து மதம் ஒரு படி அல்ல பல கிலோ மீட்டர் உயர‌ நிற்கின்றது.

விபூதி தத்துவம்

“நீறு இல்லா நெற்றிபாழ்” என்றவன் தமிழன்

அதாவது திருநீறு எப்பொழுது நெற்றியில் இருக்க வேண்டும் என்பது இந்துக்கள் தர்மம்.

அது இந்து கலாச்சாரமாகவும் இருந்தது, தமிழனும் இந்து என்பதால் அது அவனுக்கும் முக்கியமாய் இருந்தது

அது உண்மையில் சொல்வதென்ன?

மனித வாழ்வு சாம்பலாக முடிய கூடியது, இறுதியில் சாம்பலாக கூடிய உடல் இது. இதில் துளியும் ஆணவமோ அகங்காரமோ தலை தூக்க கூடாது என்பது

விபூதி தத்துவம் இதுதான்

இதனால்தான் அதை நெற்றியில் எப்பொழுதும் வைக்க சொன்னது இந்துமதம், அதை நினைவிலே நிறுத்து பாவம் செய்யமாட்டாய் என போதித்தது இந்துமதம்

இந்து ஆலயங்களில் அது பூசபடுவதின் அர்த்தமும் இதுவே

ஞானமான தத்துவம் அது

இன்னும் ஒருபடி மேலே போய் சுடுகாட்டில் சிவன் சாம்பல் பூசி ஆடுவதாகவும் அது சொன்னது, அதாவது மனிதனின் கடைசி புகலிடம் சாம்பல், அது சிவனின் காலடியில் சங்கமமாகும் என அறுதியிட்டு சொன்னது

இதனால் இந்தியாவில் உள்ள எல்லா இந்துக்களுக்கும் விபூதி அடையாளம் ஆனது, சிவநேச அடியார்களுக்கு இன்னும் கூடுதலாக அது அமைந்தது

உலகில் சில மதங்களில் அச்சாயல் உண்டு

குறிப்பாக யூதமதத்தில் இருந்திருக்கின்றது, பாவம் செய்தவர்கள் மன்னிப்பிற்காக சாம்பல் பூசி தவமிருப்பார்களாம், அதாவது “நான் தூசு என உணர்ந்துவிட்டேன் இறைவா என்னை மன்னித்துகொள்”

இதிலிருந்து வந்ததே கிறிஸ்தவர்களின் சாம்பல் புதன்.

ஆக சாம்பல் எனும் நீறு பூசுதல் இந்து மதத்திலும் இன்னும் சில மதங்களிலும் காணபடும் சம்பிரதாயம்

அதற்குள் அது தமிழர் மரபு, தமிழனுக்கு மதமே இல்லை , தமிழரின் திரு நீறுக்கும் விபூதிக்கும் சம்பந்தமில்லை

தமிழன் சும்மா விபூதி பூசி அழகுபார்த்தான் என்பதெல்லாம் திராவிட புரட்டுக்கள்