போங்கடா நீங்களும் உங்க ரசனையும்..

சூரியன் லட்சோப லட்சம் ஆண்டுக்கு முந்தையது அதை ஒன்றும் சொல்லாமல் வணங்குகின்றார்கள்

கோஹீனூர் வைரம் சில ஆயிரம் ஆண்டுக்கு முற்பட்டது, அதை அழகு என்கின்றார்கள், தஞ்சை கோவில் ஆயிரம் வருடம் முந்தையது அதுவும் ஆச்சரியமாம்

தாஜ்மகால் 400 ஆண்டுக்கு முந்தையது அதுவும் அழகானதாம்

ஆனால் வெறும் 48 ஆண்டுகளுக்கு முன் வந்த தலைவி குஷ்பு பற்றி சொன்னால் அவர் கிழவியாம்

போங்கடா நீங்களும் உங்க ரசனையும்..

பாபாவும் உங்களிடம் மவுனமாக அதைத்தான் சொல்கின்றார்

தமிழகத்தில் இருக்கும் அனைத்து ஆலயங்கள் இருக்கும் சாமிகள், கற்பனை சாமிகள் என எல்லோரிடமும் முறையிட்டும் இந்த Kasi Lingam Senthil Kumar Chennai என்பவர்கள் குறை தீரவில்லை

கடைசியாக ஷீரடி சாய்பாபாவிடம் முறையிட்டு பார்க்கலாம் என சென்றிருக்கின்றார்கள்

“ஏ பகவான் பாபாவே, உங்களாலும் எங்களுக்கு திருமணம் செய்துவைக்க முடியாவிட்டால் அது எங்களுக்கு அவமானமன்று, ஆனால் உங்கள் பெயரும் புகழும் தவமும் கெட்டே விடும்

உங்கள் ஆலயத்து வாசலிலே இவரிடம் வேண்டியும் எங்களுக்கு திருமணமாகவில்லை என சாட்சியாய் அமர்ந்துவிடுவோம் , உங்கள் பெயரை காக்கும் பொறுப்பு உங்களிடமே இருக்கின்றது ” என மிரட்ட
சென்றிருக்கின்றார்கள்

சென்று எச்சரிக்கையும் விட்டாயிற்று.

நீர் செல்லவில்லையா Sundar G Santhosh எனும் இன்னொரு பிரம்மசாரியிடம் கேட்டால்
நான் காசியிலும் ஹரித்துவாரிலும் இதே மிரட்டலை சிவபெருமானுக்கு விட்டுவிட்டு இப்பொழுதுதான் வந்தேன் என்கின்றார்

இந்த மூவரும் கோவில் கோவிலாக அலைவதை கண்டால் நமக்கு கடவுளின் திட்டம் விளங்குகின்றது, பாவம் இந்த அற்ப மானிட மனங்களுக்கு புரியவில்லை

“ஏ மூவர்களே, திமுகவில் உங்களை சேர்க்கமாடார்கள் காரணம் நீங்கள் பக்திமான்கள், அதிமுகவில் மாட்டார்கள் காரணம் உங்கள் பாக்கெட் காலி

காங்கிரஸ் கிட்டதட்ட மனநோயாளிகள் முகாமாகிவிட்டது

அதனால் நல்லவர்களே, உங்களின் சந்நியாசி கோலத்துக்கு பாஜக சரியான தேர்வு

அங்கு காவி உடை உடுத்தி சேர்வீராயின் வாஜ்பாய், மோடி, யோகி, பொன்னார் போன்ற மிக சிறந்த பிரம்மசாரிகளாக உருவாகி நாட்டுக்கு நல்ல வழிகாட்டும் தலைவராய் உருவாவீர்கள்

அதனால் நாம் பட்டினத்தார் மொழியில் சொல்கின்றோம் , கண்களால் மயக்கும் பெண்கள் பின்னால் சென்று ஏமாறாதீர்கள்

திருமணம் என்பது ஒருவழிபாதை சென்றால் சென்றதுதான், அந்த பத்ம வியூகத்தில் சிக்கினால் அர்ஜூனனாலும் அதை உடைக்க முடியாது.

உண்மையினை சொல்லி போதிக்கும் பாஜக பக்கம் வாருங்கள், பெரும் எதிர்காலம் உங்களுக்கு காத்திருகின்றது”

பாபாவும் உங்களிடம் மவுனமாக அதைத்தான் சொல்கின்றார்

“தலைவி” படத்துக்காக இப்படி ராமசந்திரனாக மாறிவிட்டார் அ.சாமி ஆசாமி

அமலாபால் என்பவரின் முன்னாள் கணவர் விஜய் இயக்கும் ஜெயலலிதாவின் வாழ்க்கை படமான “தலைவி” படத்துக்காக இப்படி ராமசந்திரனாக மாறிவிட்டார் அ.சாமி ஆசாமி

இவரை விட்டுவிட்டு ஏன் இருவர் படத்தில் மோகன்லாலை இழுத்து வந்தார் மணிரத்னம்?

அதாவது இருவர் படத்துக்காக நெஞ்சுக்கு நீதி, முரசொலி எல்லாம் படித்திருப்பார் மணிரத்னம்,

முரசொலி படித்தபின் என்னாகும் என்பது எல்லோருக்கும் தெரிந்த விஷயமல்லவா?

சமூக பொறுப்பு அந்த மனிதனுக்கு இருந்தது

அந்த ராமசந்திரன் தனிபெரும் பட்டாளத்தை வைத்திருந்தார், அவருக்கென திரண்ட கூட்டமும் அவருக்காக உயிரையும் கொடுக்கும் அளவு அவர்கள் அவரை உயிராய் மதித்ததையும் இன்னொரு நடிகன் பெறமுடியாது

மாபெரும் படை அது, அவர் உத்தரவிட்டால் எதையும் செய்ய தயாராய் இருந்த கூட்டம் அது

ராமசந்திரன் வெறும் நடிகராயினும் அவருக்கு மனசாட்சி இருந்தது, அவரின் மனசாட்சியின் குரலாக அவர் சொன்னது இதுதான்

“எனக்கு ரசிகர்கள் அதிகம், அவங்க அதிகம் படிக்காதவங்க. என்னை கடவுள் அளவுக்கு வச்சிருக்காங்க‌

என்னை பின்பற்றும் அவர்களுக்கு தவறான வழிகாட்டிவிட கூடாது, ஆண்டவன் என்னை அவங்க கவனிக்கிற இடத்துல வச்சிருக்கான், அத தப்பா பயன்படுத்த கூடாது

அவங்க நல்லாயிருக்கணும், நல்லபடியா வளரணும். அதுக்குத்தான் என் படத்துல தாயினை மதிக்க சொல்றேன், குடிக்காதீங்கண்ணு சொல்றேன், பெண்களை மதிக்க சொல்றேன், என்னால முடிஞ்ச அளவு அவங்களுக்கு நல்லது போதிக்கிறேன்”

ஆம், சமூக பொறுப்பு அந்த மனிதனுக்கு இருந்தது, அவன் பெற்ற வெற்றிகளுக்கெல்லாம் அதுதான் காரணம்

அந்த வெற்றிக்கு சாட்சி இப்படம், அந்த மூதாட்டிக்கும் ராமசந்திரனுக்கு என்ன உறவு? என்ன பந்தம்?

அவளுக்கு தெரிந்தவரை ராமசந்திரன் ஒரு காட்சியும் தப்பாக நடித்ததில்லை, நல்லது தவற எதுவும் பேசியதில்லை, தாயினை அப்படி வணங்கினான்

தனக்கொரு மகன் இருந்தால் எப்படி வளர்க்கவேண்டும், அவன் எப்படி உருவாக வேண்டும் என இத்தாய் விரும்பினாளோ அதை அந்த மனிதரில் கண்டாள், இதோ வணங்கிகொண்டிருக்கின்றாள்

அந்த தாயின் முகத்தை பாருங்கள்,

பாரதத்தில் கர்ணனை மடியில் போட்டு அழுத குந்தியின் முகம் இப்படித்தான் இருந்திருக்கும்..

என்ன பைத்தியகார இயக்கம்?

மக்களுக்கான இலக்கியம், மானிட நேயம் இன விடுதலை இவற்றுக்கான ஆதார தளமாய் அக்கால சோவியத் யூனியன் இருந்தது

அது உலகெல்லாம் நாத்திகமும், இனவாத கருத்துக்கள் மானிட நேயத்துடன் , உண்மையான விடுதலை உணர்வுடன், அரசியல் கலப்பின்றி இருந்தால் வாரி அணைத்தது

அது கியூபாவில் அணைத்தது, சீனாவில் அணைத்தது, வடகொரியாவில், ஆப்ரிக்காவில் என உலகின் எல்லா மக்கள் இலக்கியங்களையும் வரவழைத்து கொண்டாடியது

அப்படிபட்ட சோவியத் இலக்கிய அணியிடம் மார்க்ஸிம் கார்க்கியின் வாழும் வடிவங்கள், டால்ட்ஸ்டாயின் சித்தப்பா பேரன்கள் எழுதியது என திராவிட இலக்கியங்களை சமர்பித்தார்கள்

அக்கால வல்லரசு என்பதால் திராவிட பின்னணியினை ஆய்ந்தது சோவியத்

ஆய்ந்துவிட்டு அலறி உட்கார்ந்தது, அவர்கள் இந்த முடிவுக்குத்தான் வந்தார்கள்

“நாத்திகம் என்கின்றார்கள் ஆனால் இஸ்லாமையும் கிறிஸ்துவத்தையும் தொடுவதில்லை, பொதுவுடமை என்கின்றார்கள் சிகப்பு சட்டை இல்லை பூரா பயலுக்கும் கோடிகணக்கில் சொத்து

இது என்ன யழவு இயக்கம், இது என்ன கருமாந்திர கொள்கை? ரஷ்ய மொழியினை விட கடினமானதாக இருக்கின்றது இவர்கள் நடவடிக்கை, அட இந்தியாவினை எதிர்ப்போ என்கின்றார்கள் இந்திராவுடன் கை குலுக்குகின்றார்கள்.

என்ன பைத்தியகார இயக்கம்?

உண்மையான விடுதலை குணமோ, உண்மையான மானிட குரலோ இவர்களிடம் இல்லை, பூராவும் அரசியல் உள்நோக்கம் கொண்ட ஆபத்தான இயக்கம் இது
இவர்களையும் இவர்கள் இலக்கியங்களையும் கையிலே எடுக்க கூடாது..” என முடிவெடுத்தது

உண்மையான மக்கள் பங்காளன் என காமராஜரை அது வரவேற்று அணைத்தது, உண்மையான மானிட நேயன் என ஜெயகாந்தனை அது ஆதரித்தது

அண்ணா, கருணாநிதி மற்றும் திராவிட குப்பைகளை அது ஏறேடுத்தும் பார்க்கவில்லை

ஆனால் அமெரிக்கா கண்டது, அட இந்தியாவில் குழப்பம் ஏற்படுத்துபவர்கள் நம் நண்பர்கள் அல்லவா என அணைத்தது

அப்படித்தான் அண்ணா டாக்டரனார், அண்ணாவுக்கு அமெரிக்க மருத்துவர் மில்லர் ஓடி வந்தார்

அடிக்கடி அமெரிக்க தூதரும் பிரிட்டிஷ் தூதரும் திமுகவினரை சந்திக்கும் மர்மம் அதுவே, அது அமைதிபடை காலத்தில் திமுகவின் அப்பட்டமான இந்திய எதிர்ப்பில் தெரிந்தது இன்னும் பல இடத்தில் தெரிந்தது

அந்த மாபெரும் மக்களாட்சி சமத்துவ பூமியான சோவியத் ஒன்றிய குப்பை என ஒதுக்கிய திராவிட எழுத்துக்களை , இந்தியாவில் குழப்பம் ஏற்டுத்தும் திமுக என அமெரிக்கா கொண்டாடிய எழுத்துக்களை அமேசான் ஆதரிப்பதில் என்ன ஆச்சரியம்?

அமேசான் அப்படித்தான் செய்யும்

உலக வரலாற்றையும் இலக்கிய வகைகளையும் , அதில் இருக்கும் உலக அரசியலையும் பார்த்துவிட்டு இப்பக்கம் வந்தால் திமுக அழிச்சாட்டிய இம்சைகள் அமேசானில் குதிக்க வைக்கபடுவது ஒன்றும் ஆச்சரியமல்ல, அப்படி நடக்காவிட்டால்தான் ஆச்சரியம்

இந்தியனை முதன் முதலாக தானே விண்வெளிக்கு அனுப்ப கடும் தயாரிப்பில் இறங்கிவிட்டது

இந்தியா தன் முதலாவது விண்வெளி வீரனை அதாவது இந்தியனை முதன் முதலாக தானே விண்வெளிக்கு அனுப்ப கடும் தயாரிப்பில் இறங்கிவிட்டது

ககன்யான் என பெயரிடபட்டிருக்கும் அத்திட்டத்தின் மொத்த செலவு பத்தாயிரம் கோடி, இந்திய சுதந்திரத்தின் 75ம் ஆண்டுவிழாவான 2022ல் இந்த சாதனையினை இந்தியா செய்யும்

உலகில் இதுவரை அமெரிக்கா, ரஷ்யா, சீனா ஆகிய மூன்று நாடுகளே விண்வெளிக்கு அனுப்பபட்டனர், நம் ராக்கேஷ் சர்மாவும் கல்பனா சாவ்லாவும் முறையே சோவியத் மற்றும் அமெரிக்க கலன்களில் சென்றார்கள்

இம்முறை நாமே நம் சொந்த கலனில் அனுப்ப போகின்றோம்

விண்வெளி பயணம் என்பதால் ராணுவ பைலட்டுகளே இதற்கு சரிபட்டு வருவர், இதனால் 4 பேர் தேர்ந்தெடுக்கபட்டு பயிற்சிக்காக ரஷ்யாவுக்கு அனுப்பிவிட்டது இந்தியா

இந்திய வான்படை , இஸ்ரோ இணைந்து செய்யும் முயற்சி இது, விஷேஷ ஜி.எஸ்.எல்.வி வாகனமும் தயாரிக்கபடுகின்றது

ஆக இருவருடத்தில் இந்திய வீரர்கள் விண்வெளிக்கு செல்வார்கள், உலகம் அதை மாபெரும் சாதனையாக பார்த்து வாழ்த்து தெரிவிக்கும்

அப்பொழுதும் திராவிட தமிழ்கோஷ்டிகள் மோடி அடுத்து விண்வெளிக்கு செல்வாரோ? எப்படி வாய்ப்பை தவறவிட்டார்? என வழக்கம் போல கலாய்த்து அவர்களே சிரித்தும் கொள்வார்கள்

சுதந்திரம் அடைந்து 75 ஆண்டுகளில் சொந்த ராக்கெட்டில் மனிதனை விண்வெளிக்கு அனுப்பும் நாடு இந்தியா, எவ்வளவோ சிக்கல்களிடையே அது தன் விண்வெளி அறிவினை வளர்த்து வருகின்றது அதன் சொந்த முயற்சி வாழ்த்துகுரியது என சொல்லிகொண்டிருக்கின்றது உலகம்

ஒரு விஷயம் நமக்கு கடும் அதிர்ச்சி அளிக்கின்றது

ஒரு விஷயம் நமக்கு கடும் அதிர்ச்சி அளிக்கின்றது

ஆம், தலைவி குஷ்பு நம் பதிவுகளை படிக்கின்றாரோ இல்லையோ அவரின் மணாளனும் பிராண நாதனுமாகிய சுந்தர்.சி படித்து இருக்கின்றார்

ஆக்சன் என்றொரு உலகளாவிய உளவு கதையினை சினிமாவாக்கி சமீபத்தில் வெளியிட்டிருக்கின்றார், படம் வைகோ போல முடங்கியது வேறுவிஷயம் என்றாலும் அவரின் முயற்சி வரவேற்கதக்கது

இந்திய உளவுதுறை மற்றும் ராணுவம் சர்வதேச மாபியா, தாவூத் இப்ராகிம் என கலந்து கட்டி அழகான முயற்சியினை செய்திருக்கின்றார்

பொதுவாக காமெடி படங்களுக்கு அறியபடுபவர் சுந்தர், படு ஜாலியான ஆசாமி, அவரின் படங்கள் அப்படி, ஒரு வீட்டை கூட தாண்டாது, அதற்குள்ளே முடிந்துவிடும்

அப்படிபட்ட சுந்தர்.சி முதல்முறையாக துருக்கி முதல் பாகிஸ்தான் வரையிலான உலக உளவு பின்னலை வைத்து படமெடுத்தால் எப்படி?

நிச்சயம் நல்ல முயற்சி, அப்படம் மாபெரும் வெற்றி பெற்றிருக்க வேண்டும். ஆனால் சில சொதப்பல்கள் நடந்தன‌

சுந்தர் சிங்கம் பட சாயலுக்கு படமெடுக்க முயன்றிருக்கின்றார், வேகமாக காட்சி அமைப்பதாக
நினைத்து வேகமாக ஓடி கிணற்றில் விழுந்துவிட்டார்

விஷால் சரியான தேர்வு அல்ல, சூர்யா மிக சரியான தேர்வாக இருந்திருக்கலாம்

நல்ல கதையினை அழுத்தமில்லாமல் அவசரத்தில் அள்ளி தெளித்து நாசமாக்கிவிட்டார்

பொதுவாகவே அரேபியா மற்றும் பாகிஸ்தானில் படமாக்கபடும் தமிழ்படம் ஓடாது என்றொரு சென்டிமென்ட் உண்டு , அது இங்கும் பலித்துவிட்டது

எது எப்படியாயினும் சுந்தர்.சி நம் பதிவுகளை படிக்கின்றார் என்பதை சங்கம் புரிந்து புளகாங்கிதம் அடைந்து, ஆனந்த களிஉவகை கொள்கின்றது

ஆனால் அந்த சதிகாரர் தனக்கு தேவையான கதையினை மட்டும் எடுப்பார் நிச்சயம் தலைவி குஷ்புவிடம் நம்மை பற்றி சொல்லமாட்டார் என சங்கத்தின் உள்ளுணர்வு உளவு உணர்வு எச்சரிப்பதால் மிகுந்த வேதனையில் இருக்கின்றது சங்கம்