சிறப்பான தரமான சம்பவங்கள் இனிதான் நடக்கலாம்

தான் ஆடாவிட்டாலும் உலகெல்லாம் இருக்கும் ஈழதமிழருக்கு சதை ஆடுகின்றது

கொழும்பில் தாக்குதல் என்பது தங்கள் சொந்த நாட்டு தாக்குதல் என்பதால் கூடுதலாக துடிக்கின்றார்கள், அலறுகின்றார்கள்

அப்படித்தான் இருக்க வேண்டும் அதுதான் சரி

ஆனால் இதை எல்லாம் காணும் தும்பிகளுக்கும் அவர்களின் தலைவன் குளவிக்கும் கண்கள் சிவந்து வயிறு எரிகின்றது

லட்சகணக்கான தமிழரை கொல்ல உத்தரவு பிறப்பித்த கொழும்பு எரியும் பொழுது அழுபவன் எப்படி தமிழனாக இருக்க முடியும்? என தும்பிகளில் சிலது கத்த ஆரம்பித்துவிட்டது

அவர்கள் அப்படித்தான் என்பது நமக்கு தெரியும், ஈழதமிழனுக்கு இப்பொழுதுதான் தெரிகின்றது

என்ன இருந்தாலும் அது எங்கள் நாடு என ஈழதமிழர் சொல்ல, அடேய் அது சிங்கள ஊர் அது நாசமாகட்டும் என தும்பிகள் சொல்ல , கடும் காமெடி நடக்கின்றது

பாவம் தும்பிகளுக்கு கொழும்பில் நிறைய தமிழர் இருப்பதும் தமிழக தமிழர் ஏராளம்பேர் தொழில் நடத்துவதும் தெரியாது பாவம்.

இதுவரை தமிழன் தமிழ் தேசியம் அதன் தலைவர் சைமன் என சொல்லிகொண்டிருந்த கூட்டம் இப்பொழுது ஒன்றை ஒன்று முறைத்து நிற்கின்றது

அநேகமாக ஈழதமிழர் போலி விசாவில் வந்து தும்பிகளை போட்டு சாத்தலாம் எனும் அளவுக்கு நிலமை செல்கின்றது

அங்கிள் சைமன் தலைமேல் கை வைத்து அமர்ந்துவிட்டார்

சிறப்பான தரமான சம்பவங்கள் இனிதான் நடக்கலாம்

Advertisements

இது மாபெரும் தேசவிரோதம்

ஒரு ரகசிய ஆய்வு செய்தி உலகெல்லாம் பரவுகின்றது

மோடி சுற்றிய நாடுகளில் அதானி சில ஒப்பந்தகளை பெறுகின்றார், குஜராத்திய வணிகர்கள் பல பயன்களை அடைகின்றனர்

நிலக்கரி சுரங்கம், துறைமுகம் , விமான நிலைய பணி என ஏதோ ஒன்று ஒரு நாட்டில் மோடி கால்வைத்தபின் அவர்களுக்கு கிடைக்கின்றது

அதற்கு பிரதிபலனாக அந்த நாட்டு பொருட்களுக்கு இங்கு வரிவிலக்கு வழங்கபடுகின்றது

புரிகின்றதா?

குஜராத்திய புள்ளிகள் வெளிநாடுகளில் குவிக்கும் பெரும் பணத்துக்கு ஈடாக இங்கு இந்நாட்டுக்கு வரவேண்டிய வரிபணம் விட்டுகொடுக்கபடுகின்றது

இது மாபெரும் தேசவிரோதம்

பொறுப்பான எதிர்கட்சி இந்த விஷயத்தை கையில் எடுத்தால் பெரும் விவகாரம் ஆகும் என்கின்றார்கள்

ஆனால் காங்கிரஸ் ஏன் இதை கையில் எடுக்கவில்லை என்பதுதான் சோகம்

ஆம் அவர்களுக்கும் தொழிலதிபர்கள் இருக்கலாம், உலகெங்கும் அவர்களும் தொழில் நடத்தலாம்

பொய் சொல்வதில் நோபல் பரிசு

“கடும் விளைவுகளை சந்திக்க நேரிடும் என, அண்டை நாடான, பாகிஸ்தானை எச்சரித்தோம். அதனால் தான், நம் விமானப் படை விமானி, அபிநந்தன் விடுவிக்கப்பட்டார்,” குஜராத்தில் நடந்த பிரசார கூட்டத்தில், பிரதமர் நரேந்திர மோடி

பொய் சொல்வதில் நோபல் பரிசு என ஒன்று இருந்தால் அது நிச்சயம் இவருக்குத்தான்

அந்த பரபரப்பான நேரங்களை உன்னிப்பாக கவனித்தவர்களுக்கு சில விஷயம் புரியும்

அபினந்தன் கைது செய்யபட்டார், ஆனால் ஒரு கைதி எப்படி நடத்தபட வேண்டுமோ அப்படி நடத்தபடுகின்றார் என வீடியோ சகிதம் உலகிற்கு சொன்னது பாகிஸ்தான்

அவர்கள் சரியாக இருந்தார்கள்

இந்திய தரப்பில் இருந்து பெரும் கோரிக்கை ஏதும் இல்லை, ராணுவ அதிகாரிகளோ உள்துறையோ ஏன் மோடி கூட பாகிஸ்தானை மிரட்டவில்லை

உலக நாடுகள் ஜெனிவா ஒப்பந்தத்தை பின்பற்ற பாகிஸ்தானை கோரின‌

பாகிஸ்தான் அரசு ஒரு விஷயத்தில் கவனிக்க வேண்டியது உண்டு

அதாவதும் இம்மாதிரி நேரங்களில் எதிரியினை பேச்சுவார்த்தைக்கு அழைப்பார்கள் நிபந்தனை பேரிலே விடுவிப்பார்கள்

அது எவ்வளவு பெரும் வல்லமை மிக்க எதிரி ஆனாலும் சரி, அன்று அந்த அன்னக்காவடியான கொமேனியே இப்படி அமெரிக்காவினை மிரட்டியிருக்கின்றார்

இன்னும் எங்கெல்லாமோ மிரட்டினார்கள்

அபினந்தன் பாகிஸ்தான் கையில் கிடைத்த துருப்பு சீட்டு ஆனால் ஒரு நிபந்தனையுமின்றி வெளியில் விட்டார்கள் ஏன்?

பாகிஸ்தானை ஆள்வது பிரதமர் என்றாலும் ராணுவமே பிரதான முடிவு

யாரோ ஒரு கும்பல் ஐஎஸ்ஐ பேச்சை கேட்டு இந்தியாவிடம் வம்பு இழுத்ததுக்கு பாகிஸ்தான் ராணுவம் ஏன் போருக்கு செல்ல வேண்டும் என்ற நிதானம் அவர்களிடம் இருந்தது

அதனால்தான் அபினந்தன் விடுவிக்கபட்டான்

இன்னொன்று ஏக சிக்கலில் இருக்கும் பாகிஸ்தான் யுத்தத்தை விரும்பவில்லை

ஆக உண்மை இப்படி இருக்க ஏதோ நாங்கள் மிரட்டினோம் 12 ஏவுகனைகளை காட்டி பயமுறுத்தினோம் என்பதெல்லாம் கட்டுக்கடங்காத பொய்

சரி 12 ஏவுகனையும் பெரும் வல்லமையும் உண்டல்லவா? நாலந்துலா பக்கம் அதை காட்டி சைனாவினை மிரட்டினால் என்ன?

அருணாச்சல பிரதேஷ் பக்கம் ஓடினால் என்ன?

செய்யமாட்டார்கள்

ராணுவத்தையும் அதன் வலிமையினையும் அரசியலாக்கும், 12 ஏவுகனை என மொத்த பலத்தையும் வெளி சொல்லும் இந்த மடத்தனத்தை நாம் வன்மையாக கண்டிக்கின்றோம்

பிரச்சாரத்திற்கு வேறு காரணங்களை மோடி தேடுவது நல்லது

இந்த அரைகிறுக்கனை ஏன் வறுத்தெடுக்கின்றோம்?

இந்த அரைகிறுக்கனை ஏன் வறுத்தெடுக்கின்றோம் என்றால் இதனால்தான்

உயிர்த்த இயேசு இரண்டாயிரம் வருடம் கழித்து இப்பொழுதுதான் ரத்தம் சிந்துகின்றாராம்

அட பைத்தியகாரா?

ரோமரும் யூதரும் தொடக்கத்தில் இயேசு சிலை மேல் சிந்திய ரத்தம் என்ன?

400 ஆண்டுகாலம் கிறிஸ்தவர் ரத்தம் ரோமில் எப்படி எல்லாம் இந்த சொரூபம் மேல் சிந்தபட்டது

அடுத்து வந்த சிலுவைபோர் காலங்களில் ரத்தத்திலே இச்சிலை மூழ்கி இருந்தது

ஒன்றா இரண்டா?

ஆக்டேவியன் சீசர் காலத்தில் தெளிக்கபட்ட ரத்தம் , டயோகிசியஸ், நீரோ என தொடர்ந்து ஆட்டோமன் சாம்ராஜ்யம் வரை தெளிக்கபட்டது

கம்யூனிச ரஷ்யாவில் அதைவிட மோசம்

புனித பீட்டர் முதல் தமிழக தேவசாயம் பிள்ளை வரை கிறிஸ்தவர் ரத்தம் இப்படித்தான் தெளிக்கபட்டது

வரலாறும் தெரியாது ஒரு புண்ணாக்கும் தெரியாது

ஒரு விஷயம் நடந்துவிட்டால் கவிதை எழுதுகின்றேன் பேர்வழி என கிளம்பிவிட வேண்டியது

முதலில் இவர் கையில் இருக்கும் பேப்பரையும் பேனாவினையும் பிடுங்க வேண்டும்

ஏம்பா மனுஷ், மும்பை, கோவை குண்டுவெடிப்பு பற்றி அங்கேயும் 100க்கு மேற்பட்டோர் செத்தது பற்றி என்றைக்காவது கவிதை எழுதியிருக்கின்றீரா?

ஒப்பற்ற தலைவனின் பிறந்த நாள் இன்று

மானிட வராலாற்றில் மக்களே அரசர்களை ஒழிக்கமுடியும் என முதன் முதலில் உலகிற்கு அறைந்து சொல்லிகொடுத்த ஒப்பற்ற தலைவனின் பிறந்த நாள் இன்று

பல்லாயிரம் ஆண்டாக தொடர்ந்த அந்த மானிட வரலாற்றினை, அரசர்கள் மட்டுமே ஆளதெரிந்தவர்கள் என்ற பொய்யினை அவன் தான் உடைத்தெறிந்தான்

விளாடிமிர் லெனினின் பிறந்தநாள் இன்று, அவன் தான் வரலாற்றாளன், புரட்சியின் தலைமகன்

ரஷ்யா ஜார் மன்னர்களின் ஆட்சி அப்படி கொடுமையாய் இருந்தது, பொறுத்துகொண்டிருக்க அவர்கள் என்ன தமிழக மக்களா? தமிழர்கள் போல் இருந்தால் எப்படி புரட்சி வெடிக்கும்? வாய்ப்பே இல்லை

ஆனால் ரஷ்யர்கள் கொதித்தார்கள், லெனினின் அண்ணன் முதல் போராளி, ஆனால் அரச சதி என சொல்லி கொல்லபட்டார்

தன் சகோதரனையே களபலியாக கொடுத்துத்தான் லெனின் அப்போராட்டத்தை தொடங்கினான், கார்ல் மார்க்ஸ் சொன்ன தத்துவம் உலகாளும் என நம்பினான்

பொதுவுடமை ஒன்றும் புதிதல்ல, இயேசுவே ஒரு பொதுவுடைவாதியாகத்தான் இருந்தார், அவரின் சீடர்களும் தொடக்கத்தில் எல்லாவற்றையும் பொதுவாக கொண்டு வாழ்ந்ததாகத்தான் பைபிள் சொல்கின்றது

போலந்து, பிரான்ஸ் என பல இடங்களில் மக்கள் புரட்சி ஏற்பட்டாலும் அவை எல்லாம் சில மாதங்களுக்குள்ளே ஓய்ந்தது, காரணம் மதம் அவற்றை எளிதாக அடக்கியது

அப்படிபட்ட‌ மதகுருமார்கள்தான் ரஷ்யாவில் ஆட்சியின் அதிகார மையமாக இருந்தனர்

ஜார் மன்னன், கிறிஸ்தவ திருச்சபை, அன்றைய ஜார் மன்னனை ஆட்டுவித்த சாமியாரான, ஜெயாவினை ஆட்டிய‌ நமது தமிழக மன்னார்குடி குடும்பத்தை போன்ற மர்ம சாமியாரான ரஸ்புடீன் என பல அதிகார மையங்கள் ரஷ்யாவில் இருந்தன‌

முதலில் ஐரொப்பிய தொழிலாளர்களோடுதான் வாழ்வினை தொடங்கினார் லெனின், அதனால் அவர்கள் சிரமமும், கஷ்டமும், அவருக்கு விளங்கிற்று

பொதுவுடமை பற்றி பல புத்தகங்கள் எழுதினார், அதன் மூலம் மக்களை திரட்டினார், ஆட்சிக்கு எதிராக ஆயுதம் ஏந்தி போராடினார்

முதலில் ஓட விரட்டபட்டார், அவர் ஜெர்மானியரின் கைக்கூலி என ஜார் மன்னர் சொல்லிகொண்டிருந்தார், ஆனால் அதனையும் மீறி லெனினை மக்கள் வரவேற்க காரணம் அவரின் பேச்சு, எழுத்து எல்லாவற்றிற்கும் மேலாக மானிட நேயம்

முதன்முறை தோற்றாலும் இரண்டாம் முறை ரஷ்ய அரசினை வீழ்த்தி ஆட்சியினை கைபற்றினார்

கடந்த நூற்றாண்டின் பெரும் அதிசயம் அது, அதற்கு முன் ஜனநாயக நாடு மக்களாட்சி நாடு என அமெரிக்காவும், பிரான்சும் அறியபட்டிருந்தாலும் அவை முதலாளித்துவ நாடுகளாகவே இருந்தன‌

லெனின் முதன் முதலில் தொழிலாளிகளுக்கான அரசை அமைத்தான், இப்பொழுது இந்தியாவில் திடீரென விவசாயிகளுக்கான அரசு அமைந்தால் நம்ப முடியுமா? அப்படித்தான் உலகம் திகைத்தது

லெனின் சோவியத் யூனியன் அமைத்து தொழிலாளர்களுகு விடிவு சொன்னபின்புதான், உலகெல்லாம் தொழிலாளர் பாதுகாப்பு, ஓய்வூதியம், ஓய்வு, குறிப்பிட்ட பணிநேரம் என சகல உரிமைகளும் கிடைக்கபட்டன‌

எல்லா நாடுகளும் புரட்சிக்கு அஞ்சி தொழிலாளருக்கு உரிமைகள் கொடுக்க தொடங்கின, பல மக்கள் ஆட்சிக்கு சத்தமில்லாமல் திரும்பின‌

இந்த மாபெரும் மாற்றத்தை லெனின்தான் உலகில் தொடங்கிவைத்தார், பெரும் திருப்பம் அது

லெனின் ஆட்சி அமைத்தபின்பு தான் உலகெல்லாம் அவனால் விழிக்க தொடங்கிய பின்புதான் இனி இந்தியாவினை நெடுங்காலம் ஆளமுடியாது எனும் எண்ணம் பிரிட்டனுக்கே வந்து அது கமிஷன் அது இது என இறங்கிவற ஆரம்பித்தது

தமிழகத்து பன்னீர்செல்வம் (இவர் அன்றைய நீதிகட்சி பிரமுகர்) போன்றோர் எல்லாம் லண்டனுக்கு சென்று வெளளையோடு உரிமை பேசிய விஷயங்கள் எல்லாம் அதன் பின்னரே நடந்தன‌

இன்று சோவியத் இல்லை, உலகெல்லாம் தொழிலாளர்கள் எப்படி எல்லாம் வதைக்கபடுகின்றனர், 4 மணிநேரம் கூட ஓய்வு இல்லாமல் முதலாளித்துவம் எப்படி எல்லாம் வதைக்கபடுகின்றனர் என்பது கண்கூடாக பார்க்கின்றோம், உலகெல்லாம் அதுதான் நிலை

முன்பு அப்படித்தான் தொழிலாளரின் அடிமை நிலை இருந்தது, இதனை அரசு அமைத்து காத்த மாபெரும் தலைவன் தான் லெனின்

அவர் பட்ட கஷ்டங்கள் ஏராளம், ஆட்சிக்கு வந்த மறுவருடமே சுடபட்டார், எத்தனையோ கொலை முயற்சிகளில் தப்பித்துதான் வந்தார், பக்கவாதத்தில் பாதிக்கபட்டாலும் எழுதுவதை கலைஞர் போல எழுதிகொண்டேதான் இருந்தார்

வரலாற்றை புரட்டிய லெனினினை தொடர்ந்துதான் ஸ்டாலின், மாவோ, காஸ்ட்ரோ, சே, ஹோ சி மின், என ஒப்பற்ற பெரும் பொதுவுடமை போராளிகள் எல்லாம் உலகில் வந்தனர், தேவை ஏற்படின் இன்னும் வருவர், அவர்களுக்கெல்லாம் என்றும் தலைமகன் லெனின்

கடவுள் என ஒன்று இல்லை, அது மக்களை மயக்கும் மாயவேலை, உழைப்பு மானிட இனத்தை உயர்த்தும், அறிவு மானிட இனத்தை காக்கும் என உலகிற்கு அரசு அமைத்து சொன்னவன் லெனின்

அந்த கடவுள் மறுப்பு பாதைதான் தமிழகத்திலும் ஒலித்தது, பெரியார் தைரியமாக எழுந்து , “அதொ கடவுளை மறுதலித்து, ஆலயங்களை இடித்துவிட்டு, மதகுருமார்களை விரட்டிவிட்டு எல்லோரும் மன்னர் என ஆட்சி அமைத்திருக்கின்றானே மாவீரன் லெனின், அவன் மனிதன், அவனுக்கு தலை வணங்குகின்றேன்” என சொல்லும் அளவிற்கு லெனின் தாக்கம் தமிழகத்தில் இருந்தது

பெரியார் போராடவும் , குரலெழுப்பவும் அவருக்கு லெனினின் வெற்றி பெரும் உந்து சக்தியாக இருந்தது, பெரியாரும் ரஷ்யா சென்று பொதுவுடமை அரசினை எல்லாம் கண்டு வந்தார்

பெரியார் ஒரு கம்யூனிஸ்டோ என வெள்ளையன் அஞ்சும் அளவிற்கு பெரியாரிடம் லெனின் தாக்கம் இருந்தது

பெரியாரை மட்டுமல்ல, உலகில் எங்கெல்லாம் மதம் எனும் மாயையில் மக்களை அடக்கினார்களோ அங்கு இருந்த மானிட நேயம் மிக்க மனிதர்களை எல்லாம் லெனின் தாக்கினார்

லெனின் கொடுத்த அந்த ஒளியில்தான் உலகில் தொழிலாளர் வாழ்விலும், ஒடுக்கபட்டோர் வாழ்விலும் வெளிச்சம் வந்தது

உலகெல்லாம் புரட்சி தீபம் ஏற்றிய அந்த ஒப்பற்ற தலைவனின், உலக புரட்சி தலைவனின் பிறந்த நாளில் அவனுக்கு மனதார‌ அஞ்சலி செலுத்தலாம்

அந்த மாமனிதனே புரட்சிக்கு தலைவன், ஆனால் அவன் கடைசி வரை தோழர் என்றே அழைக்கபட்டான், புரட்சியாளன் என உலகெல்லாம் அறியபட்டான்

ஆனால் தமிழகத்தில் கேமரா முன்னால் ஆடிய ஒரு கூத்தாடி புரட்சி தலைவன்

அந்த ரஷ்ய புரட்சிதலைவனுக்கு பின், பின் தங்கிய ரஷ்யா உலக வல்லரசானது, இன்றுவரை அது உலகை மிரட்டுகின்றது

ஆனால் தமிழக புரட்சி தலைவன் ஆட்சிக்கு பின் தமிழகம் என்னாயிற்று என்பதற்கு இன்றைய காட்சிகளே சாட்சி, அந்த புர்ச்சி தலைவனுக்கு ஒரு புரட்சி தலைவி வேறு, நம் தலைவிதி இப்படி

வராது வந்த மாமணியான லெனின் உடலை , அழியாமல் ரஷ்யாவில் பதப்படுதினார்கள், வருங்காலத்தில் மருத்துவம் வளர்ந்து அவர் உயிர்பெறலாம் எனும் நம்பிக்கை அக்கால ரஷ்யர்களிடம் இருந்தது என்பார்கள்

அவர் உயிபெறாவிட்டாலும் பரவாயில்லை, நம்மை எல்லாம் மானமும், அறிவும் பெற வைத்தவன் என்பதால் எல்லா தலைமுறையும் பார்க்கட்டும் என வைத்திருந்தார்கள்

ரஷ்யர்கள் கொடுத்து வைத்தவர்கள் அவர்களுக்கு “புரட்சி தலைவன்” லெனினும் அவனுக்கு பின் ஸ்டாலினும் இன்னும் பலரும் இன்று புட்டீனும் கிடைத்தார்கள்

நமக்கு “புரட்சி தலைவன்” எம்ஜிஆரும் அவருக்கு பின் புரட்சி தலைவி ஜெயாவும் அவருக்கு பின் இன்று பன்னீரும் எடப்பாடியும் வந்திருக்கின்றார்கள்

தமிழகம் உருப்படுமா? வாய்ப்பே இல்லை..

தமிழக புர்ச்சி தலைவன் எம்ஜிஆர் செத்ததும், அதிமுகவினருக்கு அப்படி ஒரு ஐடியா வந்தது? எதற்கு? வைத்து வோட்டு கேட்கலாம் என்பதற்காக, அந்த கட்சியினருக்கு எந்நாளும் அறிவு அப்படித்தான்

ஆனால் டெல்லி மிரட்டியதால் , அவரை புதைத்துவிட்டார்கள் தமிழகம் தப்பியது இல்லாவிட்டால் இன்று எம்ஜிஆர் உடல் யாருக்கு என்பதில் பன்னீர் கோஷ்டியும் , தினகரன் கோஷ்டியும் வெட்டியான் போல முட்டிகொண்டிருக்கும், எப்படியோ அன்று டெல்லி தமிழகத்தை காப்பாற்றியிருக்கின்றது

இன்று ஆட்சியினை கலைக்காமல் கெடுத்துகொண்டிருக்கின்றது

உலகிற்கு பெரும் வழிகாட்டிய, மானிட நேயமிக்க, மார்க்ஸ் எனும் பெட்ரோலை விளக்காக எரியவிட்ட அந்த மாமனிதனை இன்று நினைத்துகொள்ளலாம்

லெனினுக்கு சாவில்லை, எல்லா ஒடுக்கபட்ட மக்களின் போராட்டத்திலும், அவர்கள் பெரும் உரிமையிலும் அவர் வாழ்ந்துகொண்டே இருப்பார்

அம்மாமனிதனுக்கு உள்ளார்ந்த அஞ்சலி,

கடவுள் இல்லை என சொல்லி, கடவுளின் ஆட்சியினை கொடுத்த கடவுள் அவன்..

(ஒரிஜினல் புரட்சி தலைவனும், டூப் புரட்சி தலைவனும்)

அது திட்டமிட்ட தாக்குதல் சந்தேகமில்லை

அது எப்படி இலங்கையில் தன் சொந்த நாட்டில் மாபெரும் பாதகம் செய்ய சிலர் துணை போவார்கள், இதெல்லாம் திட்டமிட்ட தீவிரவாத தாக்குதல் அதை ஒப்புகொள் என்கின்றனர் சிலர்

அது திட்டமிட்ட தாக்குதல் சந்தேகமில்லை

ஆனால் சொந்த நாடு என்றும் பாராமல் சொந்த தமிழினம் என்றும் பாராமல் இலங்கையில் ஏராளமானோரை கொன்று குவித்தான் பிரபாகரன்

அவனை போல இன்னும் ஏராளமான தேசவிரோதிகள் அங்கு இருக்கலாம்

சொந்த பிரதமர் எனவும் பாராமல் ராஜிவினை கொல்ல துணைபோன இந்த நளினி பேரரிவாளன் கும்பல் போல, மும்பையில் குண்டு வைத்த தாவுத் இப்ராஹிம் போல எல்லா நாட்டிலும் விரோதிகள் உண்டு

குற்றவாளிகளை தூக்கிலட வேண்டும் : வைகோ

இலங்கையில் நடைபெற்ற கொடூர சம்பவத்துக்கு நீதி வேண்டும், குற்றவாளிகளை தூக்கிலட வேண்டும் : வைகோ

மிஸ்டர் வைகோ, இங்கு ராஜிவ்மேல் கொலைதாக்குதல் நடத்திய தீவிரவாதிகளை என்ன செய்ய வேண்டும்

உடனே விடுவிக்க வேண்டும்

எட்ரா அந்த செருப்ப…

மானிட வரலாற்றில் மக்களே

(அதே செருப்பை கொண்டு இலங்கை சம்பவத்தை கண்டித்து கொண்டே இங்கு 7 பேரையும் விடுவிக்க சொல்லும் ஒவ்வொருவன் மேலும் அடிக்க வேண்டும்)