லிடியன் நாதஸ்வரம்

இசைதுறையில் மிக பெரும் பங்களிப்பினை கொடுப்பதால் சென்னை சிறந்த கலாச்சார நகரமாக யுனெஸ்கோவினால் ஏற்கனவே அறிவிக்கபட்டது

எத்தனை பெரும் இசை சக்கரவர்த்திகள் வாழ்ந்த பூமி இது, அக்காலம் முதல் எம்.எஸ் சுப்புலட்சுமி காலம், இளையராஜா காலம், ரகுமான் காலம் என அது மிகபெரும் அடையாளத்தை கொடுத்துகொண்டிருக்கின்றது

அப்படி கொடுத்த சென்னை ஒரு பால்ய இசை மேதையினையும் உலகிற்கு கொடுத்து தன் பெருமையினை தக்க வைத்திருக்கின்றது

அந்த சிறுவனின் பெயர் லிடியன், சென்னை பையன் இன்னும் 14 வயது கூட பூர்த்தியாகவில்லை

ஆனால் அமெரிக்காவில் நடந்த பியாணோ இசைக்கும் போட்டியில் அனாசயமாக முதல் பரிசான 7 கோடியினை தட்டி வந்துவிட்டான்

பியாணோ இசை எங்கள் சொத்து என சொன்ன மேற்குலகம் அந்த சிறுவனிடம் மண்டியிட்டு பரிசை கொடுத்திருக்கின்றது

ஏ.ஆர் ரகுமானை மொசார்ட் ஆப் மெட்ராஸ் என அழைத்தனர் லண்டன்வாசிகள்

இதோ ஜூனியர் ஒருவரும் வந்துவிட்டார்

இந்த சிறுவனிடம் மொசார்ட் மற்றும் பீத்தோவனின் சாயல் இருப்பதாக ஐரோப்பிய பத்திரிகைகளே எழுத தொடங்கிவிட்டது

பயிற்சியால் வரும் அறிவு வேறு, இயல்பாய் வரும் திறமை வேறு

அது ஒரு சிலருக்கே வாய்க்கும், வாய்த்தது மட்டுமல்ல அதை தகுந்த வழியில் வெளிப்படுத்த உரிய வாய்ப்புகளும் வேண்டும்

இது ஒழுங்க அமைந்தோரே வெல்வர்

அப்படி இச்சிறுவனுக்கும் எல்லா வாய்ப்பும் திறமையும் அமைந்திருக்கின்றது , லிடியன் நாதஸ்வரம் நிச்சயம் பெரும் உயரம் எட்டுவார், எட்ட வேண்டும்.

இசை தமிழ் என ஒன்றை வைத்து இசைபட வாழ்ந்த தமிழனின் குணம் அவனுக்கும் இருக்கும் அல்லவா?

ஈரான்பக்கம் பூர்வீகமாம்

இந்த பல்லவர்கள் எல்லாம் ஈரான்பக்கம் பூர்வீகமாம், அங்கிருந்து இந்து வந்து காஞ்சியில் ஆண்டிருக்கின்றார்கள், ஈரானை அடிக்க வேண்டும்டா

ஏண்ணே

அவனுக நம்மை எப்படி ஓரு காலத்தில் ஆளலாம், விட கூடாது

உங்களுக்கு கிறுக்காண்ணே, எப்பவோ நடந்தத பேசிட்டு..

உஸ்பெக்கிஸ்தான்ல இருந்து தைமூர்னு ஒருத்தன் வந்து இந்தியா பக்கம் கொள்ளையடிச்சிருக்கான் , அதனால உஸ்பெக்கிஸ்தான் காரன் எல்லாரையும் அடிக்கணும்டா

ஏண்ணே குடிச்சிருக்கியளா

இந்த ஆப்கானிஸ்தான்காரர்களை எல்லாம் ஒழிக்க வேண்டும்டா

ஏண்ணே?

ஒருகாலத்தில அவனுகதான் அங்க இருந்து வந்து நம்மை அடித்தார்கள்

அட அவனுகளே தரித்திரமாயிட்டான் பாவம்ணே

இந்த நாயக்கர்கள் எல்லாம் நம்மை ஆண்டார்கள், விட கூடாது

அண்ணே அவங்க இப்போ நம்ம கூட ஒண்ணு மண்ணா கலந்துட்டாங்க, இனி அத பேசி எதுக்குண்ணே, நம்மவங்கண்ணே

இந்த பிரிட்டிஷ்காரன் இருக்கானே அவன தூக்கிபோட்டு மிதிக்கணும்

அண்ணே அவனுகளே பிரெக்ஸிட்னு சொல்றான், பவுண்ட் சரியுதுங்குறான் , அவனால நமக்கு என்னண்ணே பிரச்சினை விடுங்கண்ணே

இந்த பிராமணன் இருக்கானே..

ஆமாண்ணே, அவன விடவே கூடாது, ஆரிய பயலுக எப்பவோ இங்க வந்து நம்ம எல்லோரையும் அடிமையாக்கி, நம்ம உரிமையினை பறிச்சி , விடவே கூடாதுண்ணே. ஆரிய பயங்கரவாதம் ஒழிக, ஆரிய கும்பலை வேரறுப்போம்

ஏண்டா

அது அப்படித்தாண்ணே…இல்லண்ணா எப்படி அரசியல் பண்றது, 80 வருஷமா இப்படியே பேசி பழகிட்டோம், வேற அரசியல் தெரியாதுண்ணே