ஓவியா சிம்பு திருமணம் ?

download.jpg

எனக்கும், ஓவியாவுக்கும் நிச்சயதார்த்தம் முடிந்து, திருமணமாகிவிட்டது: சிம்பு

ஒரு வருடத்தில் எத்தனை திருமணம் செய்வார் இவர்?, இந்த எலிசபெத் டெய்லரின் சாதனையினை முறியடிக்க இவரை விட்டால் யாருமில்லை

தமிழண்டா என அடிக்கடி சீறிகொள்வார், ஆனால் இவர் அடிக்கடி காதலிப்பதோ, திடீர் திருமணம் செய்வதெல்லாம் மலையாள, வடநாட்டு பெண்கள்.

ஏன் மிஸ்டர் சிம்பு இதில் உங்கள் தமிழுணர்வு வெளிப்படவில்லை?

Advertisements

ஒரே நாட்டில் எத்தனை நிற பாஸ்போர்ட்டுகள்

முன்பெல்லாம் படிக்காதவர் பாஸ்போர்ட், பட்டம் பெற்றோர் பாஸ்போர்ட் என பிரிக்க ஒருமுறை இருந்தது

ECR, ECNR என பிரித்திருந்தார்கள், பின்னாளில் அது அகற்றபட்டது

இப்பொழுது சில காரணங்களுக்காக பிரிக்க வேண்டுமென்றால் அப்படி ஒரு பக்கம் சேர்த்தால் போதுமானது

மாறாக 10ம் வகுப்புக்கு கீழ் காவி கலரும், அதற்கு மேல் வேறு நிறம் என்பதெல்லாம் குழப்த்தை கொண்டுவரும்

அது இன்னும் சிக்கலாகி எ.கே.ஜி பாஸ் போர்ட் ஒரு கலர், பிஎச்டி பாஸ்போர்ட் இன்னொரு கலர் என்ற ரீதிக்கு செல்லும்

அதன் பின் சர்வதேச விமான நிலையங்களில் இந்தியர் சிகப்பு கலர் ஜிங்குசா, பச்ச கலரு சிங்குசா, மோடி சிங்குசா என ஒருமாதிரி அலைவார்கள்

ஒரே நாட்டில் எத்தனை நிற பாஸ்போர்ட்டுகள் என சர்வதேசம் தலையினை பிய்த்துகொள்ளும், இந்தியாவின் மதிப்பே சரியும்

இவர்கள் செய்வது காவி கலர் மாயம், அதனை இப்படி தொடங்குகின்றார்கள். ஏன் காவிமயம் அதேதான் பாகிஸ்தான் பாஸ்போர்ட் பச்சை என்றால் இந்திய பாஸ்போர்ட் காவியாக இவர்களுக்கு இருந்தாக வேண்டும்

இந்த கடல் நீல நிறமாக இருப்பது நிச்சயம் இவர்கள் கண்ணுக்கு உறுத்தும், விரைவில் அதனையும் காவி கலராக்கி, இந்திய பெருங்கடல் காவிகலரில் இருந்தால்தான் 
சரி என்பார்கள், பொறுத்திருந்து பாருங்கள்

ஜல்லிகட்டுக்கு தமிழகமே பொங்கி மீட்டு வந்தது

images.jpg

ஜல்லிகட்டுக்கு தமிழகமே பொங்கி மீட்டு வந்தது, ஆனால் அதில் நடக்கும் உயிர்பலி பற்றி எந்த தமிழனும் கவலைபட்டதாக தெரியவில்லை

நேற்று ஒருவர் களத்தில் செத்திருக்கின்றார், இனி அவர் குடும்பம் என்னாகும்? யார் அக்குடும்பத்திற்கு பொறுப்பு?, அவர்கள்தான் இனி அழுது அலறி காலம் முழுக்க வலியோடு வாழவேண்டும்

இதெல்லாம் கேட்டால் தமிழின துரோகி ஆகிவிடுவோம்

ஜல்லிகட்டிற்கு மாட்டு கொம்பை பிடித்து துன்புறுத்த கூடாது எனும் விதிகளை எல்லாம் வகுத்து நடத்துகின்றார்களாம். அப்படியே வீரர்களுக்கும் தகுந்த பாதுகாப்பு முறைகளை, சில முறைகளை , சிறப்பு பாதுகாப்புகளை நடைமுறைபடுத்த சொல்லி போட்டியினை நடத்தலாம்

ஆபத்தான விளையாட்டுகளை தற்காப்பு விஷயங்களை அணிந்து விளையாடுவதால் அது வீரத்தை காட்டாத விளையாட்டு ஆகிவிடாது

தமிழனுக்கு மதம் இல்லை என சொல்வது வடிகட்டிய பொய்

இந்த வைரமுத்து சர்ச்சை வந்தாலும் வந்தது, தமிழ் உணர்வாளர்கள் அட்டகாசம் தாளவில்லை. தமிழனுக்கு எங்கிருந்து மதம் வந்தது? எல்லாம் ஆரிய திணிப்பு பார்ப்பன சதி என்றெல்லாம் பேசி கொண்டிருக்கின்றார்கள்

தமிழனுக்கு மதம் இல்லை என சொல்வது வடிகட்டிய பொய்

ஒளைவயார் தமிழ் கவிஞர் இல்லையா? அவரின் பாடல்கள் எல்லாம் முருகனை பற்றி இருப்பது எப்படி?

அவ்வையாரை விடுங்கள், தமிழ்வளர்த்தான் அகத்தியன் என்பதை மறுக்கமுடியுமா? அவன் எங்கிருந்து வந்தான் வடக்கிருந்து வந்தவன்

ஒரு வாதத்திற்கு சிவன் திருமணத்திற்காக அவன் தென்னகம் வரவில்லை என வைத்தால் கூட, அகத்தியனின் சிலையினை காணுங்கள் அது சாட்சாத் திபெத் சீன வடிவம்

குள்ள உருவமும், இடுங்கிய கண்ணுமாய் நிற்கும் அகத்தியன் நிச்சயம் இமயமலை பக்கம் இருந்தே வந்திருக்க வேண்டும்

இந்துக்களின் தாயகம் இமயமலையே, அகத்தியன் ஒரு இந்து. இங்கு வரும்பொழுதே அவன் இந்துவாக வந்தான் தமிழ் வளர்த்தான்

அகத்தியனின் சீடன் என சொல்லபடும் தொல்காப்பியன் தமிழ் இலக்கியம் வகுத்தான். கலைஞரே தொல்காப்பிய பூங்கா என்றொரு புத்தகம் எழுதினார்

அந்த தொல்காப்பியன் கடவுள்களை பற்றி சொல்கின்றான், தமிழர் நில கடவுள் என ஐந்து தெய்வங்களை வகுக்கின்றான்

முதலில் இந்த தொல்காப்பியன் மீதே ஏகபட்ட சந்தேகம், காரணம் அவர் பாடலில் ஒட்டகம் எல்லாம் வருகின்றது. தமிழுக்கு இலக்கணம் எழுதியவன் தமிழனாகத்தான் இருக்க முடியும்

ஆனால் தமிழகத்தில் எப்படி ஒட்டகம்? நிச்சயம் இல்லை

ஆக தமிழர் வடக்கே எங்கிருந்தோ வந்து இங்கு குவிந்திருக்கலாம் எனும் குழப்பமும் வரும்.

இன்னும் ஆழமாக நோக்கினால் சிந்து சமவெளி நாகரீகம் தமிழரை ஒத்திருக்கின்றது, ஆதிச்சநல்லூரை தோண்டா மர்மம் அதுவே

ஆப்கானிஸ்தானில் இன்றளவும் புகார், வாஞ்சி, காவேரி, கொற்கை போன்ற ஊர் பெயர்கள் உண்டு. கோரி முகமது என வரலாறு சொல்லுமே, அந்த கோரி என்பது அவன் பெயரா?

அல்ல, அது அவன் ஊரின் பெயர். உண்மை பெயர் கவேரி அதாவது காவேரி என்பதன் ஆப்கன் உச்சரிப்பு. அந்த ஊர் இன்றும் இருக்கின்றது, அங்கிருந்து கிளம்பிய முகமதுதான் கோரி முகமது

ஆரியர் வந்தேறிகள் என சொன்னால் தமிழர் யார்? ஆக இருவரும் சேர்ந்தே தமிழகம் வந்தார்களா?

இன்னும் வரலாற்றை தோண்டினால் தமிழரும் இங்கு எங்கிருந்தோ வந்தவர் என்பது முடிவாகும் என்பதால் பல விஷயங்கள் அப்படியே கிடப்பில் போடபட்டது

இந்து சமயத்தில் சில குறைகள் இருக்கலாம், அது எல்லா மதத்திலும் இருப்பது போன்றது. அதனை பெரியார் கண்டித்திருக்கலாம்

அக்காலம் உலகம் முழுக்க நாத்திக வாதம் பெருகிய காலம், கார்ல் மார்க்ஸ் அலை வீசிய காலம். பெரியாரும் அதில் சிக்கி இருக்கலாம்

அதற்காக தமிழருக்கு மதமே இல்லை என்பதும், பெரியாரும் அண்ணாவும் மட்டும் தமிழ்வளர்த்தனர் என்பதெல்லாம் காமெடி ரகம்

அகத்தியன், தொல்காப்பியன், வள்ளுவன், கம்பன், ஆழ்வார்கள், அடியார்கள் என எல்லோரும் வளர்த்தார்கள், 3 சங்கம் வைத்து வளர்த்தார்கள்

பெரியாரும் அண்ணாவும் சங்கம் வைக்கவில்லை ஆனால் பாண்டிதுரை தேவர் மதுரையில் 4ம் தமிழ்சங்கம் நடத்தினார், மறுக்க முடியுமா?

உ.வே சாமிந்தய்யர் ஒவ்வொரு மடமாக தேடி ஓலைசுவடியினை அச்சுக்கு கொண்டுவந்தார்

பிராமணர்களில் எத்தனையோ பேர் தமிழ் வளர்த்தனர், அது பாரதி முதல் பலர் வரும் வரிசை

சைவ சித்தாந்த கழகம் அற்புதமான நூல்களை எல்லாம் வெளியிட்டது, அவை இன்றும் உண்டு

திராவிட கும்பல் கடவுள் மறுப்பு என்றே எழுதி தள்ளியது, கம்பனையும் இன்னும் பலரையும் குதறி தள்ளியது, மதம் இருக்கின்றது என்பதற்காக அவ்வையார் முதல் அருணகிரி நாதர், அடியார்கள், ஆழ்வார்கள் போன்றவர்களை எல்லாம் மறைத்தது.

ஐரோப்பா கிறிஸ்து சிலையினை உடைக்க வேண்டும், பாதிரியினை விரட்ட வேண்டும், போப்பாண்டவர் தலை வேண்டும் என்ற அலைந்த அந்த எதிரொலிப்பு இங்கு பெருமாள் கோவிலை இடி, அர்ச்சகரை கொல், சங்கராச்சாரியாரை கடலில் போடு என எதிரொலித்தது.

போதா குறைக்கு சீனாவில் புத்தமதமா? திபெத் இருந்தால்தானே புத்தம் இருக்கும் என அதனை அமுக்கி மதமே வேண்டாம் என கண்ணசைத்தான் மாவோ

இவை எல்லாமே இங்கு எதிரொலித்தது, ஆனால் ஆட்சிக்கு வந்தாலும் கொள்கைக்காக சொன்னார்களே அன்றி, பாட நூல்களில் பண்டைய செய்யுளை, கடவுள் பாடல்களை எல்லாம் கலைஞர் அரசு தடுக்கவில்லை.

தமிழை வளர்க்க அவைகளை தடுக்க முடியாது என்பதில் கவனமாய் இருந்தார் கலைஞர். தமிழின் வேர் அது என்பது அவருக்கு புரிந்திருந்தது.

கலைஞரின் பெரும் குணங்களில் இதுவும் ஒன்று. இது திராவிட அரசு பெரியார் அண்ணா எழுத்து மட்டுமே மாணவன் படிக்க வேண்டும் என்ற இம்சை எல்லாம் இல்லை

எல்லா அடியார் பாடல்களும் காவியங்களும் தமிழ்மாணவன் படித்தான்

ஆக திராவிட கழகத்தார் மவுனம் காத்த இடங்களை எல்லாம் கவனித்தால் தமிழனின் ஆதிமதம் இந்து என்பதை உணரமுடியும்

அவர்கள் அழிச்சாட்டியம் செய்த இடங்களை கண்டால் அது புத்த, சமண தாக்கம் நிறைந்த இடங்களாக இருக்கும் ஆனால் சமத்தாக அந்த மதங்களையும் மறுப்பார்கள்

உலகெல்லாம் நாத்திகவாதம் பெருகிய காலத்தில் தமிழகத்திலும் அடித்தது அது 1930 முதல் 1975 வரை மட்டுமே

இந்த 45 வருட நாத்திகம் பல்லாயிரம் ஆண்டுகள் தொடர்ந்து வந்த மதத்தை அசைக்க முடியவில்லை, உலகெல்லாம் இதே நிலை, தமிழகமும் அப்படியே

அதனால் பல்லாயிரம் வருட தொன்மையில் இருந்து பார்க்கவேண்டுமே தவிர இந்த வெறும் 45 வருடத்தை பிடித்துகொண்டு இதுதான் வரலாறு என சொல்வீர்கள் என்றால் , அதற்கு உங்களையே நீங்கள் ஏமாற்றுகின்றீர் என பொருள்

அவர்களை பார்த்து பரிதாபபடமுடியுமே தவிர வேறு ஒன்றும் செய்ய முடியாது.

காணும் பொங்கல் வாழ்த்துக்கள்

Image may contain: 1 person, close-up

தலைவி முகத்தை பார்த்து சங்கம் தனது “காணும் பொங்கல்” எனும் கலாச்சார கடமையினை செவ்வனே செய்துகொண்டிருக்கின்றது.

கண்டுகளிக்க இதனை விட அழகிய விஷயம் உலகில் எங்கு உள்ளது?

மறுபடியும் களத்தில் இறங்கிவிட்டார் மா.நடராசன்

Image may contain: 2 people

மறுபடியும் களத்தில் இறங்கிவிட்டார் மா.நடராசன், சீறியபடி வந்து நிற்கின்றார்.

உடல்நலம் குன்றி மாற்று கல்லீரல் பொருத்திய நடராசன் தன் பேட்டியினை வழங்கியிருக்கின்றா, கல்லீரல் கொடுத்தவனுக்கு நன்றி எல்லாம் அதில் இல்லை,மாறாக பலரின் ஈரலை பிடுங்கும் வகையில் பேட்டி இருக்கின்றது இப்படியாக‌

“நான் இன்னும் இந்தியா முழுக்க செல்வாக்கோடு இருக்கின்றேன், ஒரு போன் போட்டாலே நான் நினைத்ததை சாதிப்பேன்

இந்த ஜெயலலிதா சாவுக்கு எதற்கு விசாரணை ஆணையம். தீர்ப்பு வந்தும் என்ன கிழித்துவிட போகின்றார்கள்? எல்லாம் வீண் குழப்பம்

ஜெயலலிதாவினை நானே உருவாக்கினேன். அவர் வாசித்தது எல்லாம் என்னுடைய எழுத்து, அவர் அறிவித்த திட்டமெல்லாம் என்னுடைய வியூகம். அதனை பின்பற்றியதாலே அவர் வெற்றி கண்டார்

நான் தமிழகத்தில் மகா செல்வாக்கனவன், என் மனைவிக்கு பரோல் கிடைத்ததும் தமிழகம் முழுக்க இருவரும் சுற்றுபயணம் செய்வோம், இந்த அரசை விடமாட்டேன்” என சீறி எழுந்திருக்கின்றார்

அன்னாரின் பேட்டியினை கவனித்தால் சில தொணிகள் தெரியும்

முதலாவது ஜெயா எப்படி செத்தால் என்ன? என்ன முடிவு என்றாலும் யார் கேட்க போகின்றார்கள்? எனும் அலட்டல்

இரண்டாவது விஷயம் ஜெயா எல்லாம் விஷயமே அல்ல, நானே உருவாக்கினேன், என் சொற்படி கேட்டால் யாரும் முதல்வராகலாம் என பழனிச்சாமிக்கு மிரட்டல்.

கடைசி விஷயம் இந்தியா முழுக்க இன்னும் பலரின் தொடர்பில் இருக்கின்றார் நடராசன், அது அரசியலா? கள்ள கடத்தலா? தீவிரவாதமா, நக்சலா என தெரியவில்லை . ஆனால் மத்திய அரசுக்கான மிரட்டல்

இதற்கெல்லாம் காரணம் ஆர்.கே நகர் கொடுத்த வெற்றி, தினகரனை மனமார வரவேற்றது போல தமிழக மக்களும் தன்னையும் தன் மனைவியினை வரவேற்பார்கள் அல்லது வரவேற்க வைக்க முடியும் என நம்புகின்றார் போல‌

ஆக தமிழக மக்களுக்கு ஜாக்பாட் அடிக்க போகின்றது, எப்படி பார்த்தாலும் வசூல் மழை கொட்டபோகின்றது, அதனைத்தான் நடராசன் சூசகமாக சொல்கின்றார்

ஆனால் சில விஷயம் உதைக்கின்றது

தான் சொல்லிகொடுத்ததை செய்துதான் ஜெயா முதல்வர் ஆனார் என்றால், இவர் இன்னும் பல முதல்வரை உருவாக்கி இருக்கலாமே, ஏன் ஜெயாவினையே வைத்திருந்தார் என நாம் கேட்க கூடாது

ஆக ஜெயா ஒன்றுமே இல்லை என மக்கள் மனதில் பதிய வைக்க கிளம்புகின்றார் நடராசன், பார்க்கலாம்

தினகரன், திவாகரன் , விவேக் என ஆளாளுக்கு வரிசை கட்டும் களத்தில் நடராசன் வராமல் அமைதிவராது என்பது இன்னொரு கோணம்

நடராசன் பேட்டியில் இருந்து ஒரு கேள்வி மட்டும் கேட்கலாம்

“அய்யா ஒரே போனில் நினைத்ததை சாதீப்பீரா? ஒரு போன் போட்டு சசிகலாவினை வெளியில் கொண்டு வந்தால் என்ன? என்றெல்லாம் கேட்க மாட்டோம்

மாறாக இந்த இம்சை பிடித்த ஆட்சியினை ஒரே போனில் கலைத்துவிட கூடாதா?”

எப்படியோ, அன்னார் ஒரே போனில் நினைத்ததை சாதிப்பாரம். வருமான வரிதுறையினை அனுப்பி அவர் கையில் இருக்கும் போனை வாங்காமல் மத்திய அரசோ, பழனிச்சாமியோ நிம்மதியாக இருக்க முடியாது என்பது மட்டும் புரிகின்றது.

 

இறந்தவரை பழிப்பது அறிவுடமை ஆகாது

ஒரு மனிதன் இறந்துவிட்டால் அவனை பற்றி பேச கூடாது என்பது தமிழர் மரபு, அதுவும் அவன் இறந்த அன்று அவன் இறுதிசடங்கு நடக்கும்பொழுது பழிப்பது எல்லாம் மானிடர் செய்யும் விஷயம் அல்ல‌

கலைஞரை அவர் சில இடங்களில் கண்டித்திருக்கலாம், கலைஞர் ஒன்றும் விமர்சனத்திற்கு அப்பாற்பட்டவர் அல்ல. ஆயினும் அதனை சொல்ல இது நேரம் இல்லை

கலைஞர் நடமாடிகொண்டிருந்தால் ஞாநி உடலுக்கு விழுந்த‌ முதல் மாலை கலைஞரிடம் இருந்துதான் வந்திருக்கும் என்பதை மறக்காதீர்கள்

தமிழக சமூக அவலத்தை, அரசியலை சாடி எழுதிய ஒரு சிந்தனை மிக்க எழுத்தாளன் இறந்திருக்கின்றான், அவனுக்காக அழுங்கள்.

அழாவிட்டாலும் அமைதி காத்திருங்கள்

மாற்றன் தோட்டத்து மல்லிகைக்கும் மணமுண்டு, எதிர் முகாமில் இருப்போருக்கும் அறிவு உண்டு என்பதை மறக்க வேண்டாம்

சில திமுகவினர் செய்யும் அழிச்சாட்டியம் அதிகம்.

அன்பர்களே சாவு எல்லோருக்கும் பொதுவானது, அதில் இன்னொருவன் செத்திருக்கும் நேரம் கண்டதை எழுதுவதெல்லாம் அறிவுடமை ஆகாது